- Билмегенинги, билгеннге сор.
- Хата – гитчеден.
- Тамырсыз терекге таянма – джыгъылырса.
- Ач къалгъандан, кеч къалгъан къолай.
- Шайтан алдады, тюзлюк къаргъады.
- Таукел тауну аудурур.
- Байлыкъ адамны сокъур этер.
- Адам сёзге тынгыла, акъыл сёзню ангыла.
- Эшекни не къадар тюйсенг да, ат болмаз.
- Керилген да, ургъан кибикди.
- Тили узунну, намысы – къысха.
- Ат басханны джер билед.
- Экеу тутушса, биреу джыгъылыр.
- Къозулугъунда тоймагъан, къойлугъунда тоймаз.
- Тилчи тилден къаныкъмаз.
- Бозанг болмагъан джерге, къалагъынгы сукъма.
- «Ёгюз, джаргъа джууукъ барма, меннге джюк боллукъса», - дегенди эшек.
- Къыз келсе, джумуш эте келеди, къатын келсе, ушакъ эте келеди.
- Тёзген – тёш ашар!
- Аманны тукъумуна къарама, игини тукъумун сорма.
- Урунуу – насыбны анасы.
- Иги джашны ышаны – аз сёлешиб, кёб тынгылар.
- Джарлыны эшигин махтагъан джабар.
- Эте билген, этген этеди, эте билмеген, юретген этеди!
- Телиге акъыл салгъандан эсе, ёлгеннге джан салырса.
- Окъдан джара эртде-кеч болса да бителир, сёз джара, ёмюрге къалыр.
- Ишлерге уял да, ашаргъа табма.
- Къобан да къуру да къобханлай турмайды, адам да къуру да патчахлай турмайды.
- Ач къарным, тынч къулагъым.
- Сибиртки да сыйлы болду, кюрек да кюнлю болду.
- Айтханы чапыракъдан ётмеген.
- Зар адамны насыбы болмаз.
- Гугурук къычырмаса да, тангны атары къалмаз.
- Ашын ашагъанынгы, башын да сыйла.
- Къанны къан бла джуума, аманны аман бла къуума.
- Кёзю сокъурдан – къоркъма, кёлю сокъурдан – къоркъ.
- Джахил болса анасы, не билликди баласы?
- Уллу айтханны этмеген – уллаймаз.
- Баргъанынга кёре болур келгенинг.
- Азыгъы аз, алгъа къабар, аты аман, алгъа чабар.
- Уллу къашыкъ эрин джыртар.
- Сабийни джумушха джибер да, ызындан бар.
- Дуния малгъа сатылма, кесингден телиге къатылма.
- Тас болгъан бычакъны сабы – алтын.
- Аманнга игилик этсенг, юйюнге сау бармазса.
- Тиширыусуз юй – отсуз от джагъа.
- Къуру гыбыт бек дыгъырдар.
- Аз сёлешген, къайгъысыз турур.
- Джан саулукъ бермей, сан саулукъ бермезсе.
- Босагъа таш юйге кирмей эди, тыбыр таш эшикге чыкъмай эди.
Ошибка!
Для просмотра темы введите ваши логин и пароль.Пожалуйста, авторизуйтесь: