- Байма, деб да, къууанма, джарлыма, деб да, джылама.
- Билген билмегенни юретген адетди.
- Къатыны харакетли болса, эри къымсыз болур.
- Ёлюр джаннга, ёкюл джокъ.
- Рысхысына кёре, джаш ёсер, къышлыгъына кёре, мал ёсер.
- Къар – келтирди, суу – элтди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариуну – ауруу кёб.
- Сангырау къулакъ эл бузар.
- Тойгъан джерден туугъан джер игиди.
- Джарлы джети элни сёзюн этер.
- Къулакъдан эсе, кёзге ышан.
- Бир абыннган – минг сюрюнюр.
- Ариу сёз – къылычдан джити.
- Шапа кёб болса, аш татымсыз болур.
- Кийимни бичсенг, кенг бич, тар этген къыйын тюлдю.
- Къартны бурнун сюрт да, оноугъа тут.
- Къартны сыйын кёрмеген, къартлыгъында сыйлы болмаз.
- Аманнга да, игиге да оноусуз къатышма.
- Тин – байлыгъынг, терен саулугъунг.
- От кюйдюрген, сау болса да, тот кюйдюрген, сау болмаз.
- Халкъгъа джарагъан, джарлы къалмаз.
- Адамны сыфатына къарама, сёзюне къара.
- Къартха ушагъан джаш – акъыллы, джашха ушагъан къарт – тели.
- Асхат ашлыкъ сата, юйдегиси ачдан къата.
- Сескекли кесин билдирир.
- Кёрмегеннге кебек – танг, битмегеннге сакъал – танг.
- Сёз садакъдан кючлюдю.
- Урунуу – насыбны анасы.
- Ёгюзню мюйюзюнден тутадыла, адамны сёзюнден тутадыла.
- Тил джюрекге джол ишлейди.
- Элге къуллукъ этмеген, элге ие болмаз.
- Намыс сатылыб алынмайды.
- Сакъалы текени да бар, мыйыгъы киштикни да бар.
- Тамбла алтындан бюгюн багъыр ашхы.
- Къарнынг бла ёч алма.
- Билим – акъылны чырагъы.
- Бозаны арты дауур болур.
- Эшекге миннген – биринчи айыб, андан джыгъылгъан – экинчи айыб.
- Сабий болмагъан джерде, мёлек болмаз.
- Эм уллу байлыкъ – джан саулукъ.
- Башы джабылгъан челекге, кир тюшмез.
- Тойгъан антын унутур.
- Эл бла кёргенинг эрелей.
- Агъач халкъгъа алтынды, иссиликге салкъынды.
- Бетинги сатма, малынгы сат.
- Тешигини къатында, чычхан да батыр болур.
- Аш иеси бла татлыды.
- Сютден ауузу кюйген, суугъа юфгюре эди.
- Ёмюрлюк шохлукъну джел элтмез.
Ошибка!
Для просмотра темы введите ваши логин и пароль.Пожалуйста, авторизуйтесь: