- Чарсда алчыны эл кёреди.
- Эшекни не къадар тюйсенг да, ат болмаз.
- Эр сокъур болсун, къатын тилсиз болсун.
- Босагъа таш юйге кирмей эди, тыбыр таш эшикге чыкъмай эди.
- Тюзлюк шохлукъну бегитир.
- Таула не мийик болсала да, аууш табылыр.
- Аллахха ийнаннган кишини, Аллах онгдурур ишин.
- Билмегенинги, билгеннге сор.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ат басханны джер билед.
- Тойгъан джерден туугъан джер игиди.
- Джырчы ёлсе, джыры къалыр.
- Аурууну келиую тынч, кетиую – къыйын.
- Къонакъ аман болса, къонакъбай джунчур
- Ёлген ийнек сютлю болур.
- Мухарны эси – ашарыкъда.
- Адамны аманы адамны бети бла ойнар.
- Эри аманны, къатыны – аман.
- Къызбайны юйюне дери сюрсенг, батыр болур.
- Накъырданы арты керти болур.
- Ишлегенден, къарагъан уста.
- Чакъырылгъанны аты, чакъырылмагъанны багъасы болур.
- Къонагъы джокъну – шоху джокъ.
- Ачлыкъда тары гырджын халыуадан татлы.
- Нёгерсизни джолу узун.
- Тойгъанлыкъ къойгъа джарашады.
- Чомарт бергенин айтмаз.
- Чакъырылмагъан къонакъ къачан кетерин сормаз.
- Акъыл неден да кючлюдю.
- Мухар, кеси тойса да, кёзю тоймаз.
- Терслик кетер, тюзлюк джетер.
- Аз сёлеш, кёб ишле.
- Эл тойса, тоймагъан, эл къойса, къоймагъан.
- Къая джолда джортма, ачыкъ сёзден къоркъма.
- Ушамагъан – джукъмаз.
- Бети – къучакълар, джюреги – бычакълар.
- Къолу уллу – асыу, аягъы уллу – джарсыу.
- Сибиртки да сыйлы болду, кюрек да кюнлю болду.
- Ёпкелегенни ашы татлы болады.
- Джюрек кёзден алгъа кёрюр.
- Танг атмайма десе да, кюн къоярыкъ тюйюлдю.
- Сакъ юйюне сау барыр.
- Атлыны кёрсе, джаяуну буту талыр.
- Ач келгенни – тойдур, кеч келгенни – къондур.
- Иги болса, тамадама – махтау, аман болса, меннге – айыб.
- Сыфатында болмагъаны, суратында болмаз.
- Термилгенинги табмазса, кюлгенинге тюберсе.
- Кёзден кетген, кёлден да кетеди.
- Къартны сыйын кёрмеген, къартлыгъында сыйлы болмаз.
- Аман адам этегингден тутса, кес да къач.
Ошибка!
Для просмотра темы введите ваши логин и пароль.Пожалуйста, авторизуйтесь: