- Азыкъ аз болса, эртде орун сал.
- Къыз келсе, джумуш эте келеди, къатын келсе, ушакъ эте келеди.
- Биреуню тёрюнден, кесинги эшик артынг игиди.
- Уллу айтханны этмеген – уллаймаз.
- Тамчы таш тешер.
- Келлик заман – къартлыкъ келтирир, кетген заман – джашлыкъ ёлтюрюр.
- Ауурну тюбю бла, дженгилни башы бла джюрюген.
- Аджашхан тёгерек айланыр.
- Кенгеш болса, уруш болмаз.
- Акъыллы эркиши атын махтар, акъылсыз эркиши къатынын махтар.
- Бойнуму джети джерден кессенг да, мен ол ишни этеллик тюлме.
- Джашлыкъ этмеген, башлыкъ этмез.
- Адам туугъан джеринде, ит тойгъан джеринде.
- Юре билмеген ит, къонакъ келтирир.
- Джолда аягъынга сакъ бол, ушакъда тилинге сакъ бол.
- Адеб этмеген, адеб кёрмез.
- Эл ауузу – элия.
- Мал тутхан – май джалар.
- Телиге от эт десенг, юйюнге от салыр.
- Кесине гебен этелмеген, биреуге черен эте эди.
- Тёзгеннге, джабылгъан эшик ачылыр.
- Ёлмесенг да, къарт дамы болмазса?
- Кёбню кёрген – кёб билир.
- Ашхы сёз таш тешер.
- Дуния малгъа сатылма, кесингден телиге къатылма.
- Эки итни арасына сюек атма, эки адамны арасында сёз чыгъарма.
- Аманнга игилик этсенг, юйюнге сау бармазса.
- Джарлы джети элни сёзюн этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Зарда марда джокъ.
- Чабакъ башындан чирийди.
- Къалгъан ишге къар джауар.
- Байны оноуу, джарлыгъа джарамаз.
- Биреу къой излей, биреу той излей.
- Аман адам этегингден тутса, кес да къач.
- Ач келгенни – тойдур, кеч келгенни – къондур.
- Эски джаугъа ышанма.
- Джыгъылгъанны сырты джерден тоймаз.
- Аджаллыгъа окъсуз шкок атылыр.
- Аллахдан тилесенг, кёб тиле.
- Эринчекге кюн узун.
- Огъурлуну сёзю – суу, огъурсузну сёзю – уу.
- Къолу уллу – асыу, аягъы уллу – джарсыу.
- Иги сеники эсе да, сюйген кесимикин этеме.
- Байлыкъдан саулукъ ашхыды.
- Къызгъанчдан ычхыныр, мухардан ычхынмаз.
- Аман адамны тепсинге олтуртсанг, къызынгы тилер.
- Тёрде – темир таякълы, къаяда – чыпчыкъ аякълы.
- Ата Джуртун танымагъан, атасын да танымаз.
- Къралынгы – душмандан, башынгы от бла суудан сакъла.
Ошибка!
Для просмотра темы введите ваши логин и пароль.Пожалуйста, авторизуйтесь: