- Уллу суу бла уллу ауруудан башынгы сакъла.
- Сютню башын джалагъан къутулур, тюбюн ичген тутулур.
- Кирсизни – саны таза, халалны – къаны таза.
- Къартха ушагъан джаш – акъыллы, джашха ушагъан къарт – тели.
- Уруну арты – къуру.
- Джырчы ёлсе, джыры къалыр.
- Дуния мал дунияда къалады.
- Адебсиз адам – джюгенсиз ат.
- Окъумагъан сокъурду, сокъур ташха абыныр!
- Чомарт къонакъ юй иесин сыйлар.
- Джаш болсун, къыз болсун, акъылы, саны тюз болсун.
- Джуртун къоругъан озар.
- Ауузу аманнга «иги», деме.
- Ачыу алгъа келсе, акъыл артха къалады.
- Джюрек кёзден алгъа кёрюр.
- Сабийликде юретмесенг, уллу болса – тюзелмез.
- Чоюнну башы ачыкъ болса, итге уят керекди.
- Ариуну – ауруу кёб.
- Хазыр ашха – терен къашыкъ.
- Мухардан ач ычхынмаз.
- Таш ата билмеген, башына урур.
- Эки къатын алгъан – эки ташны ортасына башын салгъан.
- Айыбны суу бла джууалмазса.
- Къобан да къуру да къобханлай турмайды, адам да къуру да патчахлай турмайды.
- Джерни букъусу кёкге къонмаз.
- Аджаллыгъа окъсуз шкок атылыр.
- Айтылгъан буйрукъ, сёгюлмез
- Къарны аманнга къазан такъдырма, къолу аманнга от джакъдырма.
- Игилик игилик бла сингдирилиучю затды.
- Тойгъан антын унутур.
- Сёз садакъдан кючлюдю.
- Ашда уялгъан – мухар, ишде уялгъан – хомух.
- Айран ичген – къутулду, джугъусун джалагъан – тутулду.
- Чакъырылгъанны аты, чакъырылмагъанны багъасы болур.
- Мал кёб болса, джууукъ кёб болур.
- Тынгылагъан тынгы бузар.
- Миллетни бойну – базыкъ, аны бла кюрешген – джазыкъ.
- Кёлю джокъну – джолу джокъ.
- Намыс сатылыб алынмайды.
- Джаралыны джастыгъында сау ёлюр.
- Адам сёзюнден белгили.
- Сютден ауузу кюйген, суугъа юфгюре эди.
- Къатын къылыкъсыз, эр тынчлыкъсыз.
- Ханы къызы буюгъа-буюгъа киштик болду.
- Башынга джетмегенни сорма.
- От кюйдюрген, сау болса да, тот кюйдюрген, сау болмаз.
- Экеу тутушса, биреу джыгъылыр.
- Чомарт къолда мал къалмаз.
- Тилчи бир сагъатха айлыкъ хата этер.
- Къартны бурнун сюрт да, оноугъа тут.
Ошибка!
Для просмотра темы введите ваши логин и пароль.Пожалуйста, авторизуйтесь: