- Биреуню тёрюнден, кесинги эшик артынг игиди.
- Джети тилни билген джети кишиди.
- Суугъа – таянма, джаугъа – ийнанма.
- Джашынгы кесинг юретмесенг, джашау юретир.
- Ётюрюкню къуйругъу – бир тутум.
- Эки элинги тыйсанг, джети элде махталырса.
- Къыз чыгъаргъан – къызыл къымжа.
- Тёгюлген тюгел джыйылмайды.
- Кёбге таш атма.
- Алим болгъандан эсе, адам болгъан къыйынды.
- Ашарыкъда сайлагъаннга – чий гырджын.
- Тюкюрюк баш джармаз, налат кёз чыгъармаз!
- Таш ата билмеген, башына урур.
- Элге къуллукъ этмеген, элге ие болмаз.
- Окъ къызбайны джокълайды.
- Битмегеннге сакъал – танг.
- Ёлген аслан – сау чычхан.
- Аджалсыз ёлюм болмаз.
- Къызны минг тилер, бир алыр.
- Аурууну келиую тынч, кетиую – къыйын.
- Къатын байлыкъны сюер, эр саулукъну сюер.
- Джырчы джырчыгъа – къарнаш.
- Джангызны оту джарыкъ джанмаз!
- Кюлме джашха – келир башха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Асхат ашлыкъ сата, юйдегиси ачдан къата.
- Аман киши кеси юйюнде – къонакъ.
- Босагъагъа джууукъ орун болса, ашыгъыб тёрге озма.
- Бал ашаргъа сюе эсенг, чибин ургъаннга тёз.
- Ауурну тюбю бла, дженгилни башы бла джюрюген.
- Сагъышы джокъ – джукъучу, акъылы джокъ – къаугъачы.
- Тил – миллетни джаны.
- Джаралыны джастыгъында сау ёлюр.
- Джаханимни кёрмей, джандетге кёл салмазса.
- Келгинчи, къонакъ уялыр, келгенден сора, къонакъбай уялыр.
- Ишин билген, аны сыйын чыгъарады.
- Чыбыкълыкъда бюгюлмеген, къазыкълыкъда бюгюлмей эди.
- Тил джюрекге джол ишлейди.
- Байлыкъдан саулукъ ашхыды.
- Эл бла кёргенинг эрелей.
- Чомартны къолун джокълукъ байлар.
- Сёз къанатсыз учар.
- Бет бетге къараса, бет да джерге къарар.
- Билмегенинги, билгеннге сор.
- Джырчы ёлсе, джыры къалыр.
- Чомарт къолда мал къалмаз.
- Насыб бютеу халкъны юлюшюдю.
- Джолунга кёре – джюрюшюнг, джагъанга кёре – юлюшюнг.
- Къоркъакъны кёзю экили кёрюр.
- Къайтырыкъ эшигинги, къаты уруб чыкъма.
Ошибка!
Для просмотра темы введите ваши логин и пароль.Пожалуйста, авторизуйтесь: