- Хазыр ашха – терен къашыкъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз – кюмюш, джыр – алтын.
- Ауругъаннга – кийик саулукъ, джетген къызгъа – чилле джаулукъ.
- Кёл ашады да, кеси ашады.
- Иги джашны ышаны – аз сёлешиб, кёб тынгылар.
- Ана къойну – балагъа джандет.
- Акъылсызны джууукъгъа алма, акъыллыны кенгнге салма.
- Джарлыны эшигин махтагъан джабар.
- Къарын къуру болса, джюрек уру болур.
- Зар адамны насыбы болмаз.
- Элге къуллукъ этмеген, элге ие болмаз.
- Рысхы – сют юсюнде кёмюк кибикди.
- Атлыны ашхысы, ат тизгининден билинир
- Тойну къарнашы – харс, джырны къарнашы – эжиу.
- Кёб джат да, бек чаб.
- Ишлегенден, къарагъан уста.
- Адеб базарда сатылмаз.
- Ач келгенни – тойдур, кеч келгенни – къондур.
- Ёнгкюч къууана барыр, джылай келир.
- Халкъны джырын джырласанг, халкъ санга эжиу этер.
- Джаш къарыу бла кючлю, къарт акъыл бла кючлю.
- Джырчы джырчыгъа – къарнаш.
- Джумушакъ сёз къаты таякъны сындырыр.
- Ашда уялгъан – мухар, ишде уялгъан – хомух.
- Бети бедерден, намыс сакълама.
- Суу да къайтады чыкъгъан джерине.
- Ашаса, ашамаса да, бёрюню ауузу – къан.
- Аджал соруб келмез, келсе, къайтыб кетмез.
- Чыбыкълыкъда бюгюлмеген, къазыкълыкъда бюгюлмей эди.
- Элни кючю – эмеген.
- Аман эсирсе, юйюн ояр.
- Аманны къуугъан, аманлыкъ табар.
- Итли къонакъ джарашмаз.
- Ата – билек, ана – джюрек!
- Этни бети бла шорпасы.
- Ёлмесенг да, къарт дамы болмазса?
- Чомартны къолу берекет.
- Ханы къызы буюгъа-буюгъа киштик болду.
- Байдан умут эте, джарлыдан ёгюз багъасы къорады.
- Чомарт бергенин айтмаз.
- Джиби бир къат джетмей эди да, эки къат тарта эди.
- Джаралыны джастыгъында сау ёлюр.
- Этек чакъмакълары баш джаргъан, сёлешген сёзлери таш джаргъан.
- Ат басханны джер билед.
- Ауурну тюбю бла, дженгилни башы бла джюрюген.
- Ашда – бёрю, ишде – ёлю.
- Бёрю да ач къалмасын, эчки да ашалмасын.
- Къанны къан бла джуума, аманны аман бла къуума.
- Ауругъан – джашаудан умутчу.
Ошибка!
Для просмотра темы введите ваши логин и пароль.Пожалуйста, авторизуйтесь: