- Къозулугъунда тоймагъан, къойлугъунда тоймаз.
- Джангыз терек къынгыр ёсер.
- Иги сеники эсе да, сюйген кесимикин этеме.
- Къар – келтирди, суу – элтди.
- Нёгер болсанг, тенг бол, тенг болмасанг, кенг бол.
- Ачлыкъ отха секиртир.
- Магъанасыз сёз – тауушсуз сыбызгъы.
- Аз айтсам, кёб ангылагъыз.
- Ата Джуртун танымагъан, атасын да танымаз.
- Окъуу – билимни ачхычы, окъуу – дунияны бачхычы.
- Малны кют, джерни тюрт.
- Халкъны юйю – туугъан джери.
- Джетген къыз джерли эшекни танымаз.
- Къарт бла баш аша, джаш бла аякъ аша.
- Дуния мал дунияда къалады.
- Онгсузну – джакъла, тенгликни – сакъла.
- Къатыны харакетли болса, эри къымсыз болур.
- Адебни адебсизден юрен.
- Нафысынгы айтханын этме, намысынгы айтханын эт.
- Биреу ашаб къутулур, биреу джалаб тутулур.
- Таякъ этден ётер, тил сюекден ётер.
- Ауругъан – джашаудан умутчу.
- Къызбайны юйюне дери сюрсенг, батыр болур.
- Аууздан келген, къолдан келсе, ким да патчах болур эди.
- Адам туугъан джеринде, ит тойгъан джеринде.
- Суу да къайтады чыкъгъан джерине.
- Айраннга суу къош, телиге джол бош.
- Кимни – тили, тиши онглу, кимни – къолу, иши онглу.
- Адамны сыфатына къарама, сёзюне къара.
- Эл тойса, тоймагъан, эл къойса, къоймагъан.
- Танг атмайма десе да, кюн къоярыкъ тюйюлдю.
- Эки элинги тыйсанг, джети элде махталырса.
- Аман хансны – урлугъу кёб.
- Кирсизни – саны таза, халалны – къаны таза.
- Тойчу джашха къарама, къойчу джашха къара.
- Артына баргъанны, къатына барма.
- Къайгъы тюбю – тенгиз.
- Аманны тукъумуна къарама, игини тукъумун сорма.
- Ашын ашагъанынгы, башын да сыйла.
- Арыгъан къош чамчы болур.
- Чомартха Тейри да борчлуду.
- Арпа, будай – ащды, алтын, кюмюш а – ташды.
- Ариу – кёзге, акъыл – джюрекге.
- Этни бети бла шорпасы.
- Кютгени беш эчки, сызгъыргъаны уа, джерни джарады.
- Кийим тукъум сордурур.
- Айтхан сёзюне табылгъан.
- Эрни эр этерик да, къара джер этерик да, тиширыуду.
- Джарлыны эшигин махтагъан джабар.
- Ашатыргъа иш – ашхы, ишлетирге аш – ашхы.
Ошибка!
Для просмотра темы введите ваши логин и пароль.Пожалуйста, авторизуйтесь: