- Къазанда болса, чолпугъа чыгъар.
- Намыс сатылыб алынмайды.
- Тамырсыз терекге таянма – джыгъылырса.
- Къатын къылыкъсыз, эр тынчлыкъсыз.
- Къартны бурнун сюрт да, оноугъа тут.
- Хантына кёре тузу, юйюне кёре къызы.
- Къызгъанчдан ычхыныр, мухардан ычхынмаз.
- Джолунга кёре – джюрюшюнг, джагъанга кёре – юлюшюнг.
- Ариу сёз джыланны орнундан чыгъарыр.
- Аманнга игилик этсенг, юйюнге сау бармазса.
- Байма, деб да, къууанма, джарлыма, деб да, джылама.
- Тау башында, тау болмаз, джангыз терек, бау болмаз.
- Джан саулукъ бермей, сан саулукъ бермезсе.
- Билимсиз иш бармаз.
- Къуллукъчума, деб махтанма, къуллукъ – хаух джамчыды!
- Кёпюр салгъан кеси ётер, уру къазгъан кеси кетер.
- Аджашханны ызындагъы кёреди, джангылгъанны джанындагъы биледи.
- Телини эшигин, махтау джабар.
- Юй кюйдю да, кюйюз чыкъды, ортасындан тюйюш чыкъды.
- Чалманны аллы къалай башланса, арты да алай барады.
- Ишленмеклик адамлыкъды.
- Хар адамгъа кеси миннген тау кибик.
- Ашатыргъа иш – ашхы, ишлетирге аш – ашхы.
- Дуния мал дунияда къалады.
- Эртде тургъан бла эртде юйленнген сокъуранмаз.
- Адебсиз адам – джюгенсиз ат.
- Ишлегенде эринме, ишде чолакъ кёрюнме.
- Ёмюрлюк шохлукъну джел элтмез.
- Башы джабылгъан челекге, кир тюшмез.
- Аман адам элни бир-бирине джау этер.
- Сабыр джетер муратха, сабырсыз къалыр уятха.
- Булут кёкге джарашыу, уят бетге джарашыу.
- Эшекге миннген – биринчи айыб, андан джыгъылгъан – экинчи айыб.
- Бир абыннган – минг сюрюнюр.
- Уллу къашыкъ эрин джыртар.
- Ким бла джюрюсенг, аны кёзю бла кёрюнюрсе.
- Ётген ёмюр – акъгъан суу.
- Къыз келсе, джумуш эте келеди, къатын келсе, ушакъ эте келеди.
- Иши джокъну, сыйы джокъ.
- Айраннга суу къош, телиге джол бош.
- Къызын тута билмеген, тул этер, джашын тута билмеген, къул этер.
- Билгенни къолу къарны джандырыр.
- Чомартны къолун джокълукъ байлар.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуню къыйынлыгъы бла кесинге джол ишлеме.
- Джаханимни кёрмей, джандетге кёл салмазса.
- Аз айтсам, кёб ангылагъыз.
- Биреуню тёрюнден, кесинги эшик артынг игиди.
- Иги джашны ышаны – аз сёлешиб, кёб тынгылар.
- Эл тойса, тоймагъан, эл къойса, къоймагъан.
Ошибка!
Для просмотра темы введите ваши логин и пароль.Пожалуйста, авторизуйтесь: