- Бозаны арты дауур болур.
- Чарсда алчыны эл кёреди.
- Ёлюк кебинсиз къалмаз.
- Агъач – джерни чырайы, кийим – эрни чырайы.
- Суугъа – таянма, джаугъа – ийнанма.
- Джырчы ёлсе, джыры къалыр.
- Битмегеннге сакъал – танг.
- Чабакъсыз кёлге къармакъ салгъанлыкъгъа, чабакъ тутмазса.
- Экеулен сёлеше тура эселе, орталарына барыб кирме.
- Аман адам элни бир-бирине джау этер.
- Юйлю уругъа ит чабмаз.
- Aдам боллукъ, сыфатындан белгили.
- Къонакъны къачан кетерин сорма, къачан келлигин сор.
- Кесинге джетмегенни, кёб сёлешме.
- Адамны сабийин сюйген джюреги, бычакъча, джитиди.
- Адебни адебсизден юрен.
- Юре билмеген ит, къонакъ келтирир.
- Ишлемеген – тишлемез.
- Тели турса – той бузар.
- Акъыллы айтыр эди, акъылсыз къоймайды.
- Айраннга суу къош, телиге джол бош.
- Айтханы чапыракъдан ётмеген.
- Окъ къызбайны джокълайды.
- Ишни ахырын ойламай, аллын башлама.
- Киштикге къанат битсе, чыпчыкъ къалмаз эди.
- Кёб къычыргъандан – къоркъма, тынч олтургъандан – къоркъ.
- Ётюрюкчюню шагъаты – къатында.
- Огъурлуну сёзю – суу, огъурсузну сёзю – уу.
- Кёкдеги болмаса, джердегин кёрмейди.
- Тойгъандан сора, ашны сёкме.
- Кенгеш болса, уруш болмаз.
- Уруну арты – къуру.
- Адамны джюреги нени кёрюрге сюйсе, кёзю да аны кёрюрге ёч болады.
- Рысхысына кёре, джаш ёсер, къышлыгъына кёре, мал ёсер.
- Тёрдеги кюлсе, эшикдеги ышарыр.
- Эл бла кёргенинг эрелей.
- Билимли ёлмез, билимсиз кёрмез.
- Аш кетер да бет къалыр.
- Чыкълы кюнде чыкъмагъан, чыкъса къуру кирмеген.
- Хар ишни да аллы къыйынды.
- Ишге юренсин къоллары, халкъ бла болсун джоллары.
- Ариу сёз – къылычдан джити.
- Иги адамны бир сёзю эки болмаз.
- Ашхылыкъ джерде джатмайды, аманлыкъ суугъа батмайды.
- Таукел къуру къалмаз.
- Азыкъ аз болса, эртде орун сал.
- Эллинг бла джау болсанг да, юйюнг бла джау болма.
- Тамырсыз терекге таянма – джыгъылырса.
- Сангырау къулакъ эл бузар.
- Адамны бетине къарама, адетине къара.
Ошибка!
Для просмотра темы введите ваши логин и пароль.Пожалуйста, авторизуйтесь: