- Агъач халкъгъа алтынды, иссиликге салкъынды.
- Иги сёз – джаннга азыкъ, аман сёз башха – къазыкъ.
- Джыланны къуйругъундан басарынг келсе, аны башы болгъанын унутма.
- Байлыкъ болгъан джерде, тынчлыкъ джокъду.
- Ашыкъгъан cуу, тенгизге джетмез.
- Бозаны арты дауур болур.
- Дуния мал дунияда къалады.
- Суугъа – чабакъ, къаягъа – ыргъакъ.
- Гырджын – тепсини тамадасы.
- Эл элде бирер малынг болгъандан эсе, бирер тенгинг болсун.
- Билеги кючлю, бирни джыгъар, билими кючлю, мингни джыгъар.
- Бек ашыкъгъан меннге джетсин, дегенди аракъы.
- Ишин билген, аны сыйын чыгъарады.
- Тешик этген тынчды, аны джамагъан къыйынды.
- Къан бла кирген, джан бла чыгъар.
- Тура эдим джата, къайдан чыкъды хата?
- Орундукъ тюбюнде атылсам да, орта джиликме, де да айлан.
- Къууут – джелге, берне – бошха.
- Биреуню къыйынлыгъы бла кесинге джол ишлеме.
- Дуния аламаты сен эсенг да, игиме деб айтма.
- Айраннга суу къош, телиге джол бош.
- Аман киши кеси юйюнде – къонакъ.
- Намысы болмагъанны, сыйы болмаз.
- Сабийни джумушха джибер да, ызындан бар.
- Джахил болса анасы, не билликди баласы?
- Ауругъанны сау билмез, ач къарынны токъ билмез.
- Ачлыкъ отха секиртир.
- Ёлген эшек бёрюден къоркъмайды.
- Ата Джуртуму башы болмасам да, босагъасында ташы болайым.
- Ким бла джюрюсенг, аны кёзю бла кёрюнюрсе.
- Ойнай билмеген, оюн бузар.
- Бал – татлы, балдан да бала – татлы.
- Джылар джаш, атасыны сакъалы бла ойнар.
- Къартны сыйын кёрмеген, къартлыгъында сыйлы болмаз.
- Билимден уллу байлыкъ джокъду.
- Билген билмегенни юретген адетди.
- Тамчы таш тешер.
- Адам сёзге тынгыла, акъыл сёзню ангыла.
- Тёрде – темир таякълы, къаяда – чыпчыкъ аякълы.
- Джюрекден джюрекге джол барды.
- Джаш болсун, къыз болсун, акъылы, саны тюз болсун.
- Хоншуну тауугъу къаз кёрюнюр, келини къыз кёрюнюр.
- Эл ауузу – элек, анга ийнаннган – халек.
- Иги болса, тамадама – махтау, аман болса, меннге – айыб.
- Азыкълы ат арымаз, къатыны аман джарымаз.
- Ат басханны джер билед.
- Тилчи тилден къаныкъмаз.
- Тойгъан антын унутур.
- Артына баргъанны, къатына барма.
- Кюн кёрмеген, кюн кёрсе, кюндюз чыракъ джандырыр.
Ошибка!
Для просмотра темы введите ваши логин и пароль.Пожалуйста, авторизуйтесь: