- Джыгъылгъанны сырты джерден тоймаз.
- Этек чакъмакълары баш джаргъан, сёлешген сёзлери таш джаргъан.
- Ашхы – джыяр, аман – джояр.
- Къуллукъчума, деб махтанма, къуллукъ – хаух джамчыды!
- Акъыл къартда, джашда тюйюлдю – башдады.
- Оюмсуз атлагъан, аджалсыз ёлюр.
- Булут кёкге джарашыу, уят бетге джарашыу.
- Джашлыкъ этмеген, башлыкъ этмез.
- Ач отунчуну ачыуу – бурнунда.
- Адеби болмагъан къыз – тузсуз хант.
- Сыфатында болмагъаны, суратында болмаз.
- Ашхылыкъ джерде джатмайды, аманлыкъ суугъа батмайды.
- Эри аманны, къатыны – аман.
- Аш иеси бла татлыды.
- Тамбла алтындан бюгюн багъыр ашхы.
- Джырчы ёлсе, джыры къалыр.
- Адамгъа аман кюн соруб келмейди.
- Ойнай-ойнай кёз чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
- Къыйынлы джети элге оноу этер.
- Къанны къан бла джуума, аманны аман бла къуума.
- Тёрде – темир таякълы, къаяда – чыпчыкъ аякълы.
- Келлик заман – къартлыкъ келтирир, кетген заман – джашлыкъ ёлтюрюр.
- Бал – татлы, балдан да бала – татлы.
- Юйюнгден чыкъдынг – кюнюнгден чыкъдынг.
- Байлыкъ адамны сокъур этер.
- Къартны бурнун сюрт да, оноугъа тут.
- Махтаннган къыз, тойда джукълар.
- Дженгил джетерикме деб, узун джолну къоюб, къысхасын барма.
- Эрине къаргъыш этген къатын, эрнин къабар.
- Ёлюр джаннга, ёкюл джокъ.
- Тили узунну, намысы – къысха.
- «Ма», - дегенни билмесенг, «бер», - дегенни билмезсе.
- Башсыз урчукъ тюзюне айланмаз.
- Адебни адебсизден юрен.
- Таш ата билмеген, башына урур.
- Халкъны джырын джырласанг, халкъ санга эжиу этер.
- Билимден уллу байлыкъ джокъду.
- Ойнай билмеген, оюн бузар.
- Тау башында, тау болмаз, джангыз терек, бау болмаз.
- Айтылгъан сёз ызына къайтмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Таугъа чыгъаллыкъ эсенг, тюзде къалма.
- Итли къонакъ джарашмаз.
- Чёбню кёлтюрсенг, тюбюнден сёз чыгъар.
- Хазыр ашха – терен къашыкъ.
- Джиби бир къат джетмей эди да, эки къат тарта эди.
- Берекет берсин деген джерде, берекет болур.
- Чабар ат – джетген къыз.
- Татлы тилде – сёз ариу, чемер къолда – иш ариу.
Ошибка!
Для просмотра темы введите ваши логин и пароль.Пожалуйста, авторизуйтесь: