- Къонакъ аз олтурур, кёб сынар.
- Накъырда – кертини келечиси.
- Алтыда кюлмеген, алтмышда кюлмез.
- Кирсизни – саны таза, халалны – къаны таза.
- Ариу сёзде ауруу джокъ.
- Таугъа чыгъаллыкъ эсенг, тюзде къалма.
- Тёрдеги кюлсе, эшикдеги ышарыр.
- Ашхы сёз таш тешер.
- Юйлю уругъа ит чабмаз.
- Ёлмесенг да, къарт дамы болмазса?
- Ичимден чыкъды хата, къайры барайым сата?
- Къатын байлыкъны сюер, эр саулукъну сюер.
- Бермеген къол, алмайды.
- Бир абыннган – минг сюрюнюр.
- Ач, тоймам, дейди, тойгъан, ач болмам, дейди.
- Аманны тукъумуна къарама, игини тукъумун сорма.
- Джети тилни билген джети кишиди.
- Итли къонакъ джарашмаз.
- Алгъанда – джууукъ, бергенде – джау.
- Билеги кючлю, бирни джыгъар, билими кючлю, мингни джыгъар.
- Ата Джуртча джер болмаз, туугъан элча эл болмаз.
- Билген билмегенни юретген адетди.
- Джарлыны эшигин махтагъан джабар.
- Илму – джашауну джолу.
- Кийим тукъум сордурур.
- Сёз къанатсыз учар.
- Окъугъан – асыу, окъумагъан – джарсыу.
- Къар – келтирди, суу – элтди.
- Джырчы джырчыгъа – къарнаш.
- Aдам боллукъ, сыфатындан белгили.
- Бал чибинни ургъаны – ачы, балы – татлы.
- Нёгер болсанг, тенг бол, тенг болмасанг, кенг бол.
- Ата Джуртуму башы болмасам да, босагъасында ташы болайым.
- Джумушакъ сёз къаты таякъны сындырыр.
- Туз, гырджын аша, тюзлюк бла джаша.
- Къарын къуру болса, джюрек уру болур.
- Къонакъ болсанг, ийнакъ бол.
- Адеб этмеген, адеб кёрмез.
- Биреуню эскиси биреуге джангы болмайды.
- Къайтырыкъ эшигинги, къаты уруб чыкъма.
- Кёлсюзден сёзсюз тууар.
- Ойнаб айтсанг да, эслеб айт.
- Адамны сабийин сюйген джюреги, бычакъча, джитиди.
- Бети къызарыучу адамны, джюреги харам болмаз.
- Дженгил джетерикме деб, узун джолну къоюб, къысхасын барма.
- Байны оноуу, джарлыгъа джарамаз.
- Чакъырылмагъан джерге барма, чакъырылгъан джерден къалма.
- Мухарны эси – ашарыкъда.
- Гырджын – тепсини тамадасы.
- Душманны тышы – акъ, ичи – къара.
Ошибка!
Для просмотра темы введите ваши логин и пароль.Пожалуйста, авторизуйтесь: