- Кирсизни – саны таза, халалны – къаны таза.
- Юйюнгден чыкъдынг – кюнюнгден чыкъдынг.
- Олтуруб кёрюнмей эди да, ёрге туруб кёрюне эди.
- Окъумагъан сокъурду, сокъур ташха абыныр!
- Ёзденликни кёбю ётюрюк.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ойнаб айтсанг да, эслеб айт.
- Тилсиз миллет джокъ болур.
- Тюзлюк тас болмайды.
- Аджаллыгъа окъсуз шкок атылыр.
- Аз сёлешген, къайгъысыз турур.
- Ата – билек, ана – джюрек!
- Къатын къылыкъсыз, эр тынчлыкъсыз.
- Тура эдим джата, къайдан чыкъды хата?
- Чомартха хар кюн да байрамды.
- Къарын къуру болса, джюрек уру болур.
- Кёб джат да, бек чаб.
- Ачыу алгъа келсе, акъыл артха къалады.
- Ашыкъгъанны этеги бутуна чырмалыр.
- Эки элинги тыйсанг, джети элде махталырса.
- Ишлемеген – тишлемез.
- Тик ёргени, тик энгишгеси да болады.
- Эркишиге тары кебек танг кёрюнюр.
- Сабыр джетер муратха, сабырсыз къалыр уятха.
- Тамырсыз терекге таянма – джыгъылырса.
- Къыз келсе, джумуш эте келеди, къатын келсе, ушакъ эте келеди.
- Ата Джуртун танымагъан, атасын да танымаз.
- Борчунг бар эсе, хурджунунга ойлаб узал.
- Азыкълы ат арымаз, къатыны аман джарымаз.
- Таукел адам тау тешер.
- Кёлю джокъну – джолу джокъ.
- Джырчы джырчыгъа – къарнаш.
- Кёзден кетген, кёлден да кетеди.
- Огъурлуну сёзю – суу, огъурсузну сёзю – уу.
- Эм уллу байлыкъ – джан саулукъ.
- Хоншуну тауугъу къаз кёрюнюр, келини къыз кёрюнюр.
- Экиндини кеч къылсанг, чабыб джетер ашхам.
- Джангыз торгъай джырламаз.
- Ашда – бёрю, ишде – ёлю.
- Адам сёзге тынгыла, акъыл сёзню ангыла.
- Джаз бир кюнню джатсанг, къыш талай кюнню абынырса.
- Элге къуллукъ этмеген, элге ие болмаз.
- Тюзлюк шохлукъну бегитир.
- Шапа кёб болса, аш татымсыз болур.
- Билеги кючлю, бирни джыгъар, билими кючлю, мингни джыгъар.
- Байма, деб да, къууанма, джарлыма, деб да, джылама.
- Рысхы джалгъанды: келген да этер, кетген да этер.
- Хунаны тюбюн къазсанг, юсюнге ауар.
- Къазанда болса, чолпугъа чыгъар.
- Тёрени джагъы джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: