- Эки элинги тыйсанг, джети элде махталырса.
- Тилчиден кери бол.
- Къуллукъчума, деб махтанма, къуллукъ – хаух джамчыды!
- Джаш къарыу бла кючлю, къарт акъыл бла кючлю.
- Кенгеш болса, уруш болмаз.
- Таула не мийик болсала да, аууш табылыр.
- Биреуню тёрюнден, кесинги эшик артынг игиди.
- Аман къатын сабий табса, бий болур…
- Къызбайны юйюне дери сюрсенг, батыр болур.
- Азыкълы ат арымаз, къатыны аман джарымаз.
- Ач – эснер, ат – кишнер.
- Болджал ишни бёрю ашар.
- Агъач халкъгъа алтынды, иссиликге салкъынды.
- Таугъа чыгъаллыкъ эсенг, тюзде къалма.
- Орну джокъну – сыйы джокъ.
- Тёрде – темир таякълы, къаяда – чыпчыкъ аякълы.
- Тюз сёз баргъан сууну тыяр.
- Гитче джилтин уллу элни джандырыр.
- Билим къая тешер.
- Накъырда – кертини келечиси.
- Кёкдеги болмаса, джердегин кёрмейди.
- Къыз келсе, джумуш эте келеди, къатын келсе, ушакъ эте келеди.
- Иши джокъну, сыйы джокъ.
- Аман киши кеси юйюнде – къонакъ.
- Ашхы атаны – джашы ашхы, ашхы ананы – къызы ашхы.
- Алтыда кюлмеген, алтмышда кюлмез.
- Джарлы тюеге минсе да, ит къабар.
- Уллу къашыкъ эрин джыртар.
- Эринчекни аурууу – кёб.
- Бюгюн дуния кибик, тамбла ахыратды.
- Ойнай билмеген, оюн бузар.
- Джашлыкъ этмеген, башлыкъ этмез.
- Хар зат кесини орнуна иги.
- Этек чакъмакълары баш джаргъан, сёлешген сёзлери таш джаргъан.
- Бети – къучакълар, джюреги – бычакълар.
- Аманны тукъумуна къарама, игини тукъумун сорма.
- Чёбню кёлтюрсенг, тюбюнден сёз чыгъар.
- Джюрекге ариу – кёзге да ариу.
- Ата Джуртун танымагъан, атасын да танымаз.
- Хунаны тюбюн къазсанг, юсюнге ауар.
- Билимсиз иш бармаз.
- Бозанг болмагъан джерге, къалагъынгы сукъма.
- Тамырсыз терекге таянма – джыгъылырса.
- Аууз сакълагъан – джан сакълар.
- Ачны эсинде – аш.
- Бир онгсуз адам адет чыгъарды, деб эштирик тюлсе.
- Кесинге джетмегенни, кёб сёлешме.
- Ана кёлю – балада, бала кёлю – талада.
- Сабыр джетер муратха, сабырсыз къалыр уятха.
- Хантына кёре тузу, юйюне кёре къызы.
Ошибка!
Для просмотра темы введите ваши логин и пароль.Пожалуйста, авторизуйтесь: