Войти на сайт
21 Октября  2018 года

 

  • Кёзюнде тереги болгъан, чёбю болгъаннга кюле эди.
  • Кёзю сокъурдан – къоркъма, кёлю сокъурдан – къоркъ.
  • Аллахха ийнаннган кишини, Аллах онгдурур ишин.
  • Ачны эсинде – аш.
  • Аман киши кеси юйюнде – къонакъ.
  • Чакъырылмагъан джерге барма, чакъырылгъан джерден къалма.
  • Джаралыны джастыгъында сау ёлюр.
  • Билмегенинги, билгеннге сор.
  • Эринчекни аурууу – кёб.
  • Тойгъан джерден туугъан джер игиди.
  • Чомарт къонакъ юй иесин сыйлар.
  • Уллу къазанда бишген эт, чий къалмаз.
  • Чомартха Тейри да борчлуду.
  • Къарнынг къанлынга кийирир.
  • Биреуге аманлыкъ этиб, кесинге игилик табмазса.
  • Халкъны джырын джырласанг, халкъ санга эжиу этер.
  • Джарлы джети элни сёзюн этер.
  • Таула не мийик болсала да, аууш табылыр.
  • Онгсузну – джакъла, тенгликни – сакъла.
  • Иги адам абынса да, джангылмаз.
  • Ат басханны джер билед.
  • Джырына кёре эжиую.
  • Юй кюйдю да, кюйюз чыкъды, ортасындан тюйюш чыкъды.
  • Ётюрюкню къуйругъу – бир тутум.
  • Эли джокъну – кёлю джокъ.
  • Керилген да, ургъан кибикди.
  • Адам туугъан джеринде, ит тойгъан джеринде.
  • Рысхы джалгъанды: келген да этер, кетген да этер.
  • Ёксюзню къалачы уллу кёрюнюр.
  • Тойгъан джерге джети къайт.
  • Къызгъанчдан ычхыныр, мухардан ычхынмаз.
  • Кёлсюзден сёзсюз тууар.
  • Тас болгъан бычакъны сабы – алтын.
  • Джаханимни кёрмей, джандетге кёл салмазса.
  • Адамны сабийин сюйген джюреги, бычакъча, джитиди.
  • Сабийни джумушха джибер да, ызындан бар.
  • Таш бла ургъанны, аш бла ур.
  • Къатыны харакетли болса, эри къымсыз болур.
  • Бек ашыкъгъан меннге джетсин, дегенди аракъы.
  • Байны оноуу, джарлыгъа джарамаз.
  • Алтыда кюлмеген, алтмышда кюлмез.
  • Окъуу – билимни ачхычы, окъуу – дунияны бачхычы.
  • Босагъа таш юйге кирмей эди, тыбыр таш эшикге чыкъмай эди.
  • Баш – акъыл ючюн, акъылман – халкъ ючюн.
  • Сабий болмагъан джерде, мёлек болмаз.
  • Намысы джокъну – дуниясы джокъ.
  • Къуру гыбыт бек дыгъырдар.
  • Эр сокъур болсун, къатын тилсиз болсун.
  • Тойгъан антын унутур.
  • Джангыз торгъай джырламаз.

 

Ошибка!

Для просмотра темы введите ваши логин и пароль.
Пожалуйста, авторизуйтесь:
Логин:
Пароль:

Забыли свой пароль?

Зарегистрироваться
Если вы впервые на сайте, заполните, пожалуйста, регистрационную форму.

Написать нам