- Джюрекден джюрекге джол барды.
- Дууулдаса – бал чибин, къонса – къара чибин.
- Ауурну тюбю бла, дженгилни башы бла джюрюген.
- От кюйдюрген, сау болса да, тот кюйдюрген, сау болмаз.
- Татлы тилде – сёз ариу, чемер къолда – иш ариу.
- Ауузу бла къуш тута айланады.
- Тойну къарнашы – харс, джырны къарнашы – эжиу.
- Къарт бла баш аша, джаш бла аякъ аша.
- Къобан да къуру да къобханлай турмайды, адам да къуру да патчахлай турмайды.
- Эртде тургъан джылкъычыны эркек аты тай табар.
- Ёлмесенг да, къарт дамы болмазса?
- Акъыллы айтыр эди, акъылсыз къоймайды.
- Чомартха хар кюн да байрамды.
- Ауузу аманнга «иги», деме.
- Ашхылыкъ джерде джатмайды, аманлыкъ суугъа батмайды.
- Ана кёлю – балада, бала кёлю – талада.
- Джылкъыдан – ат чыгъар, тукъумдан – джаш чыгъар.
- Кёл ашады да, кеси ашады.
- Айныгъанлы алты кюн, тогъайгъанлы тогъуз кюн.
- Таукел тауну аудурур.
- Сабыр джетер муратха, сабырсыз къалыр уятха.
- Джангыз терек къынгыр ёсер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Магъанасыз сёз – тауушсуз сыбызгъы.
- Тил бла келеди джыр да.
- Шекер бла туз – бир болмаз, ушамагъан – юй болмаз.
- Таула не мийик болсала да, аууш табылыр.
- Таугъа чыгъаллыкъ эсенг, тюзде къалма.
- Эм уллу байлыкъ – джан саулукъ.
- Билимсиз иш бармаз.
- Билмегенинги, билгеннге сор.
- Телиге акъыл салгъандан эсе, ёлгеннге джан салырса.
- Ат басханны джер билед.
- Тенгинг джокъ эсе – изле, бар эсе – сакъла!
- Кесинг сынамагъан затны, адамгъа буюрма.
- Чомарт джарлы болмаз.
- Къарнынг къанлынга кийирир.
- Билимли ёлмез, билимсиз кёрмез.
- Сакъламагъан затынга джолукъсанг, не бек къууанаса, не бек ачыйса.
- Чабакъсыз кёлге къармакъ салгъанлыкъгъа, чабакъ тутмазса.
- Азыкъ аз болса, эртде орун сал.
- Ёлген эшек бёрюден къоркъмайды.
- Джол бла сёзню къыйыры джокъ.
- Джашда акъыл джокъ, къартда къарыу джокъ.
- Аджал соруб келмез, келсе, къайтыб кетмез.
- Эки ойлашыб, бир сёлешген.
- Артына баргъанны, къатына барма.
- Акъыл бла адеб эгизледиле.
- Алма терегинден кери кетмез.
- Насыб бютеу халкъны юлюшюдю.
Ошибка!
Для просмотра темы введите ваши логин и пароль.Пожалуйста, авторизуйтесь: