- Ашыкъгъан cуу, тенгизге джетмез.
- Таукел адам тау тешер.
- Къазанчы аман болса, къазаны къайнамаз.
- Мени джылытмагъан кюн, меннге тиймесин!
- Джаз бир кюнню джатсанг, къыш талай кюнню абынырса.
- Эки къатын алгъан – эки ташны ортасына башын салгъан.
- Алим болгъандан эсе, адам болгъан къыйынды.
- Тик ёргени, тик энгишгеси да болады.
- Туз, гырджын аша, тюзлюк бла джаша.
- Айтылгъан сёз ызына къайтмаз.
- Ариу сёз – джаннга азыкъ, аман сёз – башха къазыкъ.
- Байлыкъ келсе, акъыл кетер.
- Тамырсыз терекге таянма – джыгъылырса.
- Джарлы джети элни сёзюн этер.
- Къралынгы – душмандан, башынгы от бла суудан сакъла.
- Джаным-тиним – окъуу, билим.
- Джарлы тюеге минсе да, ит къабар.
- Шайтан алдады, тюзлюк къаргъады.
- Накъырда – кертини келечиси.
- Джашны джигитлиги сорулур, къызны джигерлиги сорулур.
- Гыдай эчки суугъа къараб, мюйюзле кёрмесе, джашма алкъын, дегенди.
- Къонакъ болсанг, ийнакъ бол.
- Тас болгъан бычакъны сабы – алтын.
- Чомартха Тейри да борчлуду.
- Къайтырыкъ эшигинги, къаты уруб чыкъма.
- Намыс сатылыб алынмайды.
- Терек ауса, отунчу – кёб.
- Билим къая тешер.
- Ата Джуртча джер болмаз, туугъан элча эл болмаз.
- Башда акъыл болмаса, эки аякъгъа кюч джетер.
- Иги сёз – джаннга азыкъ, аман сёз башха – къазыкъ.
- Къарнынг бла ёч алма.
- Айырылгъанланы айю ашар, бёлюннгенлени бёрю ашар.
- Айран ичген – къутулду, джугъусун джалагъан – тутулду.
- Тыш элде солтан болгъандан эсе, кесинги элде олтан болгъан игиди!
- Ашын ашагъанынгы, башын да сыйла.
- Мухар, кеси тойса да, кёзю тоймаз.
- Ач бёрюге мекям джокъ.
- Намысы болмагъанны, сыйы болмаз.
- Окъуусуз билим – джокъ, билимсиз кюнюнг – джокъ.
- Къарт бла баш аша, джаш бла аякъ аша.
- Адамны артындан къара сабан сюрме.
- Магъанасыз сёз – тауушсуз сыбызгъы.
- Ач келгенни – тойдур, кеч келгенни – къондур.
- Джырчы ёлсе, джыры къалыр.
- Аман адамны тепсинге олтуртсанг, къызынгы тилер.
- Джашлыкъ этмеген, башлыкъ этмез.
- Биреуге аманлыкъ этиб, кесинге игилик табмазса.
- Ашхы болсанг, атынг чыгъар, аман болсанг, джанынг чыгъар.
- Сакъламагъан затынга джолукъсанг, не бек къууанаса, не бек ачыйса.
Ошибка!
Для просмотра темы введите ваши логин и пароль.Пожалуйста, авторизуйтесь: