- Уллу сёлешме да, уллу къаб.
- Байлыкъ тауусулур, билим тауусулмаз.
- Ата Джуртча джер болмаз, туугъан элча эл болмаз.
- Малны кют, джерни тюрт.
- Огъурлуну сёзю – суу, огъурсузну сёзю – уу.
- Эки ойлашыб, бир сёлешген.
- Бети бедерден, намыс сакълама.
- Хоншуну тауугъу къаз кёрюнюр, келини къыз кёрюнюр.
- Киштикге къанат битсе, чыпчыкъ къалмаз эди.
- Сыфатында болмагъаны, суратында болмаз.
- Ашлыкъны арба юйге келтирир, чана базаргъа элтир.
- Кенгеш болса, уруш болмаз.
- Эр сокъур болсун, къатын тилсиз болсун.
- Ишлемеген – тишлемез.
- Акъдан къара болмаз.
- Келинни – келгинчи, бёркню кийгинчи кёр.
- Къартны бурнун сюрт да, оноугъа тут.
- Къарнынг къанлынга кийирир.
- Къайгъыны сюйген, къайгъы табар.
- Эм уллу байлыкъ – джан саулукъ.
- Айранын берсенг, челегин да къызгъанма.
- Кёпюр салгъан кеси ётер, уру къазгъан кеси кетер.
- Атлыны кёрсе, джаяуну буту талыр.
- Телини эшигин, махтау джабар.
- Тил – кесген бычакъ, сёз – атылгъан окъ.
- Билеги кючлю, бирни джыгъар, билими кючлю, мингни джыгъар.
- Адамны адамлыгъы къыйынлыкъда айгъакъланады.
- Ушамагъан – джукъмаз.
- Элге къуллукъ этмеген, элге ие болмаз.
- Тойгъан джерге джети къайт.
- Эте билген, этген этеди, эте билмеген, юретген этеди!
- Тюзлюк шохлукъну бегитир.
- Къулакъдан эсе, кёзге ышан.
- Ач да бол, токъ да бол – намысынга бек бол.
- Иги болса, тамадама – махтау, аман болса, меннге – айыб.
- Сабыр джетер муратха, сабырсыз къалыр уятха.
- Ашыкъгъанны этеги бутуна чырмалыр.
- Джангызны оту джарыкъ джанмаз!
- Керти сёзге тёре джокъ.
- Къыз чыгъаргъан – къызыл къымжа.
- Къонакъ хазыр болгъанлыкъгъа, къонакъбай хазыр тюлдю.
- Бет бетге къараса, бет да джерге къарар.
- Ауругъанны сау билмез, ач къарынны токъ билмез.
- Айтханы чапыракъдан ётмеген.
- Ата Джуртуму башы болмасам да, босагъасында ташы болайым.
- Кюн – узун, ёмюр – къысха.
- Айтылгъан буйрукъ, сёгюлмез
- Акъыл къартда, джашда тюйюлдю – башдады.
- Джарлыны тону джаз битер.
- Кийимни бичсенг, кенг бич, тар этген къыйын тюлдю.
Ошибка!
Для просмотра темы введите ваши логин и пароль.Пожалуйста, авторизуйтесь: