- Чабакъсыз кёлге къармакъ салгъанлыкъгъа, чабакъ тутмазса.
- Ата джурт – алтын бешик.
- Аман адам элни бир-бирине джау этер.
- Намысы болмагъанны, сыйы болмаз.
- Аманнга алтын чыдамаз.
- Джарашыу сюйген – джалынчакъ.
- Джыйырма къойну юч джыйырма эбзе кюте эди.
- Джюрекден джюрекге джол барды.
- Джаз бир кюнню джатсанг, къыш талай кюнню абынырса.
- Сютню башын джалагъан къутулур, тюбюн ичген тутулур.
- Ашхы адам – халкъ байлыгъы, ашхы джер – джашау байлыгъы.
- Ана къойну – балагъа джандет.
- Джети тилни билген джети кишиди.
- Билмезни кёзю кёрмез, этмезни къулагъы эшитмез.
- Накъырданы арты керти болур.
- Джарлыны тону джаз битер.
- Кийиминг бла танылма, адамлыкъ бла таныл.
- Ёгюзню мюйюзюнден тутадыла, адамны сёзюнден тутадыла.
- Джарлыны эшигин махтагъан джабар.
- Айранын берсенг, челегин да къызгъанма.
- Къонагъы джокъну – шоху джокъ.
- Къонакъ аз олтурур, кёб сынар.
- Тойгъан антын унутур.
- Садакъачыны джаны – къапчыгъында.
- Керилген да, ургъан кибикди.
- Аз айтсам, кёб ангылагъыз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къатыны харакетли болса, эри къымсыз болур.
- Хансыз джомакъ болмаз.
- Биреуге кёлтюрген таягъынг, кесинги башынга урур.
- Айтхан сёзюне табылгъан.
- Ата Джуртча джер болмаз, туугъан элча эл болмаз.
- Ашын ашагъанынгы, башын да сыйла.
- Гугук кесини атын айтыб къычыргъанча, мен, мен деб нек тураса?
- Джюрекге ариу – кёзге да ариу.
- Бал чибинни ургъаны – ачы, балы – татлы.
- Къызгъанчдан ычхыныр, мухардан ычхынмаз.
- Тойну къарнашы – харс, джырны къарнашы – эжиу.
- Байны къызы баймакъ болса да, юйде къалмаз!
- Адам сёзюнден белгили.
- Бети бедерден, намыс сакълама.
- Джаным-тиним – окъуу, билим.
- Акъыл аздырмаз, билим тоздурмаз.
- Мухар, кеси тойса да, кёзю тоймаз.
- Чомарт къонакъ юй иесин сыйлар.
- Тойчу джашха къарама, къойчу джашха къара.
- Шайтан алдады, тюзлюк къаргъады.
- Сабийликде юретмесенг, уллу болса – тюзелмез.
- Тойгъанлыкъ къойгъа джарашады.
- Кёзден кетген, кёлден да кетеди.
Ошибка!
Для просмотра темы введите ваши логин и пароль.Пожалуйста, авторизуйтесь: