- Адамны аманы адамны бети бла ойнар.
- Сормай – алма, чакъырылмай – барма.
- Ауругъаннга – кийик саулукъ, джетген къызгъа – чилле джаулукъ.
- Сибиртки да сыйлы болду, кюрек да кюнлю болду.
- Рысхы – сют юсюнде кёмюк кибикди.
- Эки къатын алгъанны къулагъы тынгнгаймаз.
- Джарлы джети элни сёзюн этер.
- Къолу уллу – асыу, аягъы уллу – джарсыу.
- Тили узунну, намысы – къысха.
- Зарда марда джокъ.
- Адамны бетине къарама, адетине къара.
- Къоркъакъны кёзю экили кёрюр.
- Тойгъан джерден туугъан джер игиди.
- Аш хазыр болса, иш харам болур.
- Игилик игилик бла сингдирилиучю затды.
- Аз айтсам, кёб ангылагъыз.
- Эл бла кёргенинг эрелей.
- Адамны сыфатына къарама, сёзюне къара.
- Экеу тутушса, биреу джыгъылыр.
- Чомартха хар кюн да байрамды.
- Тойгъандан сора, ашны сёкме.
- Байны оноуу, джарлыгъа джарамаз.
- Ашда уялгъан – мухар, ишде уялгъан – хомух.
- Джаралыны джастыгъында сау ёлюр.
- Айныгъанлы алты кюн, тогъайгъанлы тогъуз кюн.
- Джашда акъыл джокъ, къартда къарыу джокъ.
- Кимни – тили, тиши онглу, кимни – къолу, иши онглу.
- Ач отунчуну ачыуу – бурнунда.
- Чалманны аллы къалай башланса, арты да алай барады.
- Керилген да, ургъан кибикди.
- Ашхы сёз таш тешер.
- Шапа кёб болса, аш татымсыз болур.
- Хоншуну тауугъу къаз кёрюнюр, келини къыз кёрюнюр.
- Эр сокъур болсун, къатын тилсиз болсун.
- Эл элде бирер малынг болгъандан эсе, бирер тенгинг болсун.
- Ач – эснер, ат – кишнер.
- Чёбню кёлтюрсенг, тюбюнден сёз чыгъар.
- Кёбню кёрген – кёб билир.
- Ётюрюк хапар аякъ тюбю бла джюрюйдю.
- Билгенни къолу къарны джандырыр.
- Тойгъанлыкъ къойгъа джарашады.
- Уллу сёзде уят джокъ.
- Башынга джетмегенни сорма.
- Аш берме да, къаш бер.
- Ат басханны джер билед.
- Тенгинг джокъ эсе – изле, бар эсе – сакъла!
- Терслик кетер, тюзлюк джетер.
- Мал ёлсе, сюек къалыр, адам ёлсе, иши къалыр.
- Хатерли къул болур.
- Бал ашаргъа сюе эсенг, чибин ургъаннга тёз.
Ошибка!
Для просмотра темы введите ваши логин и пароль.Пожалуйста, авторизуйтесь: