- Къонагъы джокъну – шоху джокъ.
- Аджашхан тёгерек айланыр.
- Ата Джуртуму башы болмасам да, босагъасында ташы болайым.
- Кюн – узун, ёмюр – къысха.
- Баш болса, бёрк табылыр.
- Айтханы чапыракъдан ётмеген.
- Кёлсюзден сёзсюз тууар.
- Уллу къазанда бишген эт, чий къалмаз.
- Айтылгъан сёз ызына къайтмаз.
- Намысы джокъну – дуниясы джокъ.
- Къууут – джелге, берне – бошха.
- Накъырданы арты керти болур.
- Хар сёзню орну барды.
- Кютгени беш эчки, сызгъыргъаны уа, джерни джарады.
- Эринчекни эр алмаз, эр алса да, кёл салмаз, кёл салса да, кёб бармаз!
- Терслик кетер, тюзлюк джетер.
- Эркишини аманы тиширыуну джылатыр.
- Бозаны арты дауур болур.
- Джол бла сёзню къыйыры джокъ.
- Къарны аманнга къазан такъдырма, къолу аманнга от джакъдырма.
- Ишлегенден, къарагъан уста.
- Ёзденликни кёбю ётюрюк.
- Оюмсуз атлагъан, аджалсыз ёлюр.
- Эрни эр этерик да, къара джер этерик да, тиширыуду.
- Джеринден айырылгъан – джети джылар, джуртундан айырылгъан – ёлгюнчю джылар.
- Тюз сёз баргъан сууну тыяр.
- Къонакъ хазыр болгъанлыкъгъа, къонакъбай хазыр тюлдю.
- Кёб къычыргъандан – къоркъма, тынч олтургъандан – къоркъ.
- Кёзю сокъурдан – къоркъма, кёлю сокъурдан – къоркъ.
- Къарт бла баш аша, джаш бла аякъ аша.
- Билимсиз иш бармаз.
- Кесине оноу эте билмеген, халкъына да эте билмез.
- Мен да «сен», дейме, сен да «кесим», дейсе.
- Бир абыннган – минг сюрюнюр.
- Мал тутхан – май джалар.
- Дуния малгъа сатылма, кесингден телиге къатылма.
- Къызын тута билмеген, тул этер, джашын тута билмеген, къул этер.
- Чакъырылмагъан къонакъ тёрге атламаз.
- Тамбла алтындан бюгюн багъыр ашхы.
- Ёлген аслан – сау чычхан.
- Хар зат кесини орнуна иги.
- Эл бла кёргенинг эрелей.
- Чакъырылмагъан джерге барма, чакъырылгъан джерден къалма.
- Ауузу бла къуш тута айланады.
- Эл тойса, тоймагъан, эл къойса, къоймагъан.
- Аууз сакълагъан – джан сакълар.
- Кийимни бичсенг, кенг бич, тар этген къыйын тюлдю.
- Сабий кёргенин унутмаз.
- Таш ата билмеген, башына урур.
- Аманны эки битли тону болур, бирин сеннге кийдирир, бирин кеси киер.
Ошибка!
Для просмотра темы введите ваши логин и пароль.Пожалуйста, авторизуйтесь: