- Бети – къучакълар, джюреги – бычакълар.
- Ашда уялгъан – мухар, ишде уялгъан – хомух.
- Айтхан сёзюне табылгъан.
- От кюйдюрген, сау болса да, тот кюйдюрген, сау болмаз.
- Билгенни къолу къарны джандырыр.
- Эртде тургъан бла эртде юйленнген сокъуранмаз.
- Сибиртки да сыйлы болду, кюрек да кюнлю болду.
- Къазанчы аман болса, къазаны къайнамаз.
- Кюн кёрмеген, кюн кёрсе, кюндюз чыракъ джандырыр.
- Башы ишлегенни, ауузу да ишлер.
- Эри аманны, къатыны – аман.
- Чалманны аллы къалай башланса, арты да алай барады.
- Аманнга да, игиге да оноусуз къатышма.
- Чакъырылгъанны аты, чакъырылмагъанны багъасы болур.
- Тас болгъан бычакъны сабы – алтын.
- Хаухну атма, ёнгкючню сатма.
- Иги адам абынса да, джангылмаз.
- Джарлы джети элни сёзюн этер.
- Джарлы эскисин джамаса, къууаныр.
- Босагъа таш юйге кирмей эди, тыбыр таш эшикге чыкъмай эди.
- Бал ашаргъа сюе эсенг, чибин ургъаннга тёз.
- Ач келгенни – тойдур, кеч келгенни – къондур.
- Ашын ашагъанынгы, башын да сыйла.
- Джашлыкъ этмеген, башлыкъ этмез.
- Адебсиз адам – джюгенсиз ат.
- Рысхы – насыбха къор.
- Окъ къызбайны джокълайды.
- Мураты болгъанны джюрек тебюую башхады.
- Сютню башын джалагъан къутулур, тюбюн ичген тутулур.
- Урунуу – насыбны анасы.
- Сёлеш деб шай берген, тохта деб, сом берген.
- Телиге акъыл салгъандан эсе, ёлгеннге джан салырса.
- Аурууну келиую тынч, кетиую – къыйын.
- Джыйырма къойну юч джыйырма эбзе кюте эди.
- Ишлегенде эринме, ишде чолакъ кёрюнме.
- Азыкъ аз болса, эртде орун сал.
- Ауругъан – джашаудан умутчу.
- Элде адам къалмаса, ит тахтагъа минер.
- Къазанда болса, чолпугъа чыгъар.
- Баш – акъыл ючюн, акъылман – халкъ ючюн.
- Кютгени беш эчки, сызгъыргъаны уа, джерни джарады.
- Таугъа чыгъаллыкъ эсенг, тюзде къалма.
- Акъыл къартда, джашда тюйюлдю – башдады.
- Билими азны – ауузунда кирит.
- Къызын тута билмеген, тул этер, джашын тута билмеген, къул этер.
- Чомартны къолу берекет.
- Ашлыкъ – бюртюкден, джюн – тюкден.
- Джерни букъусу кёкге къонмаз.
- Кесинге джетмегенни, кёб сёлешме.
- Уллу айтханны этмеген – уллаймаз.
Ошибка!
Для просмотра темы введите ваши логин и пароль.Пожалуйста, авторизуйтесь: