- Къарнынг тойгъунчу аша да, белинг талгъынчы ишле.
- Ауругъанны сау билмез, ач къарынны токъ билмез.
- Тас болгъан бычакъны сабы – алтын.
- Эртде тургъан бла эртде юйленнген сокъуранмаз.
- Ашхы адам – халкъ байлыгъы, ашхы джер – джашау байлыгъы.
- Бозанг болмагъан джерге, къалагъынгы сукъма.
- Ётюрюкчюню шагъаты – къатында.
- Кюл тюбюндеги от кёрюнмейди.
- Уллу къашыкъ эрин джыртар.
- Къыз тиширыу кеси юйюнде да къонакъды.
- Тура эдим джата, къайдан чыкъды хата?
- От этилмеген джерден тютюн чыкъмайды.
- Этни бети бла шорпасы.
- Ойнай билмеген, оюн бузар.
- Мен да «сен», дейме, сен да «кесим», дейсе.
- Aдам боллукъ, сыфатындан белгили.
- Юреннген ауруу къалмаз.
- Адамны бетине къарама, адетине къара.
- Акъыллы башны – тили къысха.
- Акъыллы эркиши атын махтар, акъылсыз эркиши къатынын махтар.
- Джылар джаш, атасыны сакъалы бла ойнар.
- Онгсузну – джакъла, тенгликни – сакъла.
- Ишлемеген – тишлемез.
- Тамырсыз терекге таянма – джыгъылырса.
- Шекер бла туз – бир болмаз, ушамагъан – юй болмаз.
- Аман эсирсе, юйюн ояр.
- Акъыллы айтыр эди, акъылсыз къоймайды.
- Къыз келсе, джумуш эте келеди, къатын келсе, ушакъ эте келеди.
- Къозулугъунда тоймагъан, къойлугъунда тоймаз.
- Алтыда кюлмеген, алтмышда кюлмез.
- Эки итни арасына сюек атма, эки адамны арасында сёз чыгъарма.
- Чомартха хар кюн да байрамды.
- Зарда марда джокъ.
- Байлыкъдан саулукъ ашхыды.
- Чарсда алчыны эл кёреди.
- Тёрени джагъы джокъ.
- Джол бла сёзню къыйыры джокъ.
- Нафысынгы айтханын этме, намысынгы айтханын эт.
- Адамгъа аман кюн соруб келмейди.
- Эринчекге кюн узун.
- Кенгеш болса, уруш болмаз.
- Акъыллы – эл иеси, тели – эл баласы.
- Къайгъыны сюйген, къайгъы табар.
- Хар зат кесини орнуна иги.
- Огъурлуну сёзю – суу, огъурсузну сёзю – уу.
- Башынга джетмегенни сорма.
- Кёзден кетген, кёлден да кетеди.
- Акъылсызны джууукъгъа алма, акъыллыны кенгнге салма.
- Тойгъандан сора, ашны сёкме.
- Сёз – кюмюш, джыр – алтын.
Ошибка!
Для просмотра темы введите ваши логин и пароль.Пожалуйста, авторизуйтесь: