- Суу кетер, таш къалыр.
- Къазанда болса, чолпугъа чыгъар.
- Ёзденликни джайгъан – джокълукъ.
- Бет бетге къараса, бет да джерге къарар.
- Олтуруб кёрюнмей эди да, ёрге туруб кёрюне эди.
- Башы джабылгъан челекге, кир тюшмез.
- Аджал соруб келмез, келсе, къайтыб кетмез.
- Ёксюзню тилеги къабыл болур.
- Джолунга кёре – джюрюшюнг, джагъанга кёре – юлюшюнг.
- Ёмюрлюк шохлукъну джел элтмез.
- Алгъанда – джууукъ, бергенде – джау.
- Тешигини къатында, чычхан да батыр болур.
- Ашха уста, юйюнде болсун
- Эм ашхы къайын ана мамукъ бла башынгы тешер.
- Баланы адам этген анады.
- Эки къатын алгъанны къулагъы тынгнгаймаз.
- Юреннген ауруу къалмаз.
- Тил – миллетни джаны.
- Чабакъгъа акъыл, табагъа тюшсе келеди.
- Ариуну – ауруу кёб.
- Босагъагъа джууукъ орун болса, ашыгъыб тёрге озма.
- Айырылмаз джууугъунга, унутмаз сёзню айтма.
- Эшекни не къадар тюйсенг да, ат болмаз.
- Аман адам элни бир-бирине джау этер.
- Акъыл бла адеб эгизледиле.
- Ашхы болсанг, атынг чыгъар, аман болсанг, джанынг чыгъар.
- Тюз сёз баргъан сууну тыяр.
- Кийиминг бла танылма, адамлыкъ бла таныл.
- Айтхан – тынч, этген – къыйын.
- Чёбню кёлтюрсенг, тюбюнден сёз чыгъар.
- Айтхан сёзюне табылгъан.
- Билмегенинги, билгеннге сор.
- Чакъырылмагъан къонакъ къачан кетерин сормаз.
- Юйлю уругъа ит чабмаз.
- Айран ичген – къутулду, джугъусун джалагъан – тутулду.
- Агъач халкъгъа алтынды, иссиликге салкъынды.
- Алтыда кюлмеген, алтмышда кюлмез.
- Эртде тургъан бла эртде юйленнген сокъуранмаз.
- Бал – татлы, балдан да бала – татлы.
- Къуру гыбыт бек дыгъырдар.
- Артына баргъанны, къатына барма.
- Таукелге нюр джауар.
- Къолунгдан къуймакъ ашатсанг да, атаны борчундан къутулмазса.
- Сёз сёзню айтдырыр.
- Ашыкъгъан cуу, тенгизге джетмез.
- Танг атмайма десе да, кюн къоярыкъ тюйюлдю.
- Акъыллы башны – тили къысха.
- Биреуню тёрюнден, кесинги эшик артынг игиди.
- Тилчиден кери бол.
- Гитче джилтин уллу элни джандырыр.
Ошибка!
Для просмотра темы введите ваши логин и пароль.Пожалуйста, авторизуйтесь: