- Билими азны – ауузунда кирит.
- Байлыкъдан саулукъ ашхыды.
- Ишге юренсин къоллары, халкъ бла болсун джоллары.
- Чомартха хар кюн да байрамды.
- Арба аугъандан сора, джол кёргюзтюучю кёб болур.
- Къарнынг къанлынга кийирир.
- Акъыллы айтыр эди, акъылсыз къоймайды.
- Керти сёзге тёре джокъ.
- Ариу сёзде ауруу джокъ.
- Джумушакъ терекни къурт ашар.
- Ачыу алгъа келсе, акъыл артха къалады.
- Бюгюн дуния кибик, тамбла ахыратды.
- Ат басханны джер билед.
- Гугук кесини атын айтыб къычыргъанча, мен, мен деб нек тураса?
- Ашатыргъа иш – ашхы, ишлетирге аш – ашхы.
- Атлыны кёрсе, джаяуну буту талыр.
- Берекет берсин деген джерде, берекет болур.
- Сабий болмагъан джерде, мёлек болмаз.
- Баргъанынга кёре болур келгенинг.
- Керек ташны ауурлугъу джокъ.
- Ёпкелегенни ашы татлы болады.
- Ауругъаннга – кийик саулукъ, джетген къызгъа – чилле джаулукъ.
- Къартха ушагъан джаш – акъыллы, джашха ушагъан къарт – тели.
- Джылкъыдан – ат чыгъар, тукъумдан – джаш чыгъар.
- Башы ишлегенни, ауузу да ишлер.
- Огъурлуну сёзю – суу, огъурсузну сёзю – уу.
- Телини эшигин, махтау джабар.
- Ургъан суудан башынгы сакъла.
- Къарны аманнга къазан такъдырма, къолу аманнга от джакъдырма.
- Малны кют, джерни тюрт.
- Аджаллыгъа окъсуз шкок атылыр.
- Аман адамны тепсинге олтуртсанг, къызынгы тилер.
- Иги сеники эсе да, сюйген кесимикин этеме.
- Аллахха ийнаннган кишини, Аллах онгдурур ишин.
- Окъугъанны бети джарыкъ.
- Тойгъа алгъа да барма, тойда артха да къалма.
- Аманны тукъумуна къарама, игини тукъумун сорма.
- Джаным-тиним – окъуу, билим.
- Джюрекге ариу – кёзге да ариу.
- Терслик кетер, тюзлюк джетер.
- Аман киши кеси юйюнде – къонакъ.
- Мал кёб болса, джууукъ кёб болур.
- Аджашхан тёгерек айланыр.
- Эл ауузу – элия.
- Ана – юйню кюн джарыгъы.
- Уясында не кёрсе, учханында аны этер.
- Айыбны суу бла джууалмазса.
- Къартны бурнун сюрт да, оноугъа тут.
- Ойнай билмеген, оюн бузар.
- Сакъалы текени да бар, мыйыгъы киштикни да бар.
Ошибка!
Для просмотра темы введите ваши логин и пароль.Пожалуйста, авторизуйтесь: