- Ауругъаннга – кийик саулукъ, джетген къызгъа – чилле джаулукъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Аман хансны – урлугъу кёб.
- Ариу сёз аурууунгу алыр.
- Аман къатын сабий табса, бий болур…
- Тура эдим джата, къайдан чыкъды хата?
- Аман эсирсе, юйюн ояр.
- Ётюрюкден тюбю джокъ, кёлтюрюрге джиби джокъ.
- Адам боллукъ, атламындан белгили болур.
- Тил бла келеди джыр да.
- Къызгъанчдан ычхыныр, мухардан ычхынмаз.
- Бал чибинни ургъаны – ачы, балы – татлы.
- Джюрекге ариу – кёзге да ариу.
- Хатерли къул болур.
- Къаллай салам берсенг, аллай джууаб алырса.
- Аманнга алтын чыдамаз.
- Ётюрюк хапар аякъ тюбю бла джюрюйдю.
- Ачлыкъ отха секиртир.
- Тил – миллетни джаны.
- Ашхы сёз таш тешер.
- Джыланны къуйругъундан басарынг келсе, аны башы болгъанын унутма.
- Тойгъа алгъа да барма, тойда артха да къалма.
- Тойгъанлыкъ къойгъа джарашады.
- Берекет берсин деген джерде, берекет болур.
- Адам сёзюнден белгили.
- Тыш элде солтан болгъандан эсе, кесинги элде олтан болгъан игиди!
- Ёлген аслан – сау чычхан.
- Башы джабылгъан челекге, кир тюшмез.
- Джюз элде джюз ёгюзюм болгъандан эсе, джюз джууугъум болсун.
- Таш ата билмеген, башына урур.
- Къартха ушагъан джаш – акъыллы, джашха ушагъан къарт – тели.
- Айранын берсенг, челегин да къызгъанма.
- Джети тилни билген джети кишиди.
- Джиби бир къат джетмей эди да, эки къат тарта эди.
- Аурууну келиую тынч, кетиую – къыйын.
- Суугъа – чабакъ, къаягъа – ыргъакъ.
- Юй кюйдю да, кюйюз чыкъды, ортасындан тюйюш чыкъды.
- Къарыусузгъа кюлме, онгсузгъа тийме.
- Алтыда кюлмеген, алтмышда кюлмез.
- Хунаны тюбюн къазсанг, юсюнге ауар.
- Таукел къуру къалмаз.
- Нёгер болсанг, тенг бол, тенг болмасанг, кенг бол.
- Джол бла сёзню къыйыры джокъ.
- Намыс сатылыб алынмайды.
- От кюйдюрген, сау болса да, тот кюйдюрген, сау болмаз.
- Кёб къычыргъандан – къоркъма, тынч олтургъандан – къоркъ.
- Ашда – бёрю, ишде – ёлю.
- Аз сёлешген, къайгъысыз турур.
- Мен да «сен», дейме, сен да «кесим», дейсе.
- Чёбню кёлтюрсенг, тюбюнден сёз чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: