- Ёлген ийнек сютлю болур.
- Къызбайны юйюне дери сюрсенг, батыр болур.
- Огъурлуну сёзю – суу, огъурсузну сёзю – уу.
- Сютню башын джалагъан къутулур, тюбюн ичген тутулур.
- Сакъламагъан затынга джолукъсанг, не бек къууанаса, не бек ачыйса.
- Зар адам ашынгы ашар, кесинги сатар.
- Юйлю уругъа ит чабмаз.
- Сууда джау джокъ, кёб сёзде магъана джокъ.
- Асхат ашлыкъ сата, юйдегиси ачдан къата.
- Халкъгъа джарагъан, джарлы къалмаз.
- Алтыннга тот къонмаз.
- Накъырданы арты керти болур.
- Сибиртки да сыйлы болду, кюрек да кюнлю болду.
- Эркиши – от, тиширыу – суу.
- Сормай – алма, чакъырылмай – барма.
- Къуру гыбыт бек дыгъырдар.
- Урунуу – насыбны анасы.
- Суугъа – таянма, джаугъа – ийнанма.
- Чёбню кёлтюрсенг, тюбюнден сёз чыгъар.
- Къайтырыкъ эшигинги, къаты уруб чыкъма.
- Гыдай эчки суугъа къараб, мюйюзле кёрмесе, джашма алкъын, дегенди.
- Къая джолда джортма, ачыкъ сёзден къоркъма.
- Дженгил джетерикме деб, узун джолну къоюб, къысхасын барма.
- Сёз садакъдан кючлюдю.
- Таугъа чыгъаллыкъ эсенг, тюзде къалма.
- Окъдан джара эртде-кеч болса да бителир, сёз джара, ёмюрге къалыр.
- Атлыны кёрсе, джаяуну буту талыр.
- Ауузу аманнга «иги», деме.
- Уллу атлама – абынырса, уллу къабма – къарылырса.
- Таукел тауну аудурур.
- Ашхы атаны – джашы ашхы, ашхы ананы – къызы ашхы.
- Келгинчи, къонакъ уялыр, келгенден сора, къонакъбай уялыр.
- Садакъачыны джаны – къапчыгъында.
- Зар адамны насыбы болмаз.
- Танг атмайма десе да, кюн къоярыкъ тюйюлдю.
- Эл ауузу – элия.
- Билим насыб берир, билим джолну керир.
- Ойнай билмеген, оюн бузар.
- Джарлы джети элни сёзюн этер.
- Ишни ахырын ойламай, аллын башлама.
- Башынга джетмегенни сорма.
- Аш хазыр болса, иш харам болур.
- Акъыллы айтыр эди, акъылсыз къоймайды.
- Башы ишлегенни, ауузу да ишлер.
- Адамны сыфатына къарама, сёзюне къара.
- Мал кёб болса, джууукъ кёб болур.
- Рысхысына кёре, джаш ёсер, къышлыгъына кёре, мал ёсер.
- Къарыусузгъа кюлме, онгсузгъа тийме.
- Айтханы чапыракъдан ётмеген.
- Къайгъыны сюйген, къайгъы табар.
Ошибка!
Для просмотра темы введите ваши логин и пароль.Пожалуйста, авторизуйтесь: