- Кёзню ачылгъаны – иги, ауузну джабылгъаны – иги.
- Ана – юйню кюн джарыгъы.
- Сибиртки да сыйлы болду, кюрек да кюнлю болду.
- Сёз сёзню айтдырыр.
- Кёлсюзден сёзсюз тууар.
- Къарнынг бла ёч алма.
- Ач къалгъандан, кеч къалгъан къолай.
- Бёрю да ач къалмасын, эчки да ашалмасын.
- Адамны джюреги нени кёрюрге сюйсе, кёзю да аны кёрюрге ёч болады.
- Кесине оноу эте билмеген, халкъына да эте билмез.
- Джюрекден джюрекге джол барды.
- Ишни аллы бла къууанма да, арты бла къууан.
- Аман адамны тепсинге олтуртсанг, къызынгы тилер.
- Адам сёзюнден белгили.
- Къарнынг къанлынга кийирир.
- Билим насыб берир, билим джолну керир.
- Гырджын – тепсини тамадасы.
- Артына баргъанны, къатына барма.
- Айраннга суу къош, телиге джол бош.
- Ата джурт – алтын бешик.
- Нёгерсизни джолу узун.
- Баш – акъыл ючюн, акъылман – халкъ ючюн.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джаханимни кёрмей, джандетге кёл салмазса.
- Этек чакъмакълары баш джаргъан, сёлешген сёзлери таш джаргъан.
- Оюмсуз атлагъан, аджалсыз ёлюр.
- Босагъа таш юйге кирмей эди, тыбыр таш эшикге чыкъмай эди.
- Ачылгъан эт джабылыр, кёрген кёз унутмаз.
- Окъуу – билимни ачхычы, окъуу – дунияны бачхычы.
- Билген билмегенни юретген адетди.
- Таш бла ургъанны, аш бла ур.
- Ачны эсинде – аш.
- Алгъанда – джууукъ, бергенде – джау.
- Сууда джау джокъ, кёб сёзде магъана джокъ.
- Ёзденликни кёбю ётюрюк.
- Тёрде – темир таякълы, къаяда – чыпчыкъ аякълы.
- Джыйырма къойну юч джыйырма эбзе кюте эди.
- Зар адам ашынгы ашар, кесинги сатар.
- Эллинг бла джау болсанг да, юйюнг бла джау болма.
- Халкъны юйю – туугъан джери.
- Ёпкелегенни ашы татлы болады.
- Мадар болса, къадар болур.
- Рысхы – насыбха къор.
- Башы джабылгъан челекге, кир тюшмез.
- Джангыз терек къынгыр ёсер.
- Эм ашхы къайын ана мамукъ бла башынгы тешер.
- Ёмюрлюк шохлукъну джел элтмез.
- Сагъышы джокъ – джукъучу, акъылы джокъ – къаугъачы.
- Кийимни бичсенг, кенг бич, тар этген къыйын тюлдю.
- Аз сёлеш, кёб ишле.
Ошибка!
Для просмотра темы введите ваши логин и пароль.Пожалуйста, авторизуйтесь: