- Окъугъан – асыу, окъумагъан – джарсыу.
- Тели турса – той бузар.
- Джюрек кёзден алгъа кёрюр.
- Аууздан келген, къолдан келсе, ким да патчах болур эди.
- Хар ишни да аллы къыйынды.
- Кийимни бир кюнню аясанг, минг кюннге джарар.
- Тойгъанлыкъ къойгъа джарашады.
- Ач да бол, токъ да бол – намысынга бек бол.
- Ишлерге уял да, ашаргъа табма.
- Кёлю джокъну – джолу джокъ.
- Тыш элде солтан болгъандан эсе, кесинги элде олтан болгъан игиди!
- Айырылмаз джууугъунга, унутмаз сёзню айтма.
- Адеб базарда сатылмаз.
- Адам боллукъ, атламындан белгили болур.
- Тилчи бир сагъатха айлыкъ хата этер.
- Ашхы тенг джолгъа салыр, аман тенг джолдан тайдырыр.
- Хазыр ашха – терен къашыкъ.
- От этилмеген джерден тютюн чыкъмайды.
- Тенгинг джокъ эсе – изле, бар эсе – сакъла!
- Ишге юренсин къоллары, халкъ бла болсун джоллары.
- Чомарт джарлы болмаз.
- Элни кючю – эмеген.
- Ашхы болсанг, атынг чыгъар, аман болсанг, джанынг чыгъар.
- Эл ауузу – элек, анга ийнаннган – халек.
- Къар – келтирди, суу – элтди.
- Иги адам абынса да, джангылмаз.
- Къарыусузгъа кюлме, онгсузгъа тийме.
- Телини эшигин, махтау джабар.
- Юйлю уругъа ит чабмаз.
- Ауузу аманнга «иги», деме.
- Атадан ёксюз – бир ёксюз, анадан ёксюз – эки ёксюз.
- Джаным-тиним – окъуу, билим.
- Тёрде – темир таякълы, къаяда – чыпчыкъ аякълы.
- Эски джаугъа ышанма.
- Къарт бла баш аша, джаш бла аякъ аша.
- Джылар джаш, атасыны сакъалы бла ойнар.
- Шапа кёб болса, аш татымсыз болур.
- Тойну къарнашы – харс, джырны къарнашы – эжиу.
- Кёзюнде тереги болгъан, чёбю болгъаннга кюле эди.
- Ойнай-ойнай кёз чыгъар.
- Рысхы джалгъанды: келген да этер, кетген да этер.
- Билимли ёлмез, билимсиз кёрмез.
- Джарлыны тону джаз битер.
- Тили узунну, намысы – къысха.
- Ауурну тюбю бла, дженгилни башы бла джюрюген.
- Аджашханны ызындагъы кёреди, джангылгъанны джанындагъы биледи.
- Ач келгенни – тойдур, кеч келгенни – къондур.
- Урунуу – насыбны анасы.
- Аш кетер да бет къалыр.
- Дженгил джетерикме деб, узун джолну къоюб, къысхасын барма.
Ошибка!
Для просмотра темы введите ваши логин и пароль.Пожалуйста, авторизуйтесь: