- Нарт сёз – тилни бети.
- Тойну къарнашы – харс, джырны къарнашы – эжиу.
- Ашыкъгъан cуу, тенгизге джетмез.
- Чоюнну башы ачыкъ болса, итге уят керекди.
- Дуния мал дунияда къалады.
- Адеб джокъда, намыс джокъ.
- Къызын тута билмеген, тул этер, джашын тута билмеген, къул этер.
- Бюгюн дуния кибик, тамбла ахыратды.
- Тенгни тенглиги джашай барсанг билинир.
- Джыгъылгъанны сырты джерден тоймаз.
- Иги сёз – джаннга азыкъ, аман сёз башха – къазыкъ.
- Кёзню ачылгъаны – иги, ауузну джабылгъаны – иги.
- Дуния аламаты сен эсенг да, игиме деб айтма.
- Тил джюрекге джол ишлейди.
- Ашда уялгъан – мухар, ишде уялгъан – хомух.
- Хар сёзню орну барды.
- Ургъан суудан башынгы сакъла.
- Эр сокъур болсун, къатын тилсиз болсун.
- Зарда марда джокъ.
- Иги – алгъыш этер, аман – къаргъыш этер.
- Ойнай билмеген, оюн бузар.
- Адеб базарда сатылмаз.
- Ат басханны джер билед.
- Окъ къызбайны джокълайды.
- Бети къызарыучу адамны, джюреги харам болмаз.
- Джиби бир къат джетмей эди да, эки къат тарта эди.
- Ач отунчуну ачыуу – бурнунда.
- Ауузу бла къуш тута айланады.
- Билмегенинги, билгеннге сор.
- Зар адамны насыбы болмаз.
- Кёл – къызбай, къол – батыр.
- Адам сёзюнден белгили.
- Арба аугъандан сора, джол кёргюзтюучю кёб болур.
- Адамны сыфатына къарама, сёзюне къара.
- Ким бла джюрюсенг, аны кёзю бла кёрюнюрсе.
- Намыс сатылыб алынмайды.
- Иги адам абынса да, джангылмаз.
- Керек ташны ауурлугъу джокъ.
- Джаш болсун, къыз болсун, акъылы, саны тюз болсун.
- Аман адам элни бир-бирине джау этер.
- Рысхы – насыбха къор.
- Къанны къан бла джуума, аманны аман бла къуума.
- Къартны сыйын кёрмеген, къартлыгъында сыйлы болмаз.
- Адамны сабийин сюйген джюреги, бычакъча, джитиди.
- Эл тойса, тоймагъан, эл къойса, къоймагъан.
- Ханнга да келеди хариблик.
- Джукъу тёшек сайламайды.
- Адам къаллай бир ишленмесе, аллай бир кесин уллу кёреди.
- Юй кюйдю да, кюйюз чыкъды, ортасындан тюйюш чыкъды.
- Кёз – сюйген джерде, къол – ауругъан джерде.
Ошибка!
Для просмотра темы введите ваши логин и пароль.Пожалуйста, авторизуйтесь: