- Окъумагъан сокъурду, сокъур ташха абыныр!
- Ауузу бла къуш тута айланады.
- Танг атмайма десе да, кюн къоярыкъ тюйюлдю.
- Акъыл сабырлыкъ берир.
- Тойгъан джерден туугъан джер игиди.
- Адам къыйынлыгъын кёлтюрюр, зауукълугъун кёлтюрмез.
- Кютгени беш эчки, сызгъыргъаны уа, джерни джарады.
- Хунаны тюбюн къазсанг, юсюнге ауар.
- Тили узунну, намысы – къысха.
- Халкъны юйю – туугъан джери.
- Таула не мийик болсала да, аууш табылыр.
- Чарсда алчыны эл кёреди.
- Келинин тута билмеген, къул этер, къызын тута билмеген, тул этер.
- Халкъны джырын джырласанг, халкъ санга эжиу этер.
- Ханнга да келеди хариблик.
- Мухардан ач ычхынмаз.
- Айтхан сёзюне табылгъан.
- Ашда – бёрю, ишде – ёлю.
- Тёрени джагъы джокъ.
- Джарлыны эшигин махтагъан джабар.
- Тюзню ётмеги тюзде къалса да, тас болмаз.
- Ашда уялгъан – мухар, ишде уялгъан – хомух.
- Адебни адебсизден юрен.
- Рысхы – сют юсюнде кёмюк кибикди.
- Алим болгъандан эсе, адам болгъан къыйынды.
- Джашны джигитлиги сорулур, къызны джигерлиги сорулур.
- Иги адам абынса да, джангылмаз.
- Джырчы джырчыгъа – къарнаш.
- Къарнынг бла ёч алма.
- Адамгъа аман кюн соруб келмейди.
- Таш ата билмеген, башына урур.
- Билимсиз иш бармаз.
- Ач бёрюге мекям джокъ.
- Аманны тукъумуна къарама, игини тукъумун сорма.
- Къонакъ болсанг, ийнакъ бол.
- Бек ашыкъгъан меннге джетсин, дегенди аракъы.
- Адеби болмагъан къыз – тузсуз хант.
- Адам сёзге тынгыла, акъыл сёзню ангыла.
- Кёл ашады да, кеси ашады.
- Хансыз джомакъ болмаз.
- Тилсиз миллет джокъ болур.
- Кёзю сокъурдан – къоркъма, кёлю сокъурдан – къоркъ.
- Сескекли кесин билдирир.
- Бозаны арты дауур болур.
- Билим къая тешер.
- Бир абыннган – минг сюрюнюр.
- Эркишини аманы тиширыуну джылатыр.
- Ашхылыкъ джерде джатмайды, аманлыкъ суугъа батмайды.
- Ашлыкъ – бюртюкден, джюн – тюкден.
- Ашхы болсанг, атынг чыгъар, аман болсанг, джанынг чыгъар.
Ошибка!
Для просмотра темы введите ваши логин и пароль.Пожалуйста, авторизуйтесь: