- Бозаны арты дауур болур.
- Къыйынлы джети элге оноу этер.
- Элиб деген, элге болушур.
- Кёрмегеннге кебек – танг, битмегеннге сакъал – танг.
- Сибиртки да сыйлы болду, кюрек да кюнлю болду.
- Эл элде бирер малынг болгъандан эсе, бирер тенгинг болсун.
- Ач къарным, тынч къулагъым.
- Акъыл неден да кючлюдю.
- Насыб бютеу халкъны юлюшюдю.
- Къызгъанчдан ычхыныр, мухардан ычхынмаз.
- Чомарт къонакъ юй иесин сыйлар.
- Биреуню тёрюнден, кесинги эшик артынг игиди.
- Ашлыкъ – бюртюкден, джюн – тюкден.
- Айран ичген – къутулду, джугъусун джалагъан – тутулду.
- Къарнынг тойгъунчу аша да, белинг талгъынчы ишле.
- Нёгер болсанг, тенг бол, тенг болмасанг, кенг бол.
- Бастасын ашагъан, хантусун да ичер.
- Кимни – тили, тиши онглу, кимни – къолу, иши онглу.
- Кирсизни – саны таза, халалны – къаны таза.
- Ач къалгъандан, кеч къалгъан къолай.
- Иги болса, тамадама – махтау, аман болса, меннге – айыб.
- Арпа, будай – ащды, алтын, кюмюш а – ташды.
- Кёбге таш атма.
- Келлик заман – къартлыкъ келтирир, кетген заман – джашлыкъ ёлтюрюр.
- Аякъларынгы джууургъанынга кёре узат.
- Биреуге аманлыкъны тилеме да, кесинге ашхылыкъны тиле.
- Кечеси – аяз, кюню – къыш, джарлы къаргъагъа бир аш тюш!
- Этни бети бла шорпасы.
- Джаз бир кюнню джатсанг, къыш талай кюнню абынырса.
- Иги джашны ышаны – аз сёлешиб, кёб тынгылар.
- Эшекге миннген – биринчи айыб, андан джыгъылгъан – экинчи айыб.
- Илму – джашауну джолу.
- Ач келгенни – тойдур, кеч келгенни – къондур.
- Бети – къучакълар, джюреги – бычакълар.
- Таукел тауну аудурур.
- Таш бла ургъанны, аш бла ур.
- Баргъанынга кёре болур келгенинг.
- Аман адамны тепсинге олтуртсанг, къызынгы тилер.
- Кюн – узун, ёмюр – къысха.
- Ашхы – джыяр, аман – джояр.
- Aдам боллукъ, сыфатындан белгили.
- Джыгъылгъанны сырты джерден тоймаз.
- Къартны бурнун сюрт да, оноугъа тут.
- Акъыл аздырмаз, билим тоздурмаз.
- Киштикге къанат битсе, чыпчыкъ къалмаз эди.
- Бек ашыкъгъан меннге джетсин, дегенди аракъы.
- Ариу сёз – къылычдан джити.
- Къатын къылыкъсыз, эр тынчлыкъсыз.
- Аманнга игилик этсенг, юйюнге сау бармазса.
- Кёбню кёрген – кёб билир.
Ошибка!
Для просмотра темы введите ваши логин и пароль.Пожалуйста, авторизуйтесь: