- Бети – къучакълар, джюреги – бычакълар.
- Телиге акъыл салгъандан эсе, ёлгеннге джан салырса.
- Къарт айтханны этмеген, къартаймаз.
- Атлыны ашхысы, ат тизгининден билинир
- Чабакъсыз кёлге къармакъ салгъанлыкъгъа, чабакъ тутмазса.
- Тулпарлыкъ, билекден тюл – джюрекден.
- Гугук кесини атын айтыб къычыргъанча, мен, мен деб нек тураса?
- Ишлегенден, къарагъан уста.
- Ат басханны джер билед.
- Таукелге нюр джауар.
- Чабакъ башындан чирийди.
- Билмезни кёзю кёрмез, этмезни къулагъы эшитмез.
- Ишлемеген – тишлемез.
- Ишлегенде эринме, ишде чолакъ кёрюнме.
- Алма терегинден кери кетмез.
- Ашхы адам – халкъ байлыгъы, ашхы джер – джашау байлыгъы.
- Адамны сабийин сюйген джюреги, бычакъча, джитиди.
- Чыбыкълыкъда бюгюлмеген, къазыкълыкъда бюгюлмей эди.
- Келгинчи, къонакъ уялыр, келгенден сора, къонакъбай уялыр.
- Къарнынг къанлынга кийирир.
- Ашын ашагъанынгы, башын да сыйла.
- Айныгъанлы алты кюн, тогъайгъанлы тогъуз кюн.
- Арбаз сайлама да, хоншу сайла.
- Акъыл бла адеб эгизледиле.
- Тойгъандан сора, ашны сёкме.
- Аман къатын сабий табса, бий болур…
- Джылыгъа джылан илешир.
- Аш кетер да бет къалыр.
- Арба аугъандан сора, джол кёргюзтюучю кёб болур.
- Таш ата билмеген, башына урур.
- Сабий болмагъан джерде, мёлек болмаз.
- Ачны эсинде – аш.
- Ишленмеген джаш – джюгенсиз ат, ишленмеген къыз – тузсуз хант.
- Джыйырма къойну юч джыйырма эбзе кюте эди.
- Бир онгсуз адам адет чыгъарды, деб эштирик тюлсе.
- Эрни эр этерик да, къара джер этерик да, тиширыуду.
- Окъугъан – асыу, окъумагъан – джарсыу.
- Эл элде бирер малынг болгъандан эсе, бирер тенгинг болсун.
- Адамны аты башхача, акъылы да башхады.
- Керти сёзге тёре джокъ.
- Байлыкъдан саулукъ ашхыды.
- Акъыл къартда, джашда тюйюлдю – башдады.
- Ёлген ийнек сютлю болур.
- Ёгюзню мюйюзюнден тутадыла, адамны сёзюнден тутадыла.
- От этилмеген джерден тютюн чыкъмайды.
- Онгсузну – джакъла, тенгликни – сакъла.
- Ашхылыкъ джерде джатмайды, аманлыкъ суугъа батмайды.
- Тойгъа алгъа да барма, тойда артха да къалма.
- Джогъун бар этген, барын бал этген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
Ошибка!
Для просмотра темы введите ваши логин и пароль.Пожалуйста, авторизуйтесь: