- Битмегеннге сакъал – танг.
- Чыкълы кюнде чыкъмагъан, чыкъса къуру кирмеген.
- Джигер – джаннга къыйынлыкъ.
- Окъуу – билимни ачхычы, окъуу – дунияны бачхычы.
- Сютню башын джалагъан къутулур, тюбюн ичген тутулур.
- Кёбден умут этиб, аздан къуру къалма.
- Арыгъан къош чамчы болур.
- Намыс сатылыб алынмайды.
- Накъырданы арты керти болур.
- Баш – акъыл ючюн, акъылман – халкъ ючюн.
- От этилмеген джерден тютюн чыкъмайды.
- Адам къаллай бир ишленмесе, аллай бир кесин уллу кёреди.
- Кийим тукъум сордурур.
- Къарны аманнга къазан такъдырма, къолу аманнга от джакъдырма.
- Кюлме джашха – келир башха.
- Ургъан суудан башынгы сакъла.
- Сабыр джетер муратха, сабырсыз къалыр уятха.
- Биреуню эскиси биреуге джангы болмайды.
- Кирсизни – саны таза, халалны – къаны таза.
- Джолунга кёре – джюрюшюнг, джагъанга кёре – юлюшюнг.
- Махтаннган къыз, тойда джукълар.
- Адебни адебсизден юрен.
- Ичимден чыкъды хата, къайры барайым сата?
- Иги адам абынса да, джангылмаз.
- Тюкюрюк баш джармаз, налат кёз чыгъармаз!
- Сакъламагъан затынга джолукъсанг, не бек къууанаса, не бек ачыйса.
- Атлыны ашхысы, ат тизгининден билинир
- Ариу – кёзге, акъыл – джюрекге.
- Телини эшигин, махтау джабар.
- Телиге акъыл салгъандан эсе, ёлгеннге джан салырса.
- Босагъа таш юйге кирмей эди, тыбыр таш эшикге чыкъмай эди.
- Тай асырагъан, атха минер.
- Башланнган иш битер, къымылдагъан тиш тюшер.
- Чабакъсыз кёлге къармакъ салгъанлыкъгъа, чабакъ тутмазса.
- Болджал ишни бёрю ашар.
- Адамны сыфатына къарама, сёзюне къара.
- Ашда уялгъан – мухар, ишде уялгъан – хомух.
- Сакъ юйюне сау барыр.
- Ётген ёмюр – акъгъан суу.
- Тойгъанлыкъ къойгъа джарашады.
- Адамны адамлыгъы къыйынлыкъда айгъакъланады.
- Акъыллы эркиши атын махтар, акъылсыз эркиши къатынын махтар.
- Чарсда алчыны эл кёреди.
- Джарлы эскисин джамаса, къууаныр.
- Эл тойса, тоймагъан, эл къойса, къоймагъан.
- Орундукъ тюбюнде атылсам да, орта джиликме, де да айлан.
- Акъдан къара болмаз.
- Къызны минг тилер, бир алыр.
- Ашын ашагъанынгы, башын да сыйла.
- Ёмюрлюк шохлукъну джел элтмез.
Ошибка!
Для просмотра темы введите ваши логин и пароль.Пожалуйста, авторизуйтесь: