- Адам къаллай бир ишленмесе, аллай бир кесин уллу кёреди.
- Мал тутхан – май джалар.
- Ашхы атаны – джашы ашхы, ашхы ананы – къызы ашхы.
- Къайгъы тюбю – тенгиз.
- Аман къатын алгъан, арыр, иги къатын алгъан джарыр.
- Ётюрюкню башын керти кесер.
- Джырчы ёлсе, джыры къалыр.
- Адамны бетине къарама, адетине къара.
- Ёгюзню мюйюзлери ауурлукъ этмейдиле.
- Иши джокъну, сыйы джокъ.
- Ата – билек, ана – джюрек!
- Аманнга да, игиге да оноусуз къатышма.
- Ашхы болсанг, атынг чыгъар, аман болсанг, джанынг чыгъар.
- Ашатыргъа иш – ашхы, ишлетирге аш – ашхы.
- Суу да къайтады чыкъгъан джерине.
- Сёз сёзню айтдырыр.
- Эрни эр этерик да, къара джер этерик да, тиширыуду.
- Сёлеш деб шай берген, тохта деб, сом берген.
- Къатын къылыкъсыз, эр тынчлыкъсыз.
- Таш бла ургъанны, аш бла ур.
- Тойгъа барсанг, тоюб бар, эски тонунгу къоюб бар.
- Джашда акъыл джокъ, къартда къарыу джокъ.
- Тили узунну, намысы – къысха.
- Игиге айтсанг – билир, аманнга айтсанг – кюлюр.
- Билмезни кёзю кёрмез, этмезни къулагъы эшитмез.
- Хар ишни да аллы къыйынды.
- Дууулдаса – бал чибин, къонса – къара чибин.
- Тилчиден кери бол.
- Чомарт къонакъ юй иесин сыйлар.
- Тели турса – той бузар.
- Чабар ат – джетген къыз.
- Шапа кёб болса, аш татымсыз болур.
- Иесиз малны бёрю ашар.
- Таукел адам тау тешер.
- Аз сёлешген, къайгъысыз турур.
- Аз сёлеш, кёб ишле.
- Къазанны башы ачыкъ болса, итге уят керекди.
- Тау башында, тау болмаз, джангыз терек, бау болмаз.
- Ашда – бёрю, ишде – ёлю.
- Тыш элде солтан болгъандан эсе, кесинги элде олтан болгъан игиди!
- Ата Джуртча джер болмаз, туугъан элча эл болмаз.
- Къарт айтханны этмеген, къартаймаз.
- Чыбыкълыкъда бюгюлмеген, къазыкълыкъда бюгюлмей эди.
- Сескекли кесин билдирир.
- Нёгерсизни джолу узун.
- Окъуусуз билим – джокъ, билимсиз кюнюнг – джокъ.
- Кесинге джетмегенни, кёб сёлешме.
- Окъугъан озар, окъумагъан тозар.
- Ашлыкъ – бюртюкден, джюн – тюкден.
- Керилген да, ургъан кибикди.
Ошибка!
Для просмотра темы введите ваши логин и пароль.Пожалуйста, авторизуйтесь: