- Терслик кетер, тюзлюк джетер.
- Кийиминг бла танылма, адамлыкъ бла таныл.
- Тойгъанлыкъ къойгъа джарашады.
- Шекер бла туз – бир болмаз, ушамагъан – юй болмаз.
- Ауузу бла къуш тута айланады.
- Ойнаб айтсанг да, эслеб айт.
- Джашынгы кесинг юретмесенг, джашау юретир.
- Уясында не кёрсе, учханында аны этер.
- Тойну къарнашы – харс, джырны къарнашы – эжиу.
- Аманнга да, игиге да оноусуз къатышма.
- Артына баргъанны, къатына барма.
- Джангызны оту джарыкъ джанмаз!
- Кютгени беш эчки, сызгъыргъаны уа, джерни джарады.
- Тилде сюек болмаса да, сюек сындырыр.
- Атлыны кёрсе, джаяуну буту талыр.
- От этилмеген джерден тютюн чыкъмайды.
- Биреуге кёлтюрген таягъынг, кесинги башынга урур.
- Тил джюрекге джол ишлейди.
- Билмезни кёзю кёрмез, этмезни къулагъы эшитмез.
- Адамны аманы адамны бети бла ойнар.
- Аманны эки битли тону болур, бирин сеннге кийдирир, бирин кеси киер.
- Тил бла келеди джыр да.
- Биреу къой излей, биреу той излей.
- Ариу джол аджал келтирмез.
- Тили узунну, намысы – къысха.
- Аман эсирсе, юйюн ояр.
- Тойчу джашха къарама, къойчу джашха къара.
- Тай асырагъан, атха минер.
- Тюкюрюк баш джармаз, налат кёз чыгъармаз!
- Огъурлуну сёзю – суу, огъурсузну сёзю – уу.
- Ариу сёз джыланны орнундан чыгъарыр.
- Элни кючю – эмеген.
- Аякъларынгы джууургъанынга кёре узат.
- Бек анасы джыламаз.
- Байны оноуу, джарлыгъа джарамаз.
- Тас болгъан бычакъны сабы – алтын.
- Акъыл бла адеб эгизледиле.
- Кирсизни – саны таза, халалны – къаны таза.
- Джарашыу сюйген – джалынчакъ.
- Бек ашыкъгъан меннге джетсин, дегенди аракъы.
- Кёз – сюйген джерде, къол – ауругъан джерде.
- Малны кют, джерни тюрт.
- Рысхы – сют юсюнде кёмюк кибикди.
- Чабар ат – джетген къыз.
- Биреуню эскиси биреуге джангы болмайды.
- Ач къарным, тынч къулагъым.
- Чалманны аллы къалай башланса, арты да алай барады.
- Юреннген ауруу къалмаз.
- Агъач – джерни чырайы, кийим – эрни чырайы.
- Адам сёзюнден белгили.
Ошибка!
Для просмотра темы введите ваши логин и пароль.Пожалуйста, авторизуйтесь: