- Баш – акъыл ючюн, акъылман – халкъ ючюн.
- Аурууну келиую тынч, кетиую – къыйын.
- Адебни адебсизден юрен.
- Таукел тауну аудурур.
- Къарт айтханны этмеген, къартаймаз.
- Байлыкъ келсе, акъыл кетер.
- Тенги кёбню джау алмаз, акъылы кёбню дау алмаз.
- Керти сёзге тёре джокъ.
- Хар адамгъа кеси миннген тау кибик.
- Ач – эснер, ат – кишнер.
- Адам къаллай бир ишленмесе, аллай бир кесин уллу кёреди.
- Эрине къаргъыш этген къатын, эрнин къабар.
- Гугук кесини атын айтыб къычыргъанча, мен, мен деб нек тураса?
- Кёрмегеннге кебек – танг, битмегеннге сакъал – танг.
- Эртде тургъан джылкъычыны эркек аты тай табар.
- Ачлыкъ отха секиртир.
- Акъыл бла адеб эгизледиле.
- Мадар болса, къадар болур.
- Таукелге нюр джауар.
- Атынг аманнга чыкъгъандан эсе, джанынг тамагъынгдан чыкъсын.
- Керилген да, ургъан кибикди.
- Адеб этмеген, адеб кёрмез.
- Кирсизни – саны таза, халалны – къаны таза.
- Айранны сюйген, ийнек тутар.
- Гыдай эчки суугъа къараб, мюйюзле кёрмесе, джашма алкъын, дегенди.
- Билеги кючлю, бирни джыгъар, билими кючлю, мингни джыгъар.
- Ариу сёз джыланны орнундан чыгъарыр.
- Уруну арты – къуру.
- Биреуге кёлтюрген таягъынг, кесинги башынга урур.
- Бал ашаргъа сюе эсенг, чибин ургъаннга тёз.
- Кийим тукъум сордурур.
- Джангыз терек къынгыр ёсер.
- Байлыкъ адамны сокъур этер.
- Тюзню ётмеги тюзде къалса да, тас болмаз.
- Тойгъанлыкъ къойгъа джарашады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашына кёре табагъы, балына кёре къалагъы.
- Телини эшигин, махтау джабар.
- Эл элде бирер малынг болгъандан эсе, бирер тенгинг болсун.
- Къанны къан бла джуума, аманны аман бла къуума.
- Ёпкелегенни ашы татлы болады.
- Ёлген эшек бёрюден къоркъмайды.
- Джыгъылгъанны сырты джерден тоймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джырына кёре эжиую.
- Окъ къызбайны джокълайды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёлсюзден сёзсюз тууар.
- Къыйынлы джети элге оноу этер.
- Юйюнг бла джау болгъандан эсе, элинг бла джау бол.
Ошибка!
Для просмотра темы введите ваши логин и пароль.Пожалуйста, авторизуйтесь: