- Адам сёзге тынгыла, акъыл сёзню ангыла.
- Бичгенде ашыкъма, тикгенде ашыкъ.
- Джаралыны джастыгъында сау ёлюр.
- Азыкъ аз болса, эртде орун сал.
- Дуния малгъа сатылма, кесингден телиге къатылма.
- Акъыллы – эл иеси, тели – эл баласы.
- Эшекге миннген – биринчи айыб, андан джыгъылгъан – экинчи айыб.
- Кюн – узун, ёмюр – къысха.
- Къуллукъчума, деб махтанма, къуллукъ – хаух джамчыды!
- Къарнынг къанлынга кийирир.
- Намыс болмагъан джерде, насыб болмаз.
- Адебсиз адам – джюгенсиз ат.
- Биреуге кёлтюрген таягъынг, кесинги башынга урур.
- Тай асырагъан, атха минер.
- Ана къойну – балагъа джандет.
- Келгинчи, къонакъ уялыр, келгенден сора, къонакъбай уялыр.
- Билгенни къолу къарны джандырыр.
- Ётюрюкчюню шагъаты – къатында.
- Атынг аманнга чыкъгъандан эсе, джанынг тамагъынгдан чыкъсын.
- Аш кетер да бет къалыр.
- Къарыусузгъа кюлме, онгсузгъа тийме.
- Хунаны тюбюн къазсанг, юсюнге ауар.
- Аман къатын сабий табса, бий болур…
- Тынгылагъан тынгы бузар.
- Кесине оноу эте билмеген, халкъына да эте билмез.
- Ата Джуртуму башы болмасам да, босагъасында ташы болайым.
- Ёмюрлюк шохлукъну джел элтмез.
- Джырчы ёлсе, джыры къалыр.
- Мен да «сен», дейме, сен да «кесим», дейсе.
- Тилчи бир сагъатха айлыкъ хата этер.
- Хансыз джомакъ болмаз.
- Башсыз урчукъ тюзюне айланмаз.
- Чакъырылгъанны аты, чакъырылмагъанны багъасы болур.
- Аман адамны тепсинге олтуртсанг, къызынгы тилер.
- Таукел адам тау тешер.
- Ушамагъан – джукъмаз.
- Аман адам этегингден тутса, кес да къач.
- Байлыкъ тауусулур, билим тауусулмаз.
- Джаз бир кюнню джатсанг, къыш талай кюнню абынырса.
- Джыйырма къойну юч джыйырма эбзе кюте эди.
- Адамны артындан къара сабан сюрме.
- Ишленмеген джаш – джюгенсиз ат, ишленмеген къыз – тузсуз хант.
- Ата Джуртун танымагъан, атасын да танымаз.
- Сабийни джумушха джибер да, ызындан бар.
- Къалгъан ишге къар джауар.
- Шапа кёб болса, аш татымсыз болур.
- Кёзден кетген, кёлден да кетеди.
- Кеси юйюмде мен да ханма.
- Айтылгъан сёз ызына къайтмаз.
- Халкъны юйю – туугъан джери.
Ошибка!
Для просмотра темы введите ваши логин и пароль.Пожалуйста, авторизуйтесь: