- Сабий болмагъан джерде, мёлек болмаз.
- Сакъалы текени да бар, мыйыгъы киштикни да бар.
- Ишге юренсин къоллары, халкъ бла болсун джоллары.
- Абынмазлыкъ аякъ джокъ, джангылмазлыкъ джаякъ джокъ.
- Акъыллы – эл иеси, тели – эл баласы.
- Хата – гитчеден.
- Сууда джау джокъ, кёб сёзде магъана джокъ.
- Байлыкъдан саулукъ ашхыды.
- Этни да ашады, бетни да ашады.
- Огъурлуну сёзю – суу, огъурсузну сёзю – уу.
- Джетген къыз джерли эшекни танымаз.
- Къартны бурнун сюрт да, оноугъа тут.
- Тил – кесген бычакъ, сёз – атылгъан окъ.
- Юйюнгден чыкъдынг – кюнюнгден чыкъдынг.
- Ёмюрлюк шохлукъну джел элтмез.
- Келинни – келгинчи, бёркню кийгинчи кёр.
- Ётюрюкню къуйругъу – бир тутум.
- Аман эсирсе, юйюн ояр.
- Ёксюзню къалачы уллу кёрюнюр.
- Кесине оноу эте билмеген, халкъына да эте билмез.
- Битмегеннге сакъал – танг.
- Тенгинг джокъ эсе – изле, бар эсе – сакъла!
- Эртде тургъан бла эртде юйленнген сокъуранмаз.
- Акъыл аздырмаз, билим тоздурмаз.
- Аш берме да, къаш бер.
- Ургъан суудан башынгы сакъла.
- Аджашхан тёгерек айланыр.
- Ашхы атаны – джашы ашхы, ашхы ананы – къызы ашхы.
- Байлыкъ тауусулур, билим тауусулмаз.
- Туз, гырджын аша, тюзлюк бла джаша.
- Асхат ашлыкъ сата, юйдегиси ачдан къата.
- Башы ишлегенни, ауузу да ишлер.
- Иесиз малны бёрю ашар.
- Урунуу – насыбны анасы.
- Бир онгсуз адам адет чыгъарды, деб эштирик тюлсе.
- Телиге акъыл салгъандан эсе, ёлгеннге джан салырса.
- Кёб ант этген, кёб ётюрюк айтыр.
- Ауурну тюбю бла, дженгилни башы бла джюрюген.
- Элни кючю – эмеген.
- Таякъ этден ётер, тил сюекден ётер.
- «Ма», - дегенни билмесенг, «бер», - дегенни билмезсе.
- Атынг аманнга чыкъгъандан эсе, джанынг тамагъынгдан чыкъсын.
- Ата – билек, ана – джюрек!
- Татлы тилде – сёз ариу, чемер къолда – иш ариу.
- Джети тилни билген джети кишиди.
- Уллу сёзде уят джокъ.
- Билгенни къолу къарны джандырыр.
- Адамгъа аман кюн соруб келмейди.
- Къызгъанчдан ычхыныр, мухардан ычхынмаз.
- Къулакъдан эсе, кёзге ышан.
Ошибка!
Для просмотра темы введите ваши логин и пароль.Пожалуйста, авторизуйтесь: