- Кёбню кёрген – кёб билир.
- Узун джолну барсанг, бюгюн келирсе, къысха джолну барсанг, тамбла келирсе.
- Джарашыу сюйген – джалынчакъ.
- Чалманны аллы къалай башланса, арты да алай барады.
- Элде адам къалмаса, ит тахтагъа минер.
- Джыланны къуйругъундан басарынг келсе, аны башы болгъанын унутма.
- Атынг аманнга чыкъгъандан эсе, джанынг тамагъынгдан чыкъсын.
- Къатын байлыкъны сюер, эр саулукъну сюер.
- Тамчы таш тешер.
- Ёзденликни джайгъан – джокълукъ.
- Бичгенде ашыкъма, тикгенде ашыкъ.
- Ашлыкъны арба юйге келтирир, чана базаргъа элтир.
- Иши джокъну, сыйы джокъ.
- Ач отунчуну ачыуу – бурнунда.
- Тыш элде солтан болгъандан эсе, кесинги элде олтан болгъан игиди!
- Чомартха хар кюн да байрамды.
- Ачыу алгъа келсе, акъыл артха къалады.
- Къуру гыбыт бек дыгъырдар.
- Тенгни тенглиги джашай барсанг билинир.
- Айыбны суу бла джууалмазса.
- Джол бла сёзню къыйыры джокъ.
- Ата джурт – алтын бешик.
- Кёпюр салгъан кеси ётер, уру къазгъан кеси кетер.
- Тилде сюек болмаса да, сюек сындырыр.
- Башы ишлегенни, ауузу да ишлер.
- Баш – акъыл ючюн, акъылман – халкъ ючюн.
- Джаралыны джастыгъында сау ёлюр.
- Алим болгъандан эсе, адам болгъан къыйынды.
- Тели турса – той бузар.
- Ишни ахырын ойламай, аллын башлама.
- Ариу сёз – джаннга азыкъ, аман сёз – башха къазыкъ.
- Мени джылытмагъан кюн, меннге тиймесин!
- Хазыр ашха – терен къашыкъ.
- Ариу – кёзге, акъыл – джюрекге.
- Къарнынг тойгъунчу аша да, белинг талгъынчы ишле.
- Башда акъыл болмаса, эки аякъгъа кюч джетер.
- Арпа, будай – ащды, алтын, кюмюш а – ташды.
- Эр сокъур болсун, къатын тилсиз болсун.
- Билим – акъылны чырагъы.
- Кимни – тили, тиши онглу, кимни – къолу, иши онглу.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аман киши кеси юйюнде – къонакъ.
- Билим къая тешер.
- Ханы къызы буюгъа-буюгъа киштик болду.
- Эри аманны, къатыны – аман.
- Эр абынмай, эл танымаз.
- Игилик игилик бла сингдирилиучю затды.
- Экеу тутушса, биреу джыгъылыр.
- Джолунга кёре – джюрюшюнг, джагъанга кёре – юлюшюнг.
- Адам бла мюлк юлешмеген эсенг, ол адамны билиб бошагъанма, деб кесинги алдама.
Ошибка!
Для просмотра темы введите ваши логин и пароль.Пожалуйста, авторизуйтесь: