- Адам туугъан джеринде, ит тойгъан джеринде.
- Накъырда – кертини келечиси.
- Эртде тургъан бла эртде юйленнген сокъуранмаз.
- Ач да бол, токъ да бол – намысынга бек бол.
- Мал кёб болса, джууукъ кёб болур.
- Билген билмегенни юретген адетди.
- Ачылгъан эт джабылыр, кёрген кёз унутмаз.
- Ёлмесенг да, къарт дамы болмазса?
- Аман адам элни бир-бирине джау этер.
- Кёзню ачылгъаны – иги, ауузну джабылгъаны – иги.
- Дуния аламаты сен эсенг да, игиме деб айтма.
- От кюйдюрген, сау болса да, тот кюйдюрген, сау болмаз.
- Кёлсюзден сёзсюз тууар.
- Тура эдим джата, къайдан чыкъды хата?
- Тай асырагъан, атха минер.
- Ана – юйню кюн джарыгъы.
- Чомарт къонакъ юй иесин сыйлар.
- Ишленмеген джаш – джюгенсиз ат, ишленмеген къыз – тузсуз хант.
- Уллу атлама – абынырса, уллу къабма – къарылырса.
- Суу да къайтады чыкъгъан джерине.
- Татлы сёз – балдан татлы.
- Айыбны суу бла джууалмазса.
- Ариу сёз джыланны орнундан чыгъарыр.
- Джогъун бар этген, барын бал этген.
- Уруну арты – къуру.
- Садакъачыны джаны – къапчыгъында.
- «Ма», - дегенни билмесенг, «бер», - дегенни билмезсе.
- Айтылгъан сёз ызына къайтмаз.
- Таукел адам тау тешер.
- Тойгъа алгъа да барма, тойда артха да къалма.
- Хантына кёре тузу, юйюне кёре къызы.
- Айырылгъанланы айю ашар, бёлюннгенлени бёрю ашар.
- Керилген да, ургъан кибикди.
- Ханнга да келеди хариблик.
- Мен да «сен», дейме, сен да «кесим», дейсе.
- Чабакъсыз кёлге къармакъ салгъанлыкъгъа, чабакъ тутмазса.
- Ишин билген, аны сыйын чыгъарады.
- Аманнга да, игиге да оноусуз къатышма.
- «Ёгюз, джаргъа джууукъ барма, меннге джюк боллукъса», - дегенди эшек.
- Къулакъдан эсе, кёзге ышан.
- Джыгъылгъанны сырты джерден тоймаз.
- Тау башында, тау болмаз, джангыз терек, бау болмаз.
- Акъыл сабырлыкъ берир.
- Элиб деген, элге болушур.
- Джолунга кёре – джюрюшюнг, джагъанга кёре – юлюшюнг.
- Ётюрюкню къуйругъу – бир тутум.
- Азыкъ аз болса, эртде орун сал.
- Къая джолда джортма, ачыкъ сёзден къоркъма.
- Байдан умут эте, джарлыдан ёгюз багъасы къорады.
- Къарын къуру болса, джюрек уру болур.
Ошибка!
Для просмотра темы введите ваши логин и пароль.Пожалуйста, авторизуйтесь: