- Эки ойлашыб, бир сёлешген.
- Дженгил джетерикме деб, узун джолну къоюб, къысхасын барма.
- Башы джабылгъан челекге, кир тюшмез.
- Халкъны джырын джырласанг, халкъ санга эжиу этер.
- Тай асырагъан, атха минер.
- Дуния малгъа сатылма, кесингден телиге къатылма.
- Адамны аты башхача, акъылы да башхады.
- Хоншуну тауугъу къаз кёрюнюр, келини къыз кёрюнюр.
- Телиге акъыл салгъандан эсе, ёлгеннге джан салырса.
- Къарнынг бла ёч алма.
- Ариу сёз – джаннга азыкъ, аман сёз – башха къазыкъ.
- Акъдан къара болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Юйлю уругъа ит чабмаз.
- Аз сёлеш, кёб ишле.
- Къошда джокъгъа – юлюш джокъ.
- Азыкълы ат арымаз, къатыны аман джарымаз.
- Тиширыусуз юй – отсуз от джагъа.
- Билгенни къолу къарны джандырыр.
- Ауругъанны сау билмез, ач къарынны токъ билмез.
- Ариуну – ауруу кёб.
- Таш ата билмеген, башына урур.
- Артына баргъанны, къатына барма.
- Этек чакъмакълары баш джаргъан, сёлешген сёзлери таш джаргъан.
- Ачлыкъда тары гырджын халыуадан татлы.
- Айраннга суу къош, телиге джол бош.
- Биреуге аманлыкъ этиб, кесинге игилик табмазса.
- Шекер бла туз – бир болмаз, ушамагъан – юй болмаз.
- Кесинг сынамагъан затны, адамгъа буюрма.
- Ариу сёз – къылычдан джити.
- Айранын берсенг, челегин да къызгъанма.
- Ашхы сёз таш тешер.
- Кеси юйюмде мен да ханма.
- Уясында не кёрсе, учханында аны этер.
- Туз, гырджын аша, тюзлюк бла джаша.
- Тёрдеги кюлсе, эшикдеги ышарыр.
- Кесинге джетмегенни, кёб сёлешме.
- Сёз къанатсыз учар.
- Термилгенинги табмазса, кюлгенинге тюберсе.
- Ауузу бла къуш тута айланады.
- Джумушакъ терекни къурт ашар.
- Кёл – къызбай, къол – батыр.
- Таукел адам тау тешер.
- Соргъан айыб тюлдю, билмеген айыбды.
- Адебсиз адам – джюгенсиз ат.
- Ашлыкъны арба юйге келтирир, чана базаргъа элтир.
- Тилде сюек болмаса да, сюек сындырыр.
- Босагъагъа джууукъ орун болса, ашыгъыб тёрге озма.
- Къоркъакъны кёзю экили кёрюр.
- Къыйынлы джети элге оноу этер.
Ошибка!
Для просмотра темы введите ваши логин и пароль.Пожалуйста, авторизуйтесь: