- Кёб джат да, бек чаб.
- Ашлыкъны арба юйге келтирир, чана базаргъа элтир.
- Къан бла кирген, джан бла чыгъар.
- Джигер – джаннга къыйынлыкъ.
- Адамны аты башхача, акъылы да башхады.
- Чомарт къолда мал къалмаз.
- Адамны адамлыгъы къыйынлыкъда айгъакъланады.
- Мени джылытмагъан кюн, меннге тиймесин!
- Аз айтсам, кёб ангылагъыз.
- Кёзден кетген, кёлден да кетеди.
- Тынгылагъан тынгы бузар.
- Ачылгъан эт джабылыр, кёрген кёз унутмаз.
- Эри аманны, къатыны – аман.
- Джюрекден джюрекге джол барды.
- Джаханимни кёрмей, джандетге кёл салмазса.
- Аман адамны тепсинге олтуртсанг, къызынгы тилер.
- Сангырау къулакъ эл бузар.
- Уруну арты – къуру.
- Кирсизни – саны таза, халалны – къаны таза.
- Тамырсыз терекге таянма – джыгъылырса.
- Акъылсызны джууукъгъа алма, акъыллыны кенгнге салма.
- Эм уллу байлыкъ – джан саулукъ.
- Билген билмегенни юретген адетди.
- Окъ къызбайны джокълайды.
- Ата – билек, ана – джюрек!
- Керилген да, ургъан кибикди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джиби бир къат джетмей эди да, эки къат тарта эди.
- Тилчиден кери бол.
- Игини сыйлагъан адетди.
- Эртде тургъан джылкъычыны эркек аты тай табар.
- Чомарт джарлы болмаз.
- Кёпюр салгъан кеси ётер, уру къазгъан кеси кетер.
- Ашаса, ашамаса да, бёрюню ауузу – къан.
- Кёбню кёрген – кёб билир.
- Сакъламагъан затынга джолукъсанг, не бек къууанаса, не бек ачыйса.
- Арба аугъандан сора, джол кёргюзтюучю кёб болур.
- Адам сёзюнден белгили.
- Тешик этген тынчды, аны джамагъан къыйынды.
- Аякъларынгы джууургъанынга кёре узат.
- Этни да ашады, бетни да ашады.
- Сабийликде юретмесенг, уллу болса – тюзелмез.
- Ёпкелегенни ашы татлы болады.
- Чоюнну башы ачыкъ болса, итге уят керекди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ариу сёз аурууунгу алыр.
- Ариу сёз джыланны орнундан чыгъарыр.
- Джырына кёре эжиую.
- Уясында не кёрсе, учханында аны этер.
- Суу да къайтады чыкъгъан джерине.
Ошибка!
Для просмотра темы введите ваши логин и пароль.Пожалуйста, авторизуйтесь: