- Баланы адам этген анады.
- Сабийни джумушха джибер да, ызындан бар.
- Ёлюк кебинсиз къалмаз.
- Аманны тукъумуна къарама, игини тукъумун сорма.
- Халкъны юйю – туугъан джери.
- Башынга джетмегенни сорма.
- Ойнаб айтсанг да, эслеб айт.
- Тюкюрюк баш джармаз, налат кёз чыгъармаз!
- Ашыкъгъан cуу, тенгизге джетмез.
- Къайгъы тюбю – тенгиз.
- Юреннген ауруу къалмаз.
- Ишлемеген – тишлемез.
- Арыгъан къош чамчы болур.
- Этек чакъмакълары баш джаргъан, сёлешген сёзлери таш джаргъан.
- Кёзден кетген, кёлден да кетеди.
- Чомартны къолун джокълукъ байлар.
- Джигер – джаннга къыйынлыкъ.
- Эркиши – от, тиширыу – суу.
- Ариу сёз аурууунгу алыр.
- Уллу къашыкъ эрин джыртар.
- Джарлы тюеге минсе да, ит къабар.
- Джиби бир къат джетмей эди да, эки къат тарта эди.
- Тойгъан антын унутур.
- Ичимден чыкъды хата, къайры барайым сата?
- Биреу къой излей, биреу той излей.
- Эл ауузу – элия.
- Баш болса, бёрк табылыр.
- Сормай – алма, чакъырылмай – барма.
- Джогъун бар этген, барын бал этген.
- Ана кёлю – балада, бала кёлю – талада.
- Хазыр ашха – терен къашыкъ.
- Тил джюрекге джол ишлейди.
- Аманны эки битли тону болур, бирин сеннге кийдирир, бирин кеси киер.
- Нёгерсизни джолу узун.
- Агъач халкъгъа алтынды, иссиликге салкъынды.
- Окъугъан озар, окъумагъан тозар.
- Билимли ёлмез, билимсиз кёрмез.
- Нарт сёз – тилни бети.
- Тил – кесген бычакъ, сёз – атылгъан окъ.
- Сыфатында болмагъаны, суратында болмаз.
- Тели турса – той бузар.
- Байлыкъ келсе, акъыл кетер.
- Кёзюнде тереги болгъан, чёбю болгъаннга кюле эди.
- Адамгъа аман кюн соруб келмейди.
- Бет бетге къараса, бет да джерге къарар.
- Эли джокъну – кёлю джокъ.
- Хоншуну тауугъу къаз кёрюнюр, келини къыз кёрюнюр.
- Аман адамны тепсинге олтуртсанг, къызынгы тилер.
- Иги болса, тамадама – махтау, аман болса, меннге – айыб.
- Этим кетсе да, сюегим къалыр.
Ошибка!
Для просмотра темы введите ваши логин и пароль.Пожалуйста, авторизуйтесь: