- Сыфатында болмагъаны, суратында болмаз.
- Кюн – узун, ёмюр – къысха.
- Байдан умут эте, джарлыдан ёгюз багъасы къорады.
- Ач келгенни – тойдур, кеч келгенни – къондур.
- Берекет берсин деген джерде, берекет болур.
- Аллахха ийнаннган кишини, Аллах онгдурур ишин.
- Тас болгъан бычакъны сабы – алтын.
- Этни бети бла шорпасы.
- Мухар, кеси тойса да, кёзю тоймаз.
- Ушамагъан – джукъмаз.
- Ёзденликни джайгъан – джокълукъ.
- Гитче джилтин уллу элни джандырыр.
- Байлыкъ болгъан джерде, тынчлыкъ джокъду.
- Тешигини къатында, чычхан да батыр болур.
- Къан бла кирген, джан бла чыгъар.
- Къонакъ аз олтурур, кёб сынар.
- Биреуге аманлыкъны тилеме да, кесинге ашхылыкъны тиле.
- Джангызны оту джарыкъ джанмаз!
- Окъдан джара эртде-кеч болса да бителир, сёз джара, ёмюрге къалыр.
- Къалгъан ишге къар джауар.
- Билмегенинги, билгеннге сор.
- Къызын тута билмеген, тул этер, джашын тута билмеген, къул этер.
- Ата – баланы уясы.
- Эл элде бирер малынг болгъандан эсе, бирер тенгинг болсун.
- «Ёгюз, джаргъа джууукъ барма, меннге джюк боллукъса», - дегенди эшек.
- Чакъырылмагъан джерге барма, чакъырылгъан джерден къалма.
- Тиширыусуз юй – отсуз от джагъа.
- Ана – юйню кюн джарыгъы.
- Кёзюнде тереги болгъан, чёбю болгъаннга кюле эди.
- Мал кёб болса, джууукъ кёб болур.
- Биреуге кёлтюрген таягъынг, кесинги башынга урур.
- Къыз чыгъаргъан – къызыл къымжа.
- Ашаса, ашамаса да, бёрюню ауузу – къан.
- Тойгъан антын унутур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тойгъанлыкъ къойгъа джарашады.
- Адам туугъан джеринде, ит тойгъан джеринде.
- Алгъанда – джууукъ, бергенде – джау.
- Ач – эснер, ат – кишнер.
- Къонакъ аман болса, къонакъбай джунчур
- Ишлегенде эринме, ишде чолакъ кёрюнме.
- Сангырау къулакъ эл бузар.
- Аш кетер да бет къалыр.
- Къыйынлы джети элни къайгъысын этер.
- Ашда – бёрю, ишде – ёлю.
- Къайгъы тюбю – тенгиз.
- Джарлыны эшигин махтагъан джабар.
- Аманны эки битли тону болур, бирин сеннге кийдирир, бирин кеси киер.
- Джолунга кёре – джюрюшюнг, джагъанга кёре – юлюшюнг.
- Сёлеш деб шай берген, тохта деб, сом берген.
Ошибка!
Для просмотра темы введите ваши логин и пароль.Пожалуйста, авторизуйтесь: