- Тюз сёз баргъан сууну тыяр.
- Ашлыкъ – бюртюкден, джюн – тюкден.
- Артына баргъанны, къатына барма.
- Иги адамны бир сёзю эки болмаз.
- Иги болса, тамадама – махтау, аман болса, меннге – айыб.
- Окъугъан озар, окъумагъан тозар.
- Таш ата билмеген, башына урур.
- Окъугъан – асыу, окъумагъан – джарсыу.
- Билимли ёлмез, билимсиз кёрмез.
- Айранны сюйген, ийнек тутар.
- Окъдан джара эртде-кеч болса да бителир, сёз джара, ёмюрге къалыр.
- Окъугъанны бети джарыкъ.
- Алтыда кюлмеген, алтмышда кюлмез.
- Биреу къой излей, биреу той излей.
- Къобан да къуру да къобханлай турмайды, адам да къуру да патчахлай турмайды.
- Тойгъандан сора, ашны сёкме.
- Ауругъан – джашаудан умутчу.
- Аджалсыз ёлюм болмаз.
- Байдан умут эте, джарлыдан ёгюз багъасы къорады.
- Босагъагъа джууукъ орун болса, ашыгъыб тёрге озма.
- Зарда марда джокъ.
- Окъумагъан сокъурду, сокъур ташха абыныр!
- Кирсизни – саны таза, халалны – къаны таза.
- Джылкъыдан – ат чыгъар, тукъумдан – джаш чыгъар.
- Айыбны суу бла джууалмазса.
- Ётюрюкню къуйругъу – бир тутум.
- Ёлюк кебинсиз къалмаз.
- Къыйынлы джети элни къайгъысын этер.
- Бек ашыкъгъан меннге джетсин, дегенди аракъы.
- Мухар, кеси тойса да, кёзю тоймаз.
- Хоншуну тауугъу къаз кёрюнюр, келини къыз кёрюнюр.
- Гугук кесини атын айтыб къычыргъанча, мен, мен деб нек тураса?
- Хар ишни да аллы къыйынды.
- Адамгъа аман кюн соруб келмейди.
- Халкъгъа джарагъан, джарлы къалмаз.
- Эрине къаргъыш этген къатын, эрнин къабар.
- Къулакъдан эсе, кёзге ышан.
- Иги сёз – джаннга азыкъ, аман сёз башха – къазыкъ.
- Ишленмеген джаш – джюгенсиз ат, ишленмеген къыз – тузсуз хант.
- Кёрмегеннге кебек – танг, битмегеннге сакъал – танг.
- Ариу – кёзге, акъыл – джюрекге.
- Чакъырылмагъан къонакъ къачан кетерин сормаз.
- Дженгил джетерикме деб, узун джолну къоюб, къысхасын барма.
- Аш кетер да бет къалыр.
- Тай асырагъан, атха минер.
- Акъыллы башны – тили къысха.
- Таугъа чыгъаллыкъ эсенг, тюзде къалма.
- Юйюнгден чыкъдынг – кюнюнгден чыкъдынг.
- Кёбге таш атма.
- Аман киши кеси юйюнде – къонакъ.
Ошибка!
Для просмотра темы введите ваши логин и пароль.Пожалуйста, авторизуйтесь: