- Келлик заман – къартлыкъ келтирир, кетген заман – джашлыкъ ёлтюрюр.
- Ач уят къоймаз.
- Айранны сюйген, ийнек тутар.
- Сабыр джетер муратха, сабырсыз къалыр уятха.
- Тёрде – темир таякълы, къаяда – чыпчыкъ аякълы.
- Эл тойса, тоймагъан, эл къойса, къоймагъан.
- Чакъырылмай келген къонакъ сыйланмай кетер.
- Джарлыны тону джаз битер.
- Рысхы – сют юсюнде кёмюк кибикди.
- Хатерли къул болур.
- Аджалсыз ёлюм болмаз.
- Адебсиз адам – джюгенсиз ат.
- Керек ташны ауурлугъу джокъ.
- Къыйынлы джети элге оноу этер.
- Тойгъандан сора, ашны сёкме.
- Уллу суу бла уллу ауруудан башынгы сакъла.
- Къозулугъунда тоймагъан, къойлугъунда тоймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Къайгъы тюбю – тенгиз.
- Ариуну – ауруу кёб.
- Къонакъны къачан кетерин сорма, къачан келлигин сор.
- Ёлген эшек бёрюден къоркъмайды.
- Ёгюзню мюйюзюнден тутадыла, адамны сёзюнден тутадыла.
- Биреуге аманлыкъ этиб, кесинге игилик табмазса.
- Къонакъ аз олтурур, кёб сынар.
- Бермеген къол, алмайды.
- Сёлеш деб шай берген, тохта деб, сом берген.
- Эки къатын алгъанны къулагъы тынгнгаймаз.
- Адамны бетине къарама, адетине къара.
- Аджашханны ызындагъы кёреди, джангылгъанны джанындагъы биледи.
- Къазанда болса, чолпугъа чыгъар.
- Тойгъан антын унутур.
- Чакъырылмагъан къонакъ – орунсуз.
- Ач – эснер, ат – кишнер.
- Насыблы элин сюер, насыбсыз кесин сюер.
- Эр абынмай, эл танымаз.
- Джогъун бар этген, барын бал этген.
- Ойнай билмеген, оюн бузар.
- Къонакъ кёб келюучю юйню, къазаны отдан тюшмез.
- Таякъ этден ётер, тил сюекден ётер.
- Эте билген, этген этеди, эте билмеген, юретген этеди!
- Иги бла джюрюсенг, джетерсе муратынга, аман бла джюрюсенг, къалырса уятха.
- Олтуруб кёрюнмей эди да, ёрге туруб кёрюне эди.
- Акъылсызны джууукъгъа алма, акъыллыны кенгнге салма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ётюрюк хапар аякъ тюбю бла джюрюйдю.
- Кёб ант этген, кёб ётюрюк айтыр.
- Чакъырылмагъан къонакъ тёрге атламаз.
- Ач да бол, токъ да бол – намысынга бек бол.
- Тешигини къатында, чычхан да батыр болур.
Ошибка!
Для просмотра темы введите ваши логин и пароль.Пожалуйста, авторизуйтесь: