- Тойгъан антын унутур.
- Эртде тургъан бла эртде юйленнген сокъуранмаз.
- Тамчы таш тешер.
- Таякъ этден ётер, тил сюекден ётер.
- Ашда уялгъан – мухар, ишде уялгъан – хомух.
- Рысхы джалгъанды: келген да этер, кетген да этер.
- Эр сокъур болсун, къатын тилсиз болсун.
- Сёз сёзню айтдырыр.
- Тин – байлыгъынг, терен саулугъунг.
- Билимли ёлмез, билимсиз кёрмез.
- Ач уят къоймаз.
- Сууда джау джокъ, кёб сёзде магъана джокъ.
- Билеги кючлю, бирни джыгъар, билими кючлю, мингни джыгъар.
- Сабий кёргенин унутмаз.
- Орундукъ тюбюнде атылсам да, орта джиликме, де да айлан.
- Азыкълы ат арымаз, къатыны аман джарымаз.
- Чомартха хар кюн да байрамды.
- Ата Джуртча джер болмаз, туугъан элча эл болмаз.
- Къонакъ хазыр болгъанлыкъгъа, къонакъбай хазыр тюлдю.
- Окъугъан – асыу, окъумагъан – джарсыу.
- Босагъагъа джууукъ орун болса, ашыгъыб тёрге озма.
- Намыс болмагъан джерде, насыб болмаз.
- Кийимни бир кюнню аясанг, минг кюннге джарар.
- Айранны сюйген, ийнек тутар.
- Адамны адамлыгъы къыйынлыкъда айгъакъланады.
- Ашлыкъ – бюртюкден, джюн – тюкден.
- Къайтырыкъ эшигинги, къаты уруб чыкъма.
- Акъыл сабырлыкъ берир.
- Байлыкъ болгъан джерде, тынчлыкъ джокъду.
- Ач къарынны, токъ билмез
- Келинин тута билмеген, къул этер, къызын тута билмеген, тул этер.
- Адамны сабийин сюйген джюреги, бычакъча, джитиди.
- Къуру гыбыт бек дыгъырдар.
- Тойну къарнашы – харс, джырны къарнашы – эжиу.
- Сёлеш деб шай берген, тохта деб, сом берген.
- Джиби бир къат джетмей эди да, эки къат тарта эди.
- Къыз тиширыу кеси юйюнде да къонакъды.
- Къалгъан ишге къар джауар.
- Ата Джуртун танымагъан, атасын да танымаз.
- Арпа, будай – ащды, алтын, кюмюш а – ташды.
- Ат басханны джер билед.
- Джумушакъ терекни къурт ашар.
- Иги сеники эсе да, сюйген кесимикин этеме.
- Чабар ат – джетген къыз.
- Къонакъны къачан кетерин сорма, къачан келлигин сор.
- Бети – къучакълар, джюреги – бычакълар.
- Адамгъа аман кюн соруб келмейди.
- Джигер – джаннга къыйынлыкъ.
- Сыфатында болмагъаны, суратында болмаз.
- Иги – алгъыш этер, аман – къаргъыш этер.
Ошибка!
Для просмотра темы введите ваши логин и пароль.Пожалуйста, авторизуйтесь: