- Акъыллы айтыр эди, акъылсыз къоймайды.
- Къайгъыны сюйген, къайгъы табар.
- Асхат ашлыкъ сата, юйдегиси ачдан къата.
- Къарт бла баш аша, джаш бла аякъ аша.
- Тели турса – той бузар.
- Ач, тоймам, дейди, тойгъан, ач болмам, дейди.
- Татлы сёз – балдан татлы.
- Керек ташны ауурлугъу джокъ.
- Ётюрюкден тюбю джокъ, кёлтюрюрге джиби джокъ.
- Къаллай салам берсенг, аллай джууаб алырса.
- Тюз сёз баргъан сууну тыяр.
- Джангыз терек къынгыр ёсер.
- Ушамагъан – джукъмаз.
- Хаухну атма, ёнгкючню сатма.
- Бал – татлы, балдан да бала – татлы.
- Аякъларынгы джууургъанынга кёре узат.
- Мен да «сен», дейме, сен да «кесим», дейсе.
- Рысхы – сют юсюнде кёмюк кибикди.
- Баш болса, бёрк табылыр.
- Ишлерге уял да, ашаргъа табма.
- Чабакъ башындан чирийди.
- Аууздан келген, къолдан келсе, ким да патчах болур эди.
- Юйюнгден чыкъдынг – кюнюнгден чыкъдынг.
- Элни кючю – эмеген.
- Ауругъан – джашаудан умутчу.
- «Ма», - дегенни билмесенг, «бер», - дегенни билмезсе.
- Кёбден умут этиб, аздан къуру къалма.
- Биреу ашаб къутулур, биреу джалаб тутулур.
- Ач отунчуну ачыуу – бурнунда.
- Окъугъанны бети джарыкъ.
- Байлыкъ келсе, акъыл кетер.
- Къонагъы джокъну – шоху джокъ.
- Ариу сёз джыланны орнундан чыгъарыр.
- Къызын тута билмеген, тул этер, джашын тута билмеген, къул этер.
- Ашхы – джыяр, аман – джояр.
- Ашатыргъа иш – ашхы, ишлетирге аш – ашхы.
- Сютден ауузу кюйген, суугъа юфгюре эди.
- Тойчу джашха къарама, къойчу джашха къара.
- Адамны бетине къарама, адетине къара.
- Бастасын ашагъан, хантусун да ичер.
- Тамырсыз терекге таянма – джыгъылырса.
- Байма, деб да, къууанма, джарлыма, деб да, джылама.
- Аууз сакълагъан – джан сакълар.
- Къыйынлы джети элни къайгъысын этер.
- Эки элинги тыйсанг, джети элде махталырса.
- Ач бёрюге мекям джокъ.
- Керилген да, ургъан кибикди.
- Билими азны – ауузунда кирит.
- Таукел тауну аудурур.
- Ишлемеген – тишлемез.
Ошибка!
Для просмотра темы введите ваши логин и пароль.Пожалуйста, авторизуйтесь: