- Айраннга суу къош, телиге джол бош.
- Сакъалы текени да бар, мыйыгъы киштикни да бар.
- Билмегенинги, билгеннге сор.
- Атадан ёксюз – бир ёксюз, анадан ёксюз – эки ёксюз.
- Накъырда – кертини келечиси.
- Джангызны оту джарыкъ джанмаз!
- Тамырсыз терекге таянма – джыгъылырса.
- Къатыны харакетли болса, эри къымсыз болур.
- Эки ойлашыб, бир сёлешген.
- Аман адам этегингден тутса, кес да къач.
- Ач да бол, токъ да бол – намысынга бек бол.
- Къазанчы аман болса, къазаны къайнамаз.
- Айтылгъан буйрукъ, сёгюлмез
- Уллу суу бла уллу ауруудан башынгы сакъла.
- Къарын къуру болса, джюрек уру болур.
- Туз, гырджын аша, тюзлюк бла джаша.
- Джюрекге ариу – кёзге да ариу.
- Келинин тута билмеген, къул этер, къызын тута билмеген, тул этер.
- Юре билмеген ит, къонакъ келтирир.
- Адеб этмеген, адеб кёрмез.
- Ичимден чыкъды хата, къайры барайым сата?
- Ышармагъан – кюлмез, кюлмеген – къууанчны билмез.
- Уруну арты – къуру.
- Эртде тургъан бла эртде юйленнген сокъуранмаз.
- Аджашханны ызындагъы кёреди, джангылгъанны джанындагъы биледи.
- Ауурну тюбю бла, дженгилни башы бла джюрюген.
- Аман къатын алгъан, арыр, иги къатын алгъан джарыр.
- Алтыда кюлмеген, алтмышда кюлмез.
- Аманнга да, игиге да оноусуз къатышма.
- Тас болгъан бычакъны сабы – алтын.
- Ариу – кёзге, акъыл – джюрекге.
- Билгенни къолу къарны джандырыр.
- Тилсиз миллет джокъ болур.
- Ёлюк кебинсиз къалмаз.
- Окъугъанны бети джарыкъ.
- Аман адамны тепсинге олтуртсанг, къызынгы тилер.
- Ашына кёре табагъы, балына кёре къалагъы.
- Ёгюзню мюйюзлери ауурлукъ этмейдиле.
- Джашынгы кесинг юретмесенг, джашау юретир.
- Адамны сыфатына къарама, сёзюне къара.
- Нарт сёз – тилни бети.
- Зар адамны насыбы болмаз.
- Адебсиз адам – джюгенсиз ат.
- Ауузу аманнга «иги», деме.
- Сагъыш – къартлыкъгъа сюйюмчю.
- Бир абыннган – минг сюрюнюр.
- Башы джабылгъан челекге, кир тюшмез.
- Байлыкъ келсе, акъыл кетер.
- Ёлген эшек бёрюден къоркъмайды.
- Чакъырылмагъан къонакъ тёрге атламаз.
Ошибка!
Для просмотра темы введите ваши логин и пароль.Пожалуйста, авторизуйтесь: