- Нафысынгы айтханын этме, намысынгы айтханын эт.
- Бал чибинни ургъаны – ачы, балы – татлы.
- Эрине къаргъыш этген къатын, эрнин къабар.
- Къобан да къуру да къобханлай турмайды, адам да къуру да патчахлай турмайды.
- Кёб джат да, бек чаб.
- Этни бети бла шорпасы.
- Байны оноуу, джарлыгъа джарамаз.
- Ёзденликни джайгъан – джокълукъ.
- Джахил болса анасы, не билликди баласы?
- Тёрдеги кюлсе, эшикдеги ышарыр.
- Кёбню кёрген – кёб билир.
- Окъумагъан сокъурду, сокъур ташха абыныр!
- Ариу джол аджал келтирмез.
- Юй кюйдю да, кюйюз чыкъды, ортасындан тюйюш чыкъды.
- Кесине оноу эте билмеген, халкъына да эте билмез.
- Тыш элде солтан болгъандан эсе, кесинги элде олтан болгъан игиди!
- Билген билмегенни юретген адетди.
- Тил – миллетни джаны.
- Бети бедерден, намыс сакълама.
- Абынмазлыкъ аякъ джокъ, джангылмазлыкъ джаякъ джокъ.
- Элде адам къалмаса, ит тахтагъа минер.
- Ачыкъ джюрекге джол – ачыкъ.
- Ётюрюк хапар аякъ тюбю бла джюрюйдю.
- Арба аугъандан сора, джол кёргюзтюучю кёб болур.
- Юреннген ауруу къалмаз.
- Аш кетер да бет къалыр.
- Эринчекге кюн узун.
- Эки итни арасына сюек атма, эки адамны арасында сёз чыгъарма.
- Ариу сёз джыланны орнундан чыгъарыр.
- Гугук кесини атын айтыб къычыргъанча, мен, мен деб нек тураса?
- Тойгъанлыкъ къойгъа джарашады.
- Тили узунну, намысы – къысха.
- Тойгъандан сора, ашны сёкме.
- Мухардан ач ычхынмаз.
- Бозанг болмагъан джерге, къалагъынгы сукъма.
- Сабийликде юретмесенг, уллу болса – тюзелмез.
- Агъач – джерни чырайы, кийим – эрни чырайы.
- Эшекни не къадар тюйсенг да, ат болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Кимни – тили, тиши онглу, кимни – къолу, иши онглу.
- Бюгюн дуния кибик, тамбла ахыратды.
- Бек анасы джыламаз.
- Къоркъакъны кёзю экили кёрюр.
- Къызбайны юйюне дери сюрсенг, батыр болур.
- Мен да «сен», дейме, сен да «кесим», дейсе.
- Ётюрюкден тюбю джокъ, кёлтюрюрге джиби джокъ.
- Билимден уллу байлыкъ джокъду.
- Ауругъанны сау билмез, ач къарынны токъ билмез.
- Ургъан суудан башынгы сакъла.
- Телиге от эт десенг, юйюнге от салыр.
Ошибка!
Для просмотра темы введите ваши логин и пароль.Пожалуйста, авторизуйтесь: