- Мухар, кеси тойса да, кёзю тоймаз.
- Дуния малгъа сатылма, кесингден телиге къатылма.
- Ёлюр джаннга, ёкюл джокъ.
- Башланнган иш битер, къымылдагъан тиш тюшер.
- Халкъгъа джарагъан, джарлы къалмаз.
- Ашха уста, юйюнде болсун
- Эринчекни эр алмаз, эр алса да, кёл салмаз, кёл салса да, кёб бармаз!
- Тил бла келеди джыр да.
- Душманны тышы – акъ, ичи – къара.
- Чабар ат – джетген къыз.
- Эри аманны, къатыны – аман.
- Къарнынг бла ёч алма.
- Ауузу бла къуш тута айланады.
- Керек ташны ауурлугъу джокъ.
- Ёзденликни кёбю ётюрюк.
- Байлыкъ адамны сокъур этер.
- Ётюрюкню башын керти кесер.
- Джыгъылгъанны сырты джерден тоймаз.
- Тас болгъан бычакъны сабы – алтын.
- Ачыкъ джюрекге джол – ачыкъ.
- Эки ойлашыб, бир сёлешген.
- Чомарт къонакъ юй иесин сыйлар.
- Къарнынг ауруса, ауузунгу тый
- Ата Джуртуму башы болмасам да, босагъасында ташы болайым.
- Намысы джокъну – дуниясы джокъ.
- Кюн – узун, ёмюр – къысха.
- Уллу атлама – абынырса, уллу къабма – къарылырса.
- Сабыр джетер муратха, сабырсыз къалыр уятха.
- Юй кюйдю да, кюйюз чыкъды, ортасындан тюйюш чыкъды.
- Къайтырыкъ эшигинги, къаты уруб чыкъма.
- Сескекли кесин билдирир.
- «Ма», - дегенни билмесенг, «бер», - дегенни билмезсе.
- Бастасын ашагъан, хантусун да ичер.
- Джырчы джырчыгъа – къарнаш.
- Ёзденликни джайгъан – джокълукъ.
- Тёрени джагъы джокъ.
- Аманны эки битли тону болур, бирин сеннге кийдирир, бирин кеси киер.
- Джогъун бар этген, барын бал этген.
- Уллу суу бла уллу ауруудан башынгы сакъла.
- Аман эсирсе, юйюн ояр.
- Къартны бурнун сюрт да, оноугъа тут.
- Уллу сёлешме да, уллу къаб.
- Къралынгы – душмандан, башынгы от бла суудан сакъла.
- Харам къарнашдан, халал тенг ашхы.
- Ариу сёз – джаннга азыкъ, аман сёз – башха къазыкъ.
- Джумушакъ терекни къурт ашар.
- Къонакъ аз олтурур, кёб сынар.
- Чабакъгъа акъыл, табагъа тюшсе келеди.
- Махтаннган къыз, тойда джукълар.
- Татлы тилде – сёз ариу, чемер къолда – иш ариу.
Ошибка!
Для просмотра темы введите ваши логин и пароль.Пожалуйста, авторизуйтесь: