- Иги адам абынса да, джангылмаз.
- Кёзню ачылгъаны – иги, ауузну джабылгъаны – иги.
- Азыкъ аз болса, эртде орун сал.
- Байлыкъ тауусулур, билим тауусулмаз.
- Биреу къой излей, биреу той излей.
- Хата – гитчеден.
- Малны кют, джерни тюрт.
- Ёзденликни кёбю ётюрюк.
- Джумушакъ терекни къурт ашар.
- Ариу сёзде ауруу джокъ.
- Джаш болсун, къыз болсун, акъылы, саны тюз болсун.
- Къарын къуру болса, джюрек уру болур.
- Къарнынг бла ёч алма.
- Аш хазыр болса, иш харам болур.
- Тилсиз миллет джокъ болур.
- Билими азны – ауузунда кирит.
- Нёгер болсанг, тенг бол, тенг болмасанг, кенг бол.
- Аманны эки битли тону болур, бирин сеннге кийдирир, бирин кеси киер.
- Джюрекге ариу – кёзге да ариу.
- Элге къуллукъ этмеген, элге ие болмаз.
- Къызны минг тилер, бир алыр.
- Бозаны арты дауур болур.
- Сагъыш – къартлыкъгъа сюйюмчю.
- Ётюрюкню башын керти кесер.
- Къарт айтханны этмеген, къартаймаз.
- Къонакъны къачан кетерин сорма, къачан келлигин сор.
- Окъугъан – асыу, окъумагъан – джарсыу.
- Аман къатын сабий табса, бий болур…
- Абынмазлыкъ аякъ джокъ, джангылмазлыкъ джаякъ джокъ.
- Бети бедерден, намыс сакълама.
- Кийим тукъум сордурур.
- Ишленмеклик адамлыкъды.
- Тил джюрекге джол ишлейди.
- Эри аманны, къатыны – аман.
- Сагъышы джокъ – джукъучу, акъылы джокъ – къаугъачы.
- Хансыз джомакъ болмаз.
- Эте билген, этген этеди, эте билмеген, юретген этеди!
- Халкъны джырын джырласанг, халкъ санга эжиу этер.
- Тойгъан джерден туугъан джер игиди.
- Ана къолу ачытмаз.
- Къайтырыкъ эшигинги, къаты уруб чыкъма.
- Танг атмайма десе да, кюн къоярыкъ тюйюлдю.
- Бастасын ашагъан, хантусун да ичер.
- Айтхан – тынч, этген – къыйын.
- Ашда уялгъан – мухар, ишде уялгъан – хомух.
- Дууулдаса – бал чибин, къонса – къара чибин.
- Иги джашны ышаны – аз сёлешиб, кёб тынгылар.
- Хантына кёре тузу, юйюне кёре къызы.
- Урама да – ёледи, сатама да – келеди.
- Къалгъан ишге къар джауар.
Ошибка!
Для просмотра темы введите ваши логин и пароль.Пожалуйста, авторизуйтесь: