- Тамбла алтындан бюгюн багъыр ашхы.
- Ишленмеклик адамлыкъды.
- Иги джашны ышаны – аз сёлешиб, кёб тынгылар.
- Хоншуну тауугъу къаз кёрюнюр, келини къыз кёрюнюр.
- Джангызны оту джарыкъ джанмаз!
- Ачны эсинде – аш.
- Джахил болса анасы, не билликди баласы?
- Бермеген къол, алмайды.
- Кёбден умут этиб, аздан къуру къалма.
- Халкъны джырын джырласанг, халкъ санга эжиу этер.
- Рысхы – насыбха къор.
- Аманны къуугъан, аманлыкъ табар.
- Мал ёлсе, сюек къалыр, адам ёлсе, иши къалыр.
- Таякъ этден ётер, тил сюекден ётер.
- Ашхы – джыяр, аман – джояр.
- Алим болгъандан эсе, адам болгъан къыйынды.
- Душманны тышы – акъ, ичи – къара.
- Акъыллы айтыр эди, акъылсыз къоймайды.
- Эр абынмай, эл танымаз.
- Насыблы элин сюер, насыбсыз кесин сюер.
- Дженгил джетерикме деб, узун джолну къоюб, къысхасын барма.
- Бир онгсуз адам адет чыгъарды, деб эштирик тюлсе.
- Аш кетер да бет къалыр.
- Къошда джокъгъа – юлюш джокъ.
- Хар сёзню орну барды.
- Юйлю уругъа ит чабмаз.
- Аман адам элни бир-бирине джау этер.
- Байма, деб да, къууанма, джарлыма, деб да, джылама.
- Алтыда кюлмеген, алтмышда кюлмез.
- Джашны джигитлиги сорулур, къызны джигерлиги сорулур.
- Битмегеннге сакъал – танг.
- Биреуню тёрюнден, кесинги эшик артынг игиди.
- Чакъырылмагъан джерге барма, чакъырылгъан джерден къалма.
- Ариу сёзде ауруу джокъ.
- Арбаз сайлама да, хоншу сайла.
- Къартны сыйын кёрмеген, къартлыгъында сыйлы болмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Иги адам абынса да, джангылмаз.
- Нафысынгы айтханын этме, намысынгы айтханын эт.
- Аз айтсам, кёб ангылагъыз.
- Билимсиз иш бармаз.
- Билеги кючлю, бирни джыгъар, билими кючлю, мингни джыгъар.
- Аджашхан тёгерек айланыр.
- Ач отунчуну ачыуу – бурнунда.
- Сескекли кесин билдирир.
- Мадар болса, къадар болур.
- Минг тенг да азды, бир джау да кёбдю.
- Адам сёзге тынгыла, акъыл сёзню ангыла.
- Ариу джол аджал келтирмез.
- Ишлегенде эринме, ишде чолакъ кёрюнме.
Ошибка!
Для просмотра темы введите ваши логин и пароль.Пожалуйста, авторизуйтесь: