- Адам сёзге тынгыла, акъыл сёзню ангыла.
- Кёкдеги болмаса, джердегин кёрмейди.
- Халкъны джырын джырласанг, халкъ санга эжиу этер.
- Тил джюрекге джол ишлейди.
- Джылкъыдан – ат чыгъар, тукъумдан – джаш чыгъар.
- Тилсиз миллет джокъ болур.
- Ёпкелегенни ашы татлы болады.
- Аджаллыгъа окъсуз шкок атылыр.
- Тенгни тенглиги джашай барсанг билинир.
- Адебни адебсизден юрен.
- Иги адам абынса да, джангылмаз.
- Аякъларынгы джууургъанынга кёре узат.
- Уллу айтханны этмеген – уллаймаз.
- Аманнга алтын чыдамаз.
- Адам боллукъ, атламындан белгили болур.
- Эски джаугъа ышанма.
- Этек чакъмакълары баш джаргъан, сёлешген сёзлери таш джаргъан.
- Намысы джокъну – дуниясы джокъ.
- Эринчекге кюн узун.
- Мухар, кеси тойса да, кёзю тоймаз.
- Баш болса, бёрк табылыр.
- Джигер – джаннга къыйынлыкъ.
- Джетген къыз джерли эшекни танымаз.
- Сабий кёргенин унутмаз.
- Къралынгы – душмандан, башынгы от бла суудан сакъла.
- Чомартха хар кюн да байрамды.
- Ойнай билмеген, уруб къачар.
- Айырылгъанланы айю ашар, бёлюннгенлени бёрю ашар.
- Ашаса, ашамаса да, бёрюню ауузу – къан.
- Магъанасыз сёз – тауушсуз сыбызгъы.
- Халкъны юйю – туугъан джери.
- Туз, гырджын аша, тюзлюк бла джаша.
- Билмейме деген – бир сёз
- Башы джабылгъан челекге, кир тюшмез.
- Ач – эснер, ат – кишнер.
- Джахил болса анасы, не билликди баласы?
- Баргъанынга кёре болур келгенинг.
- Ойнаб айтсанг да, эслеб айт.
- Бёрю да ач къалмасын, эчки да ашалмасын.
- Чабакъгъа акъыл, табагъа тюшсе келеди.
- Къазанны башы ачыкъ болса, итге уят керекди.
- Тил бла келеди джыр да.
- Шапа кёб болса, аш татымсыз болур.
- Акъыллы айтыр эди, акъылсыз къоймайды.
- Мухардан ач ычхынмаз.
- Рысхы – сют юсюнде кёмюк кибикди.
- Биреу къой излей, биреу той излей.
- Уллу сёзде уят джокъ.
- Суугъа – чабакъ, къаягъа – ыргъакъ.
- Чыбыкълыкъда бюгюлмеген, къазыкълыкъда бюгюлмей эди.
Ошибка!
Для просмотра темы введите ваши логин и пароль.Пожалуйста, авторизуйтесь: