- Башы джабылгъан челекге, кир тюшмез.
- Сабийни джумушха джибер да, ызындан бар.
- Къызын тута билмеген, тул этер, джашын тута билмеген, къул этер.
- Биреуню къыйынлыгъы бла кесинге джол ишлеме.
- Харам къарнашдан, халал тенг ашхы.
- Аджашханны ызындагъы кёреди, джангылгъанны джанындагъы биледи.
- Къая джолда джортма, ачыкъ сёзден къоркъма.
- Къонакъ аз олтурур, кёб сынар.
- Сёз садакъдан кючлюдю.
- Чакъырылмагъан къонакъ къачан кетерин сормаз.
- Телини эшигин, махтау джабар.
- Тил бла келеди джыр да.
- Чыбыкълыкъда бюгюлмеген, къазыкълыкъда бюгюлмей эди.
- Биреуге аманлыкъ этиб, кесинге игилик табмазса.
- Къазанда болса, чолпугъа чыгъар.
- Чомартны къолун джокълукъ байлар.
- Хансыз джомакъ болмаз.
- Джылыгъа джылан илешир.
- Аджашхан тёгерек айланыр.
- Мураты болгъанны джюрек тебюую башхады.
- Айыбны суу бла джууалмазса.
- Джаз бир кюнню джатсанг, къыш талай кюнню абынырса.
- Джангыз терек къынгыр ёсер.
- Джуртун къоругъан озар.
- Тойгъа барсанг, тоюб бар, эски тонунгу къоюб бар.
- Миллетни бойну – базыкъ, аны бла кюрешген – джазыкъ.
- Къатын къылыкъсыз, эр тынчлыкъсыз.
- Къонагъы джокъну – шоху джокъ.
- Ёлген аслан – сау чычхан.
- Эки къатын алгъан – эки ташны ортасына башын салгъан.
- Экеу тутушса, биреу джыгъылыр.
- Тура эдим джата, къайдан чыкъды хата?
- Аджалсыз ёлюм болмаз.
- Джыгъылгъанны сырты джерден тоймаз.
- Ашатыргъа иш – ашхы, ишлетирге аш – ашхы.
- Бети – къучакълар, джюреги – бычакълар.
- Ёксюзню тилеги къабыл болур.
- Уясында не кёрсе, учханында аны этер.
- Ышармагъан – кюлмез, кюлмеген – къууанчны билмез.
- Тил джюрекге джол ишлейди.
- Аманнга да, игиге да оноусуз къатышма.
- Ушамагъан – джукъмаз.
- Тюзню ётмеги тюзде къалса да, тас болмаз.
- Ашын ашагъанынгы, башын да сыйла.
- Кюл тюбюндеги от кёрюнмейди.
- Тойчу джашха къарама, къойчу джашха къара.
- Атлыны ашхысы, ат тизгининден билинир
- Алим болгъандан эсе, адам болгъан къыйынды.
- Джукъу тёшек сайламайды.
- Уллу атлама – абынырса, уллу къабма – къарылырса.
Ошибка!
Для просмотра темы введите ваши логин и пароль.Пожалуйста, авторизуйтесь: