- Ашына кёре табагъы, балына кёре къалагъы.
- Сабийликде юретмесенг, уллу болса – тюзелмез.
- Джан саулукъ бермей, сан саулукъ бермезсе.
- Чыкълы кюнде чыкъмагъан, чыкъса къуру кирмеген.
- Башынга джетмегенни сорма.
- Ариуну – ауруу кёб.
- Къызын тута билмеген, тул этер, джашын тута билмеген, къул этер.
- От кюйдюрген, сау болса да, тот кюйдюрген, сау болмаз.
- Иги джашны ышаны – аз сёлешиб, кёб тынгылар.
- Ёлген ийнек сютлю болур.
- Бир абыннган – минг сюрюнюр.
- Джашынгы кесинг юретмесенг, джашау юретир.
- Атадан ёксюз – бир ёксюз, анадан ёксюз – эки ёксюз.
- Ёмюрлюк шохлукъну джел элтмез.
- Къазанда болса, чолпугъа чыгъар.
- Атлыны ашхысы, ат тизгининден билинир
- Ата Джуртча джер болмаз, туугъан элча эл болмаз.
- Байлыкъдан саулукъ ашхыды.
- Хатерли къул болур.
- Хар ишни да аллы къыйынды.
- Билим насыб берир, билим джолну керир.
- Кюлме джашха – келир башха.
- Къая джолда джортма, ачыкъ сёзден къоркъма.
- Баш болса, бёрк табылыр.
- Ата джурт – алтын бешик.
- Сабийни джумушха джибер да, ызындан бар.
- Билимсиз иш бармаз.
- Къатын къылыкъсыз, эр тынчлыкъсыз.
- Дженгил джетерикме деб, узун джолну къоюб, къысхасын барма.
- Ёксюзню къалачы уллу кёрюнюр.
- Кесинг сынамагъан затны, адамгъа буюрма.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъыл бла адеб эгизледиле.
- Иши джокъну, сыйы джокъ.
- Гырджын – тепсини тамадасы.
- Къарт болгъан джерде, берекет болур, сабий болгъан джерде, оюн болур.
- Ётюрюкден тюбю джокъ, кёлтюрюрге джиби джокъ.
- Уллу айтханны этмеген – уллаймаз.
- Тёзгеннге, джабылгъан эшик ачылыр.
- Кюн кёрмеген, кюн кёрсе, кюндюз чыракъ джандырыр.
- Кёбден умут этиб, аздан къуру къалма.
- Джылыгъа джылан илешир.
- Кийимни бир кюнню аясанг, минг кюннге джарар.
- Атлыны кёрсе, джаяуну буту талыр.
- Ашыкъгъанны этеги бутуна чырмалыр.
- Босагъагъа джууукъ орун болса, ашыгъыб тёрге озма.
- Арбаз къынгырды да, ийнек сауалмайма.
- Эски джаугъа ышанма.
- Этни бети бла шорпасы.
- Магъанасыз сёз – тауушсуз сыбызгъы.
Ошибка!
Для просмотра темы введите ваши логин и пароль.Пожалуйста, авторизуйтесь: