- Бал чибинни ургъаны – ачы, балы – татлы.
- Уллу къазанда бишген эт, чий къалмаз.
- Эшекге миннген – биринчи айыб, андан джыгъылгъан – экинчи айыб.
- Суу ичген шауданынга тюкюрме.
- Кёзюнде тереги болгъан, чёбю болгъаннга кюле эди.
- Хар ишни да аллы къыйынды.
- Алгъанда – джууукъ, бергенде – джау.
- Аманны эки битли тону болур, бирин сеннге кийдирир, бирин кеси киер.
- Керек ташны ауурлугъу джокъ.
- Сакъламагъан затынга джолукъсанг, не бек къууанаса, не бек ачыйса.
- Игиге айтсанг – билир, аманнга айтсанг – кюлюр.
- Билим къая тешер.
- Кюлме джашха – келир башха.
- Ариу сёзде ауруу джокъ.
- Сабыр джетер муратха, сабырсыз къалыр уятха.
- Уллу сёзде уят джокъ.
- Окъугъан озар, окъумагъан тозар.
- Эринчекни эр алмаз, эр алса да, кёл салмаз, кёл салса да, кёб бармаз!
- Тура эдим джата, къайдан чыкъды хата?
- Ёлюр джаннга, ёкюл джокъ.
- Сагъыш – къартлыкъгъа сюйюмчю.
- Къартны бурнун сюрт да, оноугъа тут.
- Тынгылагъан тынгы бузар.
- Тулпарлыкъ, билекден тюл – джюрекден.
- Къар – келтирди, суу – элтди.
- Къайгъы тюбю – тенгиз.
- Кёл ашады да, кеси ашады.
- Тили узунну, намысы – къысха.
- Халкъны джырын джырласанг, халкъ санга эжиу этер.
- Татлы сёз – балдан татлы.
- Ата джурт – алтын бешик.
- Тёзген – тёш ашар!
- Мадар болса, къадар болур.
- Кесине гебен этелмеген, биреуге черен эте эди.
- Чомартха хар кюн да байрамды.
- Аш берме да, къаш бер.
- Къарын къуру болса, джюрек уру болур.
- Джырчы джырчыгъа – къарнаш.
- Юй кюйдю да, кюйюз чыкъды, ортасындан тюйюш чыкъды.
- Адамны аманы адамны бети бла ойнар.
- Ёгюзню мюйюзюнден тутадыла, адамны сёзюнден тутадыла.
- Айтханы чапыракъдан ётмеген.
- Минг тенг да азды, бир джау да кёбдю.
- Ачыу алгъа келсе, акъыл артха къалады.
- Сыфатында болмагъаны, суратында болмаз.
- Эки элинги тыйсанг, джети элде махталырса.
- Эки ойлашыб, бир сёлешген.
- Аш иеси бла татлыды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ата Джуртча джер болмаз, туугъан элча эл болмаз.
Ошибка!
Для просмотра темы введите ваши логин и пароль.Пожалуйста, авторизуйтесь: