- Тёрде – темир таякълы, къаяда – чыпчыкъ аякълы.
- Эл ауузу – элек, анга ийнаннган – халек.
- Къан бла кирген, джан бла чыгъар.
- Эки ойлашыб, бир сёлешген.
- Баланы адам этген анады.
- Аууздан келген, къолдан келсе, ким да патчах болур эди.
- Джюрекге ариу – кёзге да ариу.
- Эринчекге кюн узун.
- Намыс болмагъан джерде, насыб болмаз.
- Аз айтсам, кёб ангылагъыз.
- Сабий кёргенин унутмаз.
- Тойгъа алгъа да барма, тойда артха да къалма.
- Билмегенинги, билгеннге сор.
- Джумушакъ сёз къаты таякъны сындырыр.
- Джашынгы кесинг юретмесенг, джашау юретир.
- Ауругъаннга – кийик саулукъ, джетген къызгъа – чилле джаулукъ.
- Юй ишлеген балта эшикде къалыр.
- Юйюнгден чыкъдынг – кюнюнгден чыкъдынг.
- Тынгылагъан тынгы бузар.
- Берекет берсин деген джерде, берекет болур.
- Эм уллу байлыкъ – джан саулукъ.
- Кёлю джокъну – джолу джокъ.
- Ёксюзню тилеги къабыл болур.
- Къолу уллу – асыу, аягъы уллу – джарсыу.
- Мал тутхан – май джалар.
- Тюкюрюк баш джармаз, налат кёз чыгъармаз!
- Ашхы – джыяр, аман – джояр.
- Туз, гырджын аша, тюзлюк бла джаша.
- Акъыл аздырмаз, билим тоздурмаз.
- Джарлы тюеге минсе да, ит къабар.
- Бичгенде ашыкъма, тикгенде ашыкъ.
- Къыз тиширыу кеси юйюнде да къонакъды.
- Садакъачыны джаны – къапчыгъында.
- Аман хансны – урлугъу кёб.
- Бал ашаргъа сюе эсенг, чибин ургъаннга тёз.
- Къызны минг тилер, бир алыр.
- Кесине оноу эте билмеген, халкъына да эте билмез.
- Тойну къарнашы – харс, джырны къарнашы – эжиу.
- Келлик заман – къартлыкъ келтирир, кетген заман – джашлыкъ ёлтюрюр.
- Чомарт джарлы болмаз.
- Къызгъанчдан ычхыныр, мухардан ычхынмаз.
- Башы ишлегенни, ауузу да ишлер.
- Чакъырылмагъан къонакъ – орунсуз.
- Уллу къашыкъ эрин джыртар.
- Сютню башын джалагъан къутулур, тюбюн ичген тутулур.
- Тик ёргени, тик энгишгеси да болады.
- Эринчекни аурууу – кёб.
- Тили узунну, намысы – къысха.
- Джогъун бар этген, барын бал этген.
- Ойнаб айтсанг да, эслеб айт.
Ошибка!
Для просмотра темы введите ваши логин и пароль.Пожалуйста, авторизуйтесь: