- Къаллай салам берсенг, аллай джууаб алырса.
- Хар адамгъа кеси миннген тау кибик.
- Чыкълы кюнде чыкъмагъан, чыкъса къуру кирмеген.
- Баланы адам этген анады.
- Чабар ат – джетген къыз.
- Тёрдеги кюлсе, эшикдеги ышарыр.
- Ауругъанны сау билмез, ач къарынны токъ билмез.
- Тели турса – той бузар.
- Тюкюрюк баш джармаз, налат кёз чыгъармаз!
- Ариу сёз джыланны орнундан чыгъарыр.
- Ашарыкъда сайлагъаннга – чий гырджын.
- Кийиминг бла танылма, адамлыкъ бла таныл.
- Айранны сюйген, ийнек тутар.
- Кийимни бичсенг, кенг бич, тар этген къыйын тюлдю.
- Хата – гитчеден.
- Къайтырыкъ эшигинги, къаты уруб чыкъма.
- Бюгюн дуния кибик, тамбла ахыратды.
- Эр абынмай, эл танымаз.
- Аман адам этегингден тутса, кес да къач.
- Хоншуну тауугъу къаз кёрюнюр, келини къыз кёрюнюр.
- Эски джаугъа ышанма.
- Намысы болмагъанны, сыйы болмаз.
- Ашхы адам – халкъ байлыгъы, ашхы джер – джашау байлыгъы.
- Ишленмеген джаш – джюгенсиз ат, ишленмеген къыз – тузсуз хант.
- Тенги кёбню джау алмаз, акъылы кёбню дау алмаз.
- Акъыллы – эл иеси, тели – эл баласы.
- Накъырданы арты керти болур.
- Байлыкъ адамны сокъур этер.
- Ёксюзню тилеги къабыл болур.
- Адеб джокъда, намыс джокъ.
- Джюз элде джюз ёгюзюм болгъандан эсе, джюз джууугъум болсун.
- Юре билмеген ит, къонакъ келтирир.
- Сёз садакъдан кючлюдю.
- Бир абыннган – минг сюрюнюр.
- Къайгъы тюбю – тенгиз.
- Адебсиз адам – джюгенсиз ат.
- Ашхы тенг джолгъа салыр, аман тенг джолдан тайдырыр.
- Аллахха ийнаннган кишини, Аллах онгдурур ишин.
- Тойгъа барсанг, тоюб бар, эски тонунгу къоюб бар.
- Къобан да къуру да къобханлай турмайды, адам да къуру да патчахлай турмайды.
- Ашлыкъ – бюртюкден, джюн – тюкден.
- Игиге айтсанг – билир, аманнга айтсанг – кюлюр.
- Ханы къызы буюгъа-буюгъа киштик болду.
- Къарыусузгъа кюлме, онгсузгъа тийме.
- Ач къалгъандан, кеч къалгъан къолай.
- Эки къатын алгъанны къулагъы тынгнгаймаз.
- Ашхы болсанг, атынг чыгъар, аман болсанг, джанынг чыгъар.
- Джырчы ёлсе, джыры къалыр.
- Тойгъанлыкъ къойгъа джарашады.
- Тилчи тилден къаныкъмаз.
Ошибка!
Для просмотра темы введите ваши логин и пароль.Пожалуйста, авторизуйтесь: