- Азыгъы аз, алгъа къабар, аты аман, алгъа чабар.
- Къалгъан ишге къар джауар.
- Башынга джетмегенни сорма.
- Ариу сёз – къылычдан джити.
- Ана – юйню кюн джарыгъы.
- Ёзденликни кёбю ётюрюк.
- Атлыны кёрсе, джаяуну буту талыр.
- Чомартха Тейри да борчлуду.
- Хаухну атма, ёнгкючню сатма.
- Кеси юйюмде мен да ханма.
- Къуллукъчума, деб махтанма, къуллукъ – хаух джамчыды!
- Къайгъыны сюйген, къайгъы табар.
- Къатын байлыкъны сюер, эр саулукъну сюер.
- Къулакъдан эсе, кёзге ышан.
- Татлы тилде – сёз ариу, чемер къолда – иш ариу.
- Аман адам этегингден тутса, кес да къач.
- Ач отунчуну ачыуу – бурнунда.
- Башы джабылгъан челекге, кир тюшмез.
- Аджашхан тёгерек айланыр.
- Эли джокъну – кёлю джокъ.
- Къартны бурнун сюрт да, оноугъа тут.
- Кёзюнде тереги болгъан, чёбю болгъаннга кюле эди.
- Тюзню ётмеги тюзде къалса да, тас болмаз.
- Итли къонакъ джарашмаз.
- Эм ашхы къайын ана мамукъ бла башынгы тешер.
- Ёлюк кебинсиз къалмаз.
- Ачны эсинде – аш.
- Къумурсхала джыйылсала, пилни да джыгъадыла.
- Билимсиз иш бармаз.
- Арба аугъандан сора, джол кёргюзтюучю кёб болур.
- Айтылгъан буйрукъ, сёгюлмез
- Айранын берсенг, челегин да къызгъанма.
- Къонагъы джокъну – шоху джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Къобан да къуру да къобханлай турмайды, адам да къуру да патчахлай турмайды.
- Ач къалгъандан, кеч къалгъан къолай.
- Биреуге аманлыкъны тилеме да, кесинге ашхылыкъны тиле.
- Джаш болсун, къыз болсун, акъылы, саны тюз болсун.
- Чалманны аллы къалай башланса, арты да алай барады.
- Джюрекден джюрекге джол барды.
- Хата – гитчеден.
- Бозаны арты дауур болур.
- Тамбла алтындан бюгюн багъыр ашхы.
- Адамны аманы адамны бети бла ойнар.
- Ат да турмайды бир териде.
- Босагъа таш юйге кирмей эди, тыбыр таш эшикге чыкъмай эди.
- Башланнган иш битер, къымылдагъан тиш тюшер.
- Чакъырылмай келген къонакъ сыйланмай кетер.
- Джангыз торгъай джырламаз.
- Джол бла сёзню къыйыры джокъ.
Ошибка!
Для просмотра темы введите ваши логин и пароль.Пожалуйста, авторизуйтесь: