- Чарсда алчыны эл кёреди.
- Билим ат болуб да чабар, къуш болуб да учар.
- Терек ауса, отунчу – кёб.
- Ачыу алгъа келсе, акъыл артха къалады.
- Этни бети бла шорпасы.
- Элде адам къалмаса, ит тахтагъа минер.
- Эркишини аманы тиширыуну джылатыр.
- Къуру гыбыт бек дыгъырдар.
- Джыланны къуйругъундан басарынг келсе, аны башы болгъанын унутма.
- Тилчиден кери бол.
- Халкъны джырын джырласанг, халкъ санга эжиу этер.
- Хунаны тюбюн къазсанг, юсюнге ауар.
- Къарны аманнга къазан такъдырма, къолу аманнга от джакъдырма.
- Хар адамгъа кеси миннген тау кибик.
- Рысхы – насыбха къор.
- Ётюрюк хапар аякъ тюбю бла джюрюйдю.
- Телини эшигин, махтау джабар.
- Къалгъан ишге къар джауар.
- Ишлегенде эринме, ишде чолакъ кёрюнме.
- Тёрени джагъы джокъ.
- Юре билмеген ит, къонакъ келтирир.
- Эри аманны, къатыны – аман.
- Тюкюрюк баш джармаз, налат кёз чыгъармаз!
- Окъ къызбайны джокълайды.
- Аллахдан тилесенг, кёб тиле.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тилчи бир сагъатха айлыкъ хата этер.
- Байлыкъ келсе, акъыл кетер.
- Къозулугъунда тоймагъан, къойлугъунда тоймаз.
- Къызны минг тилер, бир алыр.
- Кютгени беш эчки, сызгъыргъаны уа, джерни джарады.
- Ашхы сёз таш тешер.
- Алтыннга тот къонмаз.
- Билеги кючлю, бирни джыгъар, билими кючлю, мингни джыгъар.
- Ат басханны джер билед.
- Алгъанда – джууукъ, бергенде – джау.
- Ишлегенден, къарагъан уста.
- Орундукъ тюбюнде атылсам да, орта джиликме, де да айлан.
- Эртде тургъан джылкъычыны эркек аты тай табар.
- Биреуню къыйынлыгъы бла кесинге джол ишлеме.
- Бети бедерден, намыс сакълама.
- Къыйынлы джети элни къайгъысын этер.
- Аджалсыз ёлюм болмаз.
- Эки элинги тыйсанг, джети элде махталырса.
- Эр сокъур болсун, къатын тилсиз болсун.
- Тиширыусуз юй – отсуз от джагъа.
- Аджал соруб келмез, келсе, къайтыб кетмез.
- Къарнынг ауруса, ауузунгу тый
- Къаллай салам берсенг, аллай джууаб алырса.
- Уллу атлама – абынырса, уллу къабма – къарылырса.
Ошибка!
Для просмотра темы введите ваши логин и пароль.Пожалуйста, авторизуйтесь: