- Аш хазыр болса, иш харам болур.
- Бек ашыкъгъан меннге джетсин, дегенди аракъы.
- Ач отунчуну ачыуу – бурнунда.
- Уллу къашыкъ эрин джыртар.
- Агъач – джерни чырайы, кийим – эрни чырайы.
- Билими азны – ауузунда кирит.
- Чыбыкълыкъда бюгюлмеген, къазыкълыкъда бюгюлмей эди.
- Ата Джуртун танымагъан, атасын да танымаз.
- Джыгъылгъанны сырты джерден тоймаз.
- Этим кетсе да, сюегим къалыр.
- Иги адам абынса да, джангылмаз.
- Эки итни арасына сюек атма, эки адамны арасында сёз чыгъарма.
- Адам туугъан джеринде, ит тойгъан джеринде.
- Кимни – тили, тиши онглу, кимни – къолу, иши онглу.
- Ариу сёз джыланны орнундан чыгъарыр.
- Тура эдим джата, къайдан чыкъды хата?
- Таукел адам тау тешер.
- Ёлюк кебинсиз къалмаз.
- Минг тенг да азды, бир джау да кёбдю.
- Тамчы таш тешер.
- Арыгъан къош чамчы болур.
- Артына баргъанны, къатына барма.
- Игиге айтсанг – билир, аманнга айтсанг – кюлюр.
- Къыз чыгъаргъан – къызыл къымжа.
- Билмезни кёзю кёрмез, этмезни къулагъы эшитмез.
- Окъугъан – асыу, окъумагъан – джарсыу.
- Къарнынг къанлынга кийирир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Рысхы – сют юсюнде кёмюк кибикди.
- Намысы болмагъанны, сыйы болмаз.
- Къызын тута билмеген, тул этер, джашын тута билмеген, къул этер.
- Игини сыйлагъан адетди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бюгюн дуния кибик, тамбла ахыратды.
- Тай асырагъан, атха минер.
- Орундукъ тюбюнде атылсам да, орта джиликме, де да айлан.
- Адамны аманы адамны бети бла ойнар.
- Кийим тукъум сордурур.
- Эм ашхы къайын ана мамукъ бла башынгы тешер.
- Таякъ этден ётер, тил сюекден ётер.
- Иши джокъну, сыйы джокъ.
- Ёксюзню тилеги къабыл болур.
- Эринчекге кюн узун.
- Тойгъанлыкъ къойгъа джарашады.
- Керек ташны ауурлугъу джокъ.
- Асхат ашлыкъ сата, юйдегиси ачдан къата.
- Джумушакъ терекни къурт ашар.
- Нёгер болсанг, тенг бол, тенг болмасанг, кенг бол.
- Мал тутхан – май джалар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Ошибка!
Для просмотра темы введите ваши логин и пароль.Пожалуйста, авторизуйтесь: