- Аш хазыр болса, иш харам болур.
- Къралынгы – душмандан, башынгы от бла суудан сакъла.
- Ана къолу ачытмаз.
- Къартны сыйын кёрмеген, къартлыгъында сыйлы болмаз.
- Окъугъанны бети джарыкъ.
- Кёб джашагъан – кёб билир.
- Таш бла ургъанны, аш бла ур.
- Ёнгкюч къууана барыр, джылай келир.
- Хаухну атма, ёнгкючню сатма.
- Агъач – джерни чырайы, кийим – эрни чырайы.
- Джаш къарыу бла кючлю, къарт акъыл бла кючлю.
- Билимсиз иш бармаз.
- Сакъламагъан затынга джолукъсанг, не бек къууанаса, не бек ачыйса.
- Терслик кетер, тюзлюк джетер.
- Ачыу алгъа келсе, акъыл артха къалады.
- Билим къая тешер.
- Кюн кёрмеген, кюн кёрсе, кюндюз чыракъ джандырыр.
- Кёз – сюйген джерде, къол – ауругъан джерде.
- Ата Джуртун танымагъан, атасын да танымаз.
- Кёпюр салгъан кеси ётер, уру къазгъан кеси кетер.
- Татлы сёз – балдан татлы.
- Алгъанда – джууукъ, бергенде – джау.
- Тёрдеги кюлсе, эшикдеги ышарыр.
- Эл ауузу – элек, анга ийнаннган – халек.
- Чарсда алчыны эл кёреди.
- Юйюнг бла джау болгъандан эсе, элинг бла джау бол.
- Къолунгдан къуймакъ ашатсанг да, атаны борчундан къутулмазса.
- Тин – байлыгъынг, терен саулугъунг.
- Къайгъыны сюйген, къайгъы табар.
- Тойгъан джерге джети къайт.
- Ишлегенде эринме, ишде чолакъ кёрюнме.
- Джылыгъа джылан илешир.
- Кимни – тили, тиши онглу, кимни – къолу, иши онглу.
- Тенги кёбню джау алмаз, акъылы кёбню дау алмаз.
- Ауурну тюбю бла, дженгилни башы бла джюрюген.
- Ат басханны джер билед.
- Чабакъсыз кёлге къармакъ салгъанлыкъгъа, чабакъ тутмазса.
- «Ёгюз, джаргъа джууукъ барма, меннге джюк боллукъса», - дегенди эшек.
- Джылкъыдан – ат чыгъар, тукъумдан – джаш чыгъар.
- Чакъырылмагъан къонакъ – орунсуз.
- Джырчы джырчыгъа – къарнаш.
- Таякъ этден ётер, тил сюекден ётер.
- Ачлыкъ отха секиртир.
- Джахил болса анасы, не билликди баласы?
- Билеги кючлю, бирни джыгъар, билими кючлю, мингни джыгъар.
- Къонакъ аман болса, къонакъбай джунчур
- Байлыкъдан саулукъ ашхыды.
- Ёлюк кебинсиз къалмаз.
- Билим насыб берир, билим джолну керир.
- Ач – эснер, ат – кишнер.
Ошибка!
Для просмотра темы введите ваши логин и пароль.Пожалуйста, авторизуйтесь: