- Эки элинги тыйсанг, джети элде махталырса.
- Чёбню кёлтюрсенг, тюбюнден сёз чыгъар.
- Тенгинг джокъ эсе – изле, бар эсе – сакъла!
- Къан бла кирген, джан бла чыгъар.
- Ишни аллы бла къууанма да, арты бла къууан.
- Ариу сёз джыланны орнундан чыгъарыр.
- Аууз сакълагъан – джан сакълар.
- Чабар ат – джетген къыз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джангыз терек къынгыр ёсер.
- Къыз чыгъаргъан – къызыл къымжа.
- Сютню башын джалагъан къутулур, тюбюн ичген тутулур.
- Ашхы болсанг, атынг чыгъар, аман болсанг, джанынг чыгъар.
- Къарны аманнга къазан такъдырма, къолу аманнга от джакъдырма.
- Къызын тута билмеген, тул этер, джашын тута билмеген, къул этер.
- Айырылмаз джууугъунга, унутмаз сёзню айтма.
- Айран тёгюлсе, джугъусу къалыр.
- Уллу айтханны этмеген – уллаймаз.
- Джашынгы кесинг юретмесенг, джашау юретир.
- Ишге юренсин къоллары, халкъ бла болсун джоллары.
- Айтылгъан сёз ызына къайтмаз.
- Арпа, будай – ащды, алтын, кюмюш а – ташды.
- Чарсда алчыны эл кёреди.
- Къонакъ кёб келюучю юйню, къазаны отдан тюшмез.
- Сабий болмагъан джерде, мёлек болмаз.
- Минг тенг да азды, бир джау да кёбдю.
- Экеулен сёлеше тура эселе, орталарына барыб кирме.
- Дуния мал дунияда къалады.
- Биреуню эскиси биреуге джангы болмайды.
- Кеси юйюмде мен да ханма.
- Орундукъ тюбюнде атылсам да, орта джиликме, де да айлан.
- Джумушакъ сёз къаты таякъны сындырыр.
- Къонакъ аман болса, къонакъбай джунчур
- Кесине оноу эте билмеген, халкъына да эте билмез.
- Сакъламагъан затынга джолукъсанг, не бек къууанаса, не бек ачыйса.
- Байлыкъ келсе, акъыл кетер.
- Эл бла кёргенинг эрелей.
- Баргъанынга кёре болур келгенинг.
- Магъанасыз сёз – тауушсуз сыбызгъы.
- Эки ойлашыб, бир сёлешген.
- Ашарыкъда сайлагъаннга – чий гырджын.
- Шапа кёб болса, аш татымсыз болур.
- Ата джурт – алтын бешик.
- Эри аманны, къатыны – аман.
- Туз, гырджын аша, тюзлюк бла джаша.
- Сакъ юйюне сау барыр.
- Бетинги сатма, малынгы сат.
- Билим – акъылны чырагъы.
- Ким бла джюрюсенг, аны кёзю бла кёрюнюрсе.
- Тили узунну, намысы – къысха.
Ошибка!
Для просмотра темы введите ваши логин и пароль.Пожалуйста, авторизуйтесь: