- Тюзлюк шохлукъну бегитир.
- Байлыкъ болгъан джерде, тынчлыкъ джокъду.
- Айтылгъан сёз ызына къайтмаз.
- Къарнынг бла ёч алма.
- Сибиртки да сыйлы болду, кюрек да кюнлю болду.
- Джолунга кёре – джюрюшюнг, джагъанга кёре – юлюшюнг.
- Таукел адам тау тешер.
- Билимден уллу байлыкъ джокъду.
- Ашхылыкъ джерде джатмайды, аманлыкъ суугъа батмайды.
- Эл элде бирер малынг болгъандан эсе, бирер тенгинг болсун.
- Керти сёзге тёре джокъ.
- Нарт сёз къарт болмаз.
- Хар ишни да аллы къыйынды.
- Байма, деб да, къууанма, джарлыма, деб да, джылама.
- Таякъ этден ётер, тил сюекден ётер.
- Аз сёлешген, къайгъысыз турур.
- Къолу уллу – асыу, аягъы уллу – джарсыу.
- Тик ёргени, тик энгишгеси да болады.
- Чабакъсыз кёлге къармакъ салгъанлыкъгъа, чабакъ тутмазса.
- Ашхы – джыяр, аман – джояр.
- Насыблы элин сюер, насыбсыз кесин сюер.
- Эллинг бла джау болсанг да, юйюнг бла джау болма.
- Сютден ауузу кюйген, суугъа юфгюре эди.
- Эрни эр этерик да, къара джер этерик да, тиширыуду.
- Рысхы джалгъанды: келген да этер, кетген да этер.
- Къарнынг къанлынга кийирир.
- Аман киши кеси юйюнде – къонакъ.
- Эл тойса, тоймагъан, эл къойса, къоймагъан.
- Экиндини кеч къылсанг, чабыб джетер ашхам.
- Битмегеннге сакъал – танг.
- Къонагъынгы артмагъын алма да, алгъышын ал.
- От этилмеген джерден тютюн чыкъмайды.
- Тыш элде солтан болгъандан эсе, кесинги элде олтан болгъан игиди!
- Башланнган иш битер, къымылдагъан тиш тюшер.
- Арпа, будай – ащды, алтын, кюмюш а – ташды.
- Чыбыкълыкъда бюгюлмеген, къазыкълыкъда бюгюлмей эди.
- Чакъырылмагъан къонакъ тёрге атламаз.
- Къыз келсе, джумуш эте келеди, къатын келсе, ушакъ эте келеди.
- Ишленмеген джаш – джюгенсиз ат, ишленмеген къыз – тузсуз хант.
- Джолда аягъынга сакъ бол, ушакъда тилинге сакъ бол.
- Ишни ахырын ойламай, аллын башлама.
- Арбаз къынгырды да, ийнек сауалмайма.
- Байлыкъ адамны сокъур этер.
- Кенгеш болса, уруш болмаз.
- Ариу сёз джыланны орнундан чыгъарыр.
- Окъ къызбайны джокълайды.
- Сакъ юйюне сау барыр.
- Акъыллы – эл иеси, тели – эл баласы.
- Окъумагъан сокъурду, сокъур ташха абыныр!
- Гугук кесини атын айтыб къычыргъанча, мен, мен деб нек тураса?
Ошибка!
Для просмотра темы введите ваши логин и пароль.Пожалуйста, авторизуйтесь: