- Ашын ашагъанынгы, башын да сыйла.
- Иесиз малны бёрю ашар.
- Чакъырылгъанны аты, чакъырылмагъанны багъасы болур.
- Чабакъсыз кёлге къармакъ салгъанлыкъгъа, чабакъ тутмазса.
- Суу кетер, таш къалыр.
- Айтылгъан буйрукъ, сёгюлмез
- Аууз сакълагъан – джан сакълар.
- Хар зат кесини орнуна иги.
- Кёрмегеннге кебек – танг, битмегеннге сакъал – танг.
- Намыс болмагъан джерде, насыб болмаз.
- Тыш элде солтан болгъандан эсе, кесинги элде олтан болгъан игиди!
- Джылар джаш, атасыны сакъалы бла ойнар.
- Тешик этген тынчды, аны джамагъан къыйынды.
- Къартны сыйын кёрмеген, къартлыгъында сыйлы болмаз.
- Джарлы эскисин джамаса, къууаныр.
- Билмегенинги, билгеннге сор.
- Ариу сёз – къылычдан джити.
- Кийимни бичсенг, кенг бич, тар этген къыйын тюлдю.
- Чомартны къолу берекет.
- Айтылгъан сёз ызына къайтмаз.
- Къыйынлы джети элни къайгъысын этер.
- Окъдан джара эртде-кеч болса да бителир, сёз джара, ёмюрге къалыр.
- Ариу джол аджал келтирмез.
- Джылыгъа джылан илешир.
- Таякъ этден ётер, тил сюекден ётер.
- Къонакъ хазыр болгъанлыкъгъа, къонакъбай хазыр тюлдю.
- Ёмюрлюк шохлукъну джел элтмез.
- Бир онгсуз адам адет чыгъарды, деб эштирик тюлсе.
- Ач – эснер, ат – кишнер.
- Тилсиз миллет джокъ болур.
- Къайгъы тюбю – тенгиз.
- Къартха ушагъан джаш – акъыллы, джашха ушагъан къарт – тели.
- Туз, гырджын аша, тюзлюк бла джаша.
- Айран тёгюлсе, джугъусу къалыр.
- Аз сёлеш, кёб ишле.
- Сагъыш – къартлыкъгъа сюйюмчю.
- Рысхы джалгъанды: келген да этер, кетген да этер.
- Джарлыны тону джаз битер.
- Ата Джуртуму башы болмасам да, босагъасында ташы болайым.
- Джашынгы кесинг юретмесенг, джашау юретир.
- Ёксюзню къалачы уллу кёрюнюр.
- Тилде сюек болмаса да, сюек сындырыр.
- Арбаз сайлама да, хоншу сайла.
- Чомартны къолун джокълукъ байлар.
- Ишин билген, аны сыйын чыгъарады.
- Чалманны аллы къалай башланса, арты да алай барады.
- Хар адамгъа кеси миннген тау кибик.
- Ёпкелегенни ашы татлы болады.
- Бет бетге къараса, бет да джерге къарар.
- Адам туугъан джеринде, ит тойгъан джеринде.
Ошибка!
Для просмотра темы введите ваши логин и пароль.Пожалуйста, авторизуйтесь: