- Ашын ашагъанынгы, башын да сыйла.
- Байлыкъ келсе, акъыл кетер.
- Чакъырылгъанны аты, чакъырылмагъанны багъасы болур.
- Кёб джашагъан – кёб билир.
- Тёзгеннге, джабылгъан эшик ачылыр.
- Джаз бир кюнню джатсанг, къыш талай кюнню абынырса.
- Джогъун бар этген, барын бал этген.
- Акъыл неден да кючлюдю.
- Ариу сёз джыланны орнундан чыгъарыр.
- Тенги кёбню джау алмаз, акъылы кёбню дау алмаз.
- Хоншуну тауугъу къаз кёрюнюр, келини къыз кёрюнюр.
- Ёгюзню мюйюзлери ауурлукъ этмейдиле.
- Аман къатын сабий табса, бий болур…
- Тойгъа барсанг, тоюб бар, эски тонунгу къоюб бар.
- Джумушакъ терекни къурт ашар.
- Эки къатын алгъанны къулагъы тынгнгаймаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бичгенде ашыкъма, тикгенде ашыкъ.
- Джарлыны эшигин махтагъан джабар.
- Ургъан суудан башынгы сакъла.
- Эринчекге кюн узун.
- Къатын къылыкъсыз, эр тынчлыкъсыз.
- Урама да – ёледи, сатама да – келеди.
- Атлыны ашхысы, ат тизгининден билинир
- Джыланны къуйругъундан басарынг келсе, аны башы болгъанын унутма.
- Уруну арты – къуру.
- Иесиз малны бёрю ашар.
- Уллу айтханны этмеген – уллаймаз.
- Адеб джокъда, намыс джокъ.
- Къарт айтханны этмеген, къартаймаз.
- Адамны сыфатына къарама, сёзюне къара.
- Ач, тоймам, дейди, тойгъан, ач болмам, дейди.
- Эри аманны, къатыны – аман.
- Тура эдим джата, къайдан чыкъды хата?
- Кёбню кёрген – кёб билир.
- Атлыны кёрсе, джаяуну буту талыр.
- Дууулдаса – бал чибин, къонса – къара чибин.
- Тюзню ётмеги тюзде къалса да, тас болмаз.
- Юй ишлеген балта эшикде къалыр.
- Шайтан алдады, тюзлюк къаргъады.
- Ашарыкъда сайлагъаннга – чий гырджын.
- Байдан умут эте, джарлыдан ёгюз багъасы къорады.
- Билимли ёлмез, билимсиз кёрмез.
- Аш кетер да бет къалыр.
- Aдам боллукъ, сыфатындан белгили.
- Бал – татлы, балдан да бала – татлы.
- Тойгъандан сора, ашны сёкме.
- Хунаны тюбюн къазсанг, юсюнге ауар.
- Кенгеш болса, уруш болмаз.
- Ёлген аслан – сау чычхан.
Ошибка!
Для просмотра темы введите ваши логин и пароль.Пожалуйста, авторизуйтесь: