- Кёл ашады да, кеси ашады.
- Адам туугъан джеринде, ит тойгъан джеринде.
- Кийим тукъум сордурур.
- Ашхы адам – халкъ байлыгъы, ашхы джер – джашау байлыгъы.
- Аман киши кеси юйюнде – къонакъ.
- Юй ишлеген балта эшикде къалыр.
- Джарлы эскисин джамаса, къууаныр.
- Узун джолну барсанг, бюгюн келирсе, къысха джолну барсанг, тамбла келирсе.
- Чыбыкълыкъда бюгюлмеген, къазыкълыкъда бюгюлмей эди.
- Ач да бол, токъ да бол – намысынга бек бол.
- Татлы тилде – сёз ариу, чемер къолда – иш ариу.
- Айтылгъан буйрукъ, сёгюлмез
- Тили узунну, намысы – къысха.
- Кийимни бичсенг, кенг бич, тар этген къыйын тюлдю.
- Аджаллыгъа окъсуз шкок атылыр.
- Тамырсыз терекге таянма – джыгъылырса.
- Бети – къучакълар, джюреги – бычакълар.
- Гырджын – тепсини тамадасы.
- Ариу сёз – джаннга азыкъ, аман сёз – башха къазыкъ.
- Биреуге кёлтюрген таягъынг, кесинги башынга урур.
- Джырына кёре эжиую.
- Эллинг бла джау болсанг да, юйюнг бла джау болма.
- Хантына кёре тузу, юйюне кёре къызы.
- Келинни – келгинчи, бёркню кийгинчи кёр.
- Урунуу – насыбны анасы.
- Экиндини кеч къылсанг, чабыб джетер ашхам.
- Джаханимни кёрмей, джандетге кёл салмазса.
- Айранны сюйген, ийнек тутар.
- Байлыкъ тауусулур, билим тауусулмаз.
- Ёмюрлюк шохлукъну джел элтмез.
- Тамбла алтындан бюгюн багъыр ашхы.
- Акъыл бла адеб эгизледиле.
- Кийимни бир кюнню аясанг, минг кюннге джарар.
- Ач, тоймам, дейди, тойгъан, ач болмам, дейди.
- Ачыу алгъа келсе, акъыл артха къалады.
- Джигер – джаннга къыйынлыкъ.
- Тик ёргени, тик энгишгеси да болады.
- Айтхан сёзюне табылгъан.
- Къатын байлыкъны сюер, эр саулукъну сюер.
- Окъдан джара эртде-кеч болса да бителир, сёз джара, ёмюрге къалыр.
- Мухардан ач ычхынмаз.
- Адеби болмагъан къыз – тузсуз хант.
- Ана – юйню кюн джарыгъы.
- Байдан умут эте, джарлыдан ёгюз багъасы къорады.
- Чомарт джарлы болмаз.
- Ишленмеген джаш – джюгенсиз ат, ишленмеген къыз – тузсуз хант.
- Мени джылытмагъан кюн, меннге тиймесин!
- Къартны бурнун сюрт да, оноугъа тут.
- Тилчи тилден къаныкъмаз.
- Акъдан къара болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: