- Таукел адам тау тешер.
- Сагъышы джокъ – джукъучу, акъылы джокъ – къаугъачы.
- Аджалсыз ёлюм болмаз.
- Танг атмайма десе да, кюн къоярыкъ тюйюлдю.
- Байны оноуу, джарлыгъа джарамаз.
- Ёлген аслан – сау чычхан.
- Дууулдаса – бал чибин, къонса – къара чибин.
- Адам къаллай бир ишленмесе, аллай бир кесин уллу кёреди.
- Аууздан келген, къолдан келсе, ким да патчах болур эди.
- Кёзю сокъурдан – къоркъма, кёлю сокъурдан – къоркъ.
- Адам туугъан джеринде, ит тойгъан джеринде.
- Ётген ёмюр – акъгъан суу.
- Сескекли кесин билдирир.
- Джаханимни кёрмей, джандетге кёл салмазса.
- Адамны сабийин сюйген джюреги, бычакъча, джитиди.
- Байма, деб да, къууанма, джарлыма, деб да, джылама.
- Джылкъыдан – ат чыгъар, тукъумдан – джаш чыгъар.
- Ашда – бёрю, ишде – ёлю.
- Игини сыйлагъан адетди.
- Ашатыргъа иш – ашхы, ишлетирге аш – ашхы.
- Керти сёзге тёре джокъ.
- Джарлыны тону джаз битер.
- Джыгъылгъанны сырты джерден тоймаз.
- Кесине оноу эте билмеген, халкъына да эте билмез.
- Ашда уялгъан – мухар, ишде уялгъан – хомух.
- Мухардан ач ычхынмаз.
- Ойнаб айтсанг да, эслеб айт.
- Ёпкелегенни ашы татлы болады.
- Ата – билек, ана – джюрек!
- Башда акъыл болмаса, эки аякъгъа кюч джетер.
- Чомарт джарлы болмаз.
- Адеб джокъда, намыс джокъ.
- Тойгъан джерге джети къайт.
- Ат да турмайды бир териде.
- Таукел къуру къалмаз.
- Аурууну келиую тынч, кетиую – къыйын.
- Экеу тутушса, биреу джыгъылыр.
- Дуния аламаты сен эсенг да, игиме деб айтма.
- Кёзден кетген, кёлден да кетеди.
- Ёнгкюч къууана барыр, джылай келир.
- Эр сокъур болсун, къатын тилсиз болсун.
- Джигер – джаннга къыйынлыкъ.
- Чомарт къолда мал къалмаз.
- Къыз келсе, джумуш эте келеди, къатын келсе, ушакъ эте келеди.
- Душманны тышы – акъ, ичи – къара.
- Айтханы чапыракъдан ётмеген.
- Ачыу алгъа келсе, акъыл артха къалады.
- Келинин тута билмеген, къул этер, къызын тута билмеген, тул этер.
- Ашхы болсанг, атынг чыгъар, аман болсанг, джанынг чыгъар.
- Аз сёлеш, кёб ишле.
Ошибка!
Для просмотра темы введите ваши логин и пароль.Пожалуйста, авторизуйтесь: