- Къонакъ аман болса, къонакъбай джунчур
- Туз, гырджын аша, тюзлюк бла джаша.
- Ёлген аслан – сау чычхан.
- Атынг аманнга чыкъгъандан эсе, джанынг тамагъынгдан чыкъсын.
- Тура эдим джата, къайдан чыкъды хата?
- Къарыусузгъа кюлме, онгсузгъа тийме.
- Босагъагъа джууукъ орун болса, ашыгъыб тёрге озма.
- Башы джабылгъан челекге, кир тюшмез.
- Джарлыны эшигин махтагъан джабар.
- Джюрек кёзден алгъа кёрюр.
- Дуния мал дунияда къалады.
- Айтхан сёзюне табылгъан.
- Келинин тута билмеген, къул этер, къызын тута билмеген, тул этер.
- Эли джокъну – кёлю джокъ.
- Билгенни къолу къарны джандырыр.
- Ётюрюк хапар аякъ тюбю бла джюрюйдю.
- Байлыкъдан саулукъ ашхыды.
- Аманны тукъумуна къарама, игини тукъумун сорма.
- Ач къарынны, токъ билмез
- Байма, деб да, къууанма, джарлыма, деб да, джылама.
- Алтыда кюлмеген, алтмышда кюлмез.
- Аууз сакълагъан – джан сакълар.
- Аманны эки битли тону болур, бирин сеннге кийдирир, бирин кеси киер.
- Ач бёрюге мекям джокъ.
- Ёзденликни кёбю ётюрюк.
- Келинни – келгинчи, бёркню кийгинчи кёр.
- Шекер бла туз – бир болмаз, ушамагъан – юй болмаз.
- Чомарт джарлы болмаз.
- Сабий болмагъан джерде, мёлек болмаз.
- Билимли ёлмез, билимсиз кёрмез.
- Эл тойса, тоймагъан, эл къойса, къоймагъан.
- Чабакъ башындан чирийди.
- Азыкъ аз болса, эртде орун сал.
- Билим ат болуб да чабар, къуш болуб да учар.
- Аууздан келген, къолдан келсе, ким да патчах болур эди.
- Абынмазлыкъ аякъ джокъ, джангылмазлыкъ джаякъ джокъ.
- Тойгъан антын унутур.
- Байны къызы баймакъ болса да, юйде къалмаз!
- Тыш элде солтан болгъандан эсе, кесинги элде олтан болгъан игиди!
- Намысы болмагъанны, сыйы болмаз.
- Къазанчы аман болса, къазаны къайнамаз.
- Адамны артындан къара сабан сюрме.
- Къошда джокъгъа – юлюш джокъ.
- Сакъламагъан затынга джолукъсанг, не бек къууанаса, не бек ачыйса.
- Сёз къанатсыз учар.
- Артына баргъанны, къатына барма.
- Биреуню къыйынлыгъы бла кесинге джол ишлеме.
- Насыб бютеу халкъны юлюшюдю.
- Сагъыш – къартлыкъгъа сюйюмчю.
- Эл ауузу – элия.
Ошибка!
Для просмотра темы введите ваши логин и пароль.Пожалуйста, авторизуйтесь: